یهودا 1:8 - Gilaki New Testament

⁸ همه‌یٚ اَشأنی اَمرأ اَ اَویرَ بوسته معلمأن کی خوشأنٚ خأبأنٚ جَا ایلهأم گیرده، خوشأنٚ فأسید و اَلواتگیری زٚندیگی‌یَ ایدأمه دٚهٚده و خوشأنی جأنَ آلودَه کونٚده؛ هطویم هیتأ قودرتٚ منبع جأیٚم فرمأن نٚبرده و تومأمٚ آسمأنٚ موجودأنَ رخشنَ گیرده.

کتاب مقدس به زبان گیلکی - گویش شرقی

⁸ با ای همه، هیطؤری ای مردومؤنم خوشؤن بدئه خؤؤن سر تکیه کؤنن، خوشؤن تنؤنه نجیسأکؤنن و ایقتداره رد کؤنن و آسمؤنی پیله کسؤنه کوفر گونن.

کتاب مقدس به زبان گیلکی - گویش رشت و غرب گیلان

⁸ با اَن همه، هَطویی، اَ مردومانَم به خوابانی کی دینیدی تکیه کونیدی، خوشانِ تن ئانَ نجستَ کونیدی و اقتدارَ رَدَّ کونیدی و آسمانی پیله چیانَ کفر گیدی.

یهودا 1:8 ပူးပေါင်းရင်းမြစ်များ

لوقا 11:25

پس وأگرده و دینه کی خو قبلی خأنه جأرو بوبوسته و مورتّبه.

لوقا 12:11

«هو زمأت کی شٚمٚره موحأکمه کودنٚ وأسی، یوهودٚ کنیسه‌یأنٚ میأن و پیله کسأن و حأکیمأنٚ ورجأ ببرد، نیگرأن نیبید کی شیمی دفأع وأسی چی بیگید.

لوقا 19:14

امّا ای عیده جٚه هو اوستأنٚ آدمأن کی اونی اَمرأ موخألف بود، چنتأ نمأینده پأدیشأ ورجأ اوسه کودٚد کی بٚگد دوس نأرٚده کی او نجیب زأده اوشأنی حأکیم بٚبه.

اعمالٚ رسولأن 23:5

پولس جوأب بٚدأ: «برأرأن، نأنستیم کی اون پیله کأهین ایسه، چونکی بینیویشته بوبوسته: تی قومٚ پیله کسأنَ بد نوگو.»

اعمالٚ رسولأن 7:27

«ولی اونی کی تقصیر دأشتی موسایَ بوگفته: کی تٚرَه اَمی حأکیم و دأور چأکوده؟

اعمالٚ رسولأن 7:39

ولی اَمی پیله بأبأیأن نخأستٚد موسا جَا ایطأعت بوکونٚد. اوشأن اونَ قوبیل نوکودٚد و بٚخأستٚد مصر میأن وأگردٚد.

اوّل قرنتیان 3:17

اگه اینفر معبدَ نجست و خرأبَ کونه، خودا اونَ جٚه بین بٚره. چونکی معبد، موقدس و پأک ایسه، و او معبد شومأن ایسید.

اوّل تسالونیکیان 4:8

اگه اینفر حأضیر نٚبه اَ حوکمأنٚ موطأبٚق زٚندیگی بوکونه، وأستی بٚدأنه کی اینسأنٚ فرمأنأنٚ ضد عمل نوکونِه بلکی خودا حوکمأنٚ جَا کی خو تیمیزٚ روحَ شٚمٚره بٚبخشه.

اوّل تیموتائوس 1:10

هطویه، شریعت او زٚنأکأرأن، همجینس‌بأزأن، اوشأنی کی غولأمأنَ فوروشده، دورُغگویأن، اوشأنی کی دأدگأیأنٚ میأنی دورُغ شهأدت دٚهٚده و تومأمٚ کسأنی شینم ایسه کی کردکأرأنی کونٚده کی دوروستٚ آموجٚه‌یأنٚ اَمرأ فرق کونٚه،

عبرأنیأن 13:17

شیمی روحأنی رهبرأنٚ جَا ایطأعت بوکونید، و هر چی کی گده جأنٚ دیلٚ اَمرأ انجأم بدید، چونکی اَشأنی کأر، شیمی جأنأنٚ جَا پأستٚن ایسٚه، و اَنٚ وأسی خودا ورجأ وأستی جوأب بٚدٚد. پس جوری کردکأر بوکونید کی اوشأن خوشأنی خیدمتٚ جَا کِیف بوکونٚد، نه اَنکی درد و رنجٚ اَمرأ اونَ انجأم بٚدٚد، چونکی اَطویی شومأنم رنج بریدی.

۱پطرس 2:17

همٚتأنَ ایحترأم بوکونید؛ ایمأندأرأنٚ دوس بٚدأرید؛ خودا جَا حیسأب بٚبٚرید؛ پأدیشأیَ ایحترأم بنید.