یوحنا 6:66 - Gilaki New Testament

⁶⁶ اَ گبأنٚ ایشتأوٚستٚنٚ اَمرأ، خٚیلی جٚه اونی شأگردأن اونی جَا رو وأگردأنِده و دِه اونی جَا ایطأعت نوکودٚد.

کیتاب مقدّس به گیلکی (رشتی)

⁶⁶ در اَ زمان خیلی از اونٚ شاگردأن وأگردستیدی و دِه اونَ همرأهی نوکودیدی.

کتاب مقدس به زبان گیلکی - گویش شرقی

⁶⁶ از ایی وخت ببعد خیلی از شاگردؤن وگَرسَن و ده اونه همراهی نوُدَن.

کتاب مقدس به زبان گیلکی - گویش رشت و غرب گیلان

⁶⁶ بازون پس، خَیلی جه عیسی دُمباله روئان اونَ تَرکا کودید و ده اونَ هَمرائی نُکودید.

یوحنا 6:66 ပူးပေါင်းရင်းမြစ်များ

متّی 19:22

ولی وختی او جوأنٚ مردأی اَنَ بشتأوسته، دیلخور جٚه اویَه بوشؤ، چون خٚیلی مأل و مینأل دأشتی.

لوقا 9:62

عیسا اونَ بٚفرمأسته: «کسی کی شوخم زِئنٚ سٚر گیفتنٚ پٚسی، وأگرده خو سٚرٚ پوشته فأندٚره، خودا ملکوتٚ میأن خیدمت کودنٚ رِه لیأقت نأرِه!»

یوحنا 2:2

عیسا و اونی شأگردأنٚم هو عروسی میأن دعوت بوبوسته بود.

یوحنا 6:60

اَ گبأنٚ فأمٚستٚن اَندر سخت بو کی عیسا شأگردأنٚم کس‌کسٚ بوگفتٚده: «خٚیلی سخته کی بفأمیم چی خأیه بٚگه کی تأنه اونَ قوبیل بوکونه؟»

یوحنا 6:64

اَنٚ اَمرأ، ای عیده جٚه شومأن مٚرَه ایمأن نأوٚریدی.» چونکی عیسا جٚه هو اوّل دأنستی کی کیأن اونَ ایمأن اَوٚرٚده و کی اونَ نأرو زٚنِه.

یوحنا 7:3

عیسا برأرأن اونَ بوگفتٚده: «تو اَیَه‌یَ بٚنه و بوشو یوهودیه، کی تی پیروأن تی موجیزه‌یأنَ بیدینٚد.»

یوحنا 8:31

عیسا یوهودیأنی‌یَ کی اونَ ایمأن بأوٚرده بود، بٚفرمأسته: «اگه می آموجه‌یأنَ وفأ بوکونید، می رأس‌رأسِی شأگردأن بیدی.

دوم تیموتائوس 1:15

هوطو کی دأنی، تومأمٚ مسیحیأن کی آسیا ایالتأنٚ جَا اَیَه بأمؤبید، مٚرَه وِلَ کودٚد و بوشؤده، حتّا فیجلوس و هرموجنسم مٚرَه ترکَ کودٚد.

دوم تیموتائوس 4:10

چونکی دیماس مٚرَه ترکَ کوده؛ اون اَ دونیأ کأرأنٚ علأقه دأشتٚن و دیل دٚوٚستٚنٚ وأسی بوشؤ تسالونیکی. هطویم کریسکیس بوشؤ غلاطیه و تیتوس بوشؤ دلماتیه.

عبرأنیأن 10:38

و امّا عأدیل ایمأنٚ اَمرأ زٚندیگی کونه. ولی اگه اینفر جٚه اَشأنٚ میأن پسأ‌ پٚسی وأگرده و دِه می رأیَ نشه، اونی جَا رأضی نییٚم.»

اوّل یوحنا 2:19

اَ آدمأن اَمی میأن ایسأ بود، امّا جٚه اَمأن نوبود، چونکی اگه اَطو نوبو اَمی ورجأ ایسأییدی. وختی اَمی جَا سیوأ بوبوستٚد معلوم بوبوسته کی اصلن جٚه اَمأن نوبود.