یوحنا 6:46 - Gilaki New Testament

⁴⁶ اَنٚم بٚگم کی می منظور اَن نییٚه کی کسی خودایَ بیدِه، نه! چونکی فقد من کی جٚه اونی ورجأ بأمؤم، اونَ بیدِم.

کیتاب مقدّس به گیلکی (رشتی)

⁴⁶ هیچ کس پئرَ نیده، مگر او کسی کی از طرفٚ خودا بمو؛ اون، پئرَ بیده.

کتاب مقدس به زبان گیلکی - گویش شرقی

⁴⁶ هیشکس آسمونی پئرِ بدِه ندَئنه، مگه اوکسی که خدا طرفَ جی ایسه؛ اونه که آسمونی پِئرِ بدِه دئنه.

کتاب مقدس به زبان گیلکی - گویش رشت و غرب گیلان

⁴⁶ هیکّس پئرَ بیده نره، جغیر اونکی خُدا طرفِ جا اَیه؛ اونه کی پئرَ بیده.

یوحنا 6:46 ပူးပေါင်းရင်းမြစ်များ

متّی 11:27

«می پئر همه چی‌یَ می دٚس فأدأ. رأس‌رأسِی هیکس پٚسرَ نشنأسه جغرز پئر و هیکس رأس‌رأسِی پئرَ نشنأسه جغرز پٚسر و اوشأنی‌یٚم کی پٚسر بٚخأیٚه خؤرَه اوشأنَ بٚشنأسأنه.»

لوقا 10:22

بأزین خو شأگردأنَ بوگفته: «می پئر همه چی‌یَ می دٚس بیسپأرده. هیکس رأس‌رأسِی، پٚسرَ نشنأسه جغرز پئر و هیکس رأس‌رأسِی پئرَ نشنأسه جغرز پٚسر و هطویم اوشأنی کی پٚسر بٚخأیٚه اونَ اَشأنَ بٚشنأسأنه.»

یوحنا 1:18

هیکس هیوخت خودایَ نیده؛ ولی خودا ایدأنه پٚسر کی خو پئر دیلَ نیزدیک ایسه اونَ اَمٚرَه بشنأسأنه.

یوحنا 14:7

اگه بدأنسته بید کی من کی ایسٚم، او وخت دأنستیدی کی می پئر کیسه. ولی جٚه اَنٚ پٚسی، اونَ شنأسیدی و اونَ بیدِه دأرید.»

یوحنا 15:24

اگه من اَ مردومٚ چومأنٚ ورجأ کأری نوکوده بوم کی جغرز من هیکس تأ هسأ نوکوده بو، تقصیرکأر نوبود، امّا اَسه تومأمٚ اَ موجیزه‌یأنٚ دِئنٚ اَمرأ، هنو می جَا و می پئرٚ جَا بیزأرٚده؛

یوحنا 5:37

خودا خودش می شأهیده، خودایی کی هیوخت اونَ نیدِییدی و اونی صدایَ نشتأوستیدی.

یوحنا 7:29

من اونَ شنأسٚم، چونکی من جٚه اون ایسٚم و اون مٚرَه شیمی ورجأ اوسه کوده.»

یوحنا 8:19

اوشأن وأوٚرسئیدی: «تی پئر کویه ایسأ؟» عیسا جوأب بٚدأ: «شومأن کی نأنیدی من کی‌یٚم، چوطو خأییدی می پئرَ بٚشنأسید؟ اگه مٚرَه بشنأخته‌بید می پئرم شنأختیدی.»

یوحنا 8:55

شومأن اونَ نشنأسیدی ولی من اونَ شنأسٚم. اگه بٚگم اونَ نشنأسٚم، او وخت شیمی مأنستَن دورُغگو بٚم! امّا حِئقت اَن ایسه کی من خودایَ شنأسٚم و پأک اونی جَا ایطأعت کونم.

کولسیان 1:15

اون نیده بوستنی خودا، بیدِه بوستنی دیمٚ و تومأمٚ آفرینشٚ پیله زأکه.

اوّل تیموتائوس 6:16

فقد اون ایسه کی سرمدیٚه و ایتأ نورٚ دورون ایسأ کی هیکس تأب نأرِه اونَ نیزدیکَ بٚه و هیکس اونَ نیده و نیدینه. عیزت و قودرت همیشٚک اون رو بٚبه. آمین.

اوّل یوحنا 4:12

هیکس خودایَ هیوخت نیده امّا اگه کس‌کسَ محبت بوکونیم، خودا اَمی دورون سأکینه و اونی محبت اَمی دورون کأمیلَ به.