یوحنا 12:50 - Gilaki New Testament

⁵⁰ و دأنٚم کی اونی حوکمأن، اینسأنَ همیشٚکی زٚندیگی‌یَ فأرٚسأنه. پس هر چی‌یَ کی خودا مٚرَه بٚفرمأسته، من هونَ گم.»

کیتاب مقدّس به گیلکی (رشتی)

⁵⁰ و من دأنم کی اونٚ دستور زندگی‌یٚ اَبدی‌یه. پس اونچی‌یَ کی من گم هو چیزی ایسه کی پئر بوگفته کی من بگم.»

کتاب مقدس به زبان گیلکی - گویش شرقی

⁵⁰ و مو دؤنم که اونه دستور، اَبدی زندگی ایسّه. پس اوچیزی که مو گونم، درست، هو چیزی ایسّه که آسمونی پئر بوته بوگؤم.»

کتاب مقدس به زبان گیلکی - گویش رشت و غرب گیلان

⁵⁰ و من دانم کی اونِ دستور ابدی زیندگیه. پس اونچیَ کی گَم، دُرُستْ، اونچیه کی پئر مَرا بگفته تا بگم.»

یوحنا 12:50 ပူးပေါင်းရင်းမြစ်များ

یوحنا 17:3

و همیشٚکی زٚندیگی اَن ایسه کی تٚرَه، کی او ایتأ دأنه رأس‌رأسِی خودا ایسی و عیسایٚ مسیحَ کی اوسه کودی، بٚشنأسٚد.

یوحنا 20:31

امّا هَندر بینیویشته بوبوسته کی، ایمأن بأوٚرید کی عیسا، هو مسیح، خودا پٚسر ایسه و هر کی اونَ ایمأن بأوٚره، همیشٚکی زٚندیگی‌یَ یأفه.

یوحنا 5:19

عیسا هطویم بوگفته: «رأس‌رأسِی شٚمٚره گم کی پٚسر، خو میلٚ اَمرأ هیتأ کأری نوکونه، بلکی اونچی‌یَ کی خو پئرٚ جَا دینه انجأم دِهه. چونکی هرتأ کأر کی پئر انجأم دِهه، پٚسرم انجأم دِهه.

یوحنا 6:63

فقد خودا روح ایسه کی اینسأنَ همیشٚکی زٚندیگی بخشه. اینسأنی حقٚ و سعی زِئن فأیده نأرِه. ولی اَ گبأنَ کی شٚمٚره بوگفتم، روح و زٚندیگی ایسٚد.

یوحنا 6:68

شمعونَ پطرس جوأب بٚدأ: «آقأ جأن، کی ورجأ بیشیم، فقد تویی کی تی گبأنَ اَمرأ آدمَ همیشٚکی زٚندیگی بخشی.

یوحنا 8:28

پس عیسا بٚفرمأسته: «هر وخت اینسأنٚ پٚسرَ، صلیب رو رأستَ کودید، او وخت فأمیدی کی من ایسٚم و خودمٚ جَا کأری نوکونم، بلکی فقد اونچی‌یَ گم کی می پئر مٚرَه بأمؤخته و هونَ وأگویا کونم.

اوّل تیموتائوس 1:16

ولی خودا مٚرَه رحم بوکوده کی اَطویی عیسا مسیح بتأنٚه مٚرَه ایتأ نیشأنه مأنستَن دیگرأن وأسی ایستفأده بوکونه و نیشأن بٚده کی حتّا ایتأ بدترینٚ گونأکأرأنٚ وأسییٚم صبر دأره کی البأقیم بفأمٚد کی تأنٚده همیشٚکی زٚندیگی بٚدأرٚد.

اوّل یوحنا 2:25

و او اَبدی زٚندیگی کی اون وعده بٚدأ، شیمی نصیب بِه.

اوّل یوحنا 5:20

اَنَ دأنیم کی خودا پٚسر بأمؤ و اَمی چومأنَ وأکوده کی رأس‌رأسِی خودایَ بشنأسیم و هسأ اَمأن در خودا ایسأییم چونکی در اونی پٚسر عیسایٚ مسیح قرأر بیگیفتیم. فقد اون رأس‌رأسِی خودا و اَبدی زٚندیگی ایسه.