یوحنا 11:1 - Gilaki New Testament

¹ ایتأ روج، اینفر ایلعأزر نأم، کی مریم و مارتا برأر بو، نأخوشَ بوسته. اوشأن بیت عنیا میأن زٚندیگی کودیدی.

کیتاب مقدّس به گیلکی (رشتی)

¹ مردی ایلعازر نام مریض بو. اون از مردومأنٚ بیت‌عَنْیا بو، دِهی کی مریم و اونٚ خأخور مارتا اویه‌شین بید.

کتاب مقدس به زبان گیلکی - گویش شرقی

¹ یکته مردکه بایسمِ ایلعازَر ناخوش بو. او بیت عَنْیا دهاتِ مردمؤن جی بو، هو دهاتی که مریم و اونه خاخور مارتا اوره زیندگی گودَن.

کتاب مقدس به زبان گیلکی - گویش رشت و غرب گیلان

¹ ایتا مردای ایلعازَر نام ناخوش بو. اون جه بِیت‌عَنْیا آبادی مردومان بو، هو آبادی کی مریم و اونِ خاخور مارتا اویا ایسابید.

یوحنا 11:1 ပူးပေါင်းရင်းမြစ်များ

متّی 21:17

بأزون شهرٚ جَا بوشؤ بیرون، بوشؤ بیت عنیا و شب هویه بئیسأ.

مَرقُس 11:1

وختی کی فأرٚسِده اورشلیمَ بیت فأجی و بیت عنیا نیزدیکی کی کوه زیتونٚ سٚر نٚهأ بو، عیسا دوتأ جٚه خو شأگردأنَ پیشتر اوسه کوده

یوحنا 11:11

او وخت بٚفرمأسته: «می ریفِق ایلعأزر خوفته و من شٚم کی اونَ ویریزأنٚم.»

یوحنا 11:18

بیت عنیا فقد چن کیلومتر اورشلیم جَا دؤر بو.

یوحنا 11:19

هنٚ وأسی، یوهودٚ قومٚ پیله کسأن جٚه اورشلیم بأمؤده کی مریم و مارتایَ تسلیت بٚگد.

یوحنا 11:3

او دو تأ خأخور عیسا رِه پیغأم اوسه کودٚد، بوگفتٚده: «اَی آقأ جأن، تی ریفِق کی تٚرَه عزیزه خٚیلی نأخوشه.»

یوحنا 12:17

مردومٚ میأن، اوشأنی کی ایلعأزرٚ زٚنده بوستنَ خوشأنی چومأنٚ اَمرأ بیدِه بود، اونَ مردومٚ رِه وأگویا کودیدی.

یوحنا 12:9

وختی اورشلیمٚ یوهودیأن بشتأوستٚده کی عیسا اویَه بأمؤ، دسته دسته بوشؤده کی اونَ بیدینٚد. اوشأن خأستیدی ایلعأزرَ، کی عیسا زٚنده کوده‌ بویَ، بیدینٚد.

اعمالٚ رسولأن 9:37

ولی هه زمأتٚ میأنی نأخوش احوألَ بوسته و بٚمٚرده. اونی ریفِقأن اونی جنأزه‌یَ بوشؤستٚده و ایتأ تلأرخأنه میأن بٚنأده کی اونَ ببرد و بیگیلَ کونٚد.