یعقوب 2:21 - Gilaki New Testament

²¹ مگه بٚخأطر نأرید کی اَمی جد ایبرأهیم هم خو کردکأرأنٚ وأسی خودا ورجأ قوبیل بوبوسته؟ چون اون حأضیرَ بوست کی خو پٚسر ایسحأقَ خودا رِه قوربأنی بوکونه.

کتاب مقدس به زبان گیلکی - گویش شرقی

²¹ مگه أمه جد، ابراهیم خو اعمالِ أمرهَ صالح بشمورده نوبو، هووخت که خو ریکه اسحاقِ قربونگاه به پیشکش بوده؟

کتاب مقدس به زبان گیلکی - گویش رشت و غرب گیلان

²¹ مگه اَمی جّد ابراهیم خو اعمال مَرا صالح بیشمارده نُبوسته، اُ موقع کی خو پسر اسحاقَ قربانگا سر پیشکش بُکوده؟

یعقوب 2:21 ပူးပေါင်းရင်းမြစ်များ

متّی 12:37

پس شیمی گبأن یا شٚمٚره محکومَ کونه، یا بی‌گونأیی‌یَ نیشأن دِهه.»

متّی 3:9

اَ خیألم شیمی کله جَا بیرونَ کونید، چونکی شیمی جد ایبرأهیمه خودا غضبٚ جَا جیویزیدی، چون اَ بیأبأنٚ سنگأنٚ اَمرأ خودا تأنه ایبرأهیمٚ رِه زأی چأکونه!

لوقا 1:73

هو قولی‌یَ کی اَمی پیله پئر ایبرأهیمٚ اَمرأ دٚوٚسته،

لوقا 16:24

پس ایجگره بٚزِه: "اَی می پئر ایبرأهیم، مٚرَه رحم بوکون و ایلعأزرٚ اَیَه اوسه کون کی فقد خو اَنگوشتَ آبٚ دورونی بٚزٚنه و می زوأنَ خونٚکَ کونه چونکی اَ شوأله‌یأنٚ میأن سوختأندٚرم!"

لوقا 16:30

او پولدأرٚ مردأی جوأب بٚدأ: "نه، ای می پئر ایبرأهیم! می برأرأن اوشأنی گبأنَ دیقت نوکونٚد، امّا اگه اینفر مورده‌یأنٚ جَا اوشأنی ورجأ بشه، شکی نأرٚم کی خوشأنی گونأیأنٚ جَا توبه کونٚد."

یوحنا 8:39

بوگفتٚده: «اَمی پئر، ایبرأهیمه.» عیسا جوأب بٚدأ: «نه، اگه اَطو بو، شومأنم ایبرأهیمٚ خوروم کردکأر جَا سٚرمشق گیفتیدی.

یوحنا 8:53

ینی تو جٚه اَمی پئر ایبرأهیم کی بٚمٚرده پیله‌تری؟ جٚه خودا پیغمبرأنم کی بٚمٚردٚد پیله‌تری؟ تٚرَه کی دأنی؟»

اعمالٚ رسولأن 7:2

ایستیفان بوگفته: «اَی برأرأن و پئرأن بشتأوید. خودایٚ پورجلال و شوکو، پیشتر جٚه اَنکی اَمی پیله بأبأ ایبرأهیم کوچ بوکونه حرانٚ ور، بین‌النهرینٚ میأن خؤرَه اونَ نیشأن بٚدأ.

رومیأن 3:20

چونکی هیکس نتأنه دینی حوکمأنٚ انجأم دئن اَمرأ، خودا چومٚ جَا عأدیل بٚحیسأب بأیٚه. دینی حوکمأن فقد نیشأن دٚهٚده کی چندر گونأکأر ایسیم.

رومیأن 4:1

بأزین اَطو بٚبه دروأره‌یٚ اونچی کی ایبرأهیم بیأفته چی وأ بیگیم، اون کی اینسأنی حیسأب بوکونیم، اَمأن کی یوهودی ایسیمٚ پیله بأبأ بو؟

رومیأن 4:12

اَنٚم بٚگم کی ایبرأهیم روحأنی رأ روشٚ اَمرأ اوشأنی رِه کی ختنه بوبوستده، پئر ایسه، ولی ایبرأهیم زٚندیگی اَمرأ بفأمستده کی خودا لوطف و نیجأت جٚه ایمأنٚ رأ بٚدٚس اَیِه و ختنه مرأسیم اَمرأ نیبه. چونکی ایبرأهیم فقد جٚه رأی ایمأن بتأنسته خودا رضأیتَ بٚدٚس بأوٚره، پیشتر جٚه اَنکی ختنه بٚبه.

رومیأن 4:16

پس اَطو تأنیم بیگیم کی خودا خو برکتأنَ جٚه ایمأنٚ رأ اَمٚرَه عطأ کونه، ایتأ پیشکشی مأنستَن. هسأ چی مذهبی مرأسیمَ بجأ بأوریم و چی بجأ نأوریم، اگه ایتأ ایمأن ایبرأهیمٚ ایمأنٚ مأنستَن بٚدأریم، بودونٚ شک او برکتأن اَمی سأمٚم بِه، چونکی ایمأنٚ وأسی ایبرأهیم اَمی همٚتأنٚ پئره.

عبرأنیأن 11:17

او زمأت کی خودا ایبرأهیمَ ایمتحأن کودأندوبو و اونی جَا بٚخأست کی خو پٚسر ایسحأقَ قوربأنی بوکونه، اون او ایمأنٚ وأسی کی خودایَ دأشتی، قوبیل بوکوده خودا فرمأنَ ایطأعت بوکونه. اَنٚ اَمرأ کی دروأره‌یٚ ایسحأق وعده‌یأنی خودا جَا فأگیفته بو، ولی حأضیر بوبوسته کی اونَ قوربأنی بوکونه،

یعقوب 2:18

اَ ایرأد دوروسته کی اگه اینفر بٚگه: «شومأن گیدی اونچی کی موهیم ایسه، فقد ایمأن ایسه و بس! ولی من گم خورومٚ کأرأنم موهیمٚده. چون شومأن بودونٚ خورومٚ کأرأن نتأنیدی ثأبیت بوکونید کی ایمأن دأریدی. ولی همٚتأن تأنیدی جٚه می کردکأرأن بیدینٚد، بیدینٚد کی ایمأن دأرم.»

یعقوب 2:24

پس دینید کی اینسأن جغرز ایمأن خو کردکأرأنٚ اَمرأ هم نیجأت یأفه.