عبرأنیأن 9:16 - Gilaki New Testament

¹⁶ ای زمأت کی ایتأ وصیت اینفرٚ جَا بأقی مأنه، پیشتر جٚه اَنکی ارث سأم بٚبه، وأستی اوّل بیرون بأیٚه کی اونی کی وصیت بوکوده بٚمٚرده یا زٚنده‌یه.

کتاب مقدس به زبان گیلکی - گویش شرقی

¹⁶ چون یکته وصیت زمؤنی ایجرا بنه کی ثابیت ببی وصیت بوده کس بمرده.

کتاب مقدس به زبان گیلکی - گویش رشت و غرب گیلان

¹⁶ چونکی زماتی ایتا وصیت اجرا به، کی ثابت بِبه اونکی وصیت بُکوده، بَمردیه.

عبرأنیأن 9:16 ပူးပေါင်းရင်းမြစ်များ

رومیأن 5:12

وختی آدم فرمأن نٚبرده، گونأ بأمؤ اَ دونیأ دورون. آدمٚ گونأ، مٚردنَ خو اَمرأ بأوٚرده و اَطو بوبوسته کی مٚردن همٚتأنٚ یقه‌یَ بیگیفته، چونکی همٚتأ گونأ بوکودٚد.

رومیأن 6:23

چونکی هرکی گونأ بوکونه، فقد اونٚ موأجب، مٚردنه؛ ولی هرکی اَمی خوداوند عیسا مسیحَ ایمأن بأوٚره، اونی پأدأش جٚه خودا ور اَبدی زٚندیگی ایسه.

اوّل قرنتیان 15:22

چون هوطو کی همه کس اَنٚ وأسی کی «آدمٚ» شین ایسٚد میرٚده، همه اوشأنی کی مسیحٚ شین ایسٚد، ایوأردِه زٚنده بٚده.

عبرأنیأن 1:3

خودا پٚسر، خودا جلالَ دتأوأنه و تومأمٚ اونٚ وجودَ، کأمیل نیشأن دِهه. اون خو پورقوّتٚ کلامٚ اَمرأ تومأمٚ دونیأیَ گردأنِندره. اون بأمؤ اَ دونیأ دورون کی، خو جأنَ فٚدأ بوکونه، و اَمٚرَه پأکَ کونه، اَمی قدیمٚ زٚندیگی، کی گونأ میأن نٚهأ بویَ، جٚه بین ببره؛ بأزون، گولأز کودن جأجیگأ لچه سٚر، ینی موتعألٚ خودا رأستٚ دٚس بینیشت.

عبرأنیأن 13:20

و هسأ دوعأ کونم او خودا حوضورٚ میأن کی آرأمٚش اونی جَا شورو بِه، او خودا حوضور میأن کی اَمی خوداوند عیسایَ کی گوسوٚندأنٚ پیله شبأن ایسه مٚردنٚ پٚسی زٚنده کوده و اونی خونٚ اَمرأ، اَبدی قول و قرأرَ قوبیل بوکود؛

عبرأنیأن 9:15

اَطویی، مسیح اَ تأزه قرأرٚ اَمرأ بأمؤ کی تومأمٚ اوشأنی کی جٚه خودا ور دعوت بوبوستده، بتأنٚد بأیٚد اونی ور، همیشٚکی برکتأنَ کی خودا وعده بدأبو، فأگیرد؛ چونکی مسیح اوشأنٚ گونأیأنٚ وأسی فٚدأ بوبوسته کی اوشأنَ، گونأیأنٚ موجأزأتٚ جَا کی قدیمٚ شریعتٚ زمأتٚ میأن بوکودٚده، آزأدَ کونٚه.

عبرأنیأن 9:17

ایجور دِه شأ گفتن، وصیت نأمچه فقد وصیت بوکوده کسٚ مٚردنٚ پٚسی ارزش دأره، و تأ او زمأت کی اون زٚنده‌یه، هیتأ جٚه اونی وأرثأن نٚتأنٚده خوشأنی سأمَ فأگیرد.

یعقوب 2:10

اونی کی خودا حوکمأنٚ همٚتأیَ موبٚمو انجأم دِهه، ولی ایتأ کوجه‌دأنه کأرٚ دورون ایشتیوأ بوکونه، اونٚ تقصیر او کسَ اَندر ایسه کی خودا حوکمأنٚ همه لقد دٚمٚج بوکوده.