عبرأنیأن 11:19 - Gilaki New Testament

¹⁹ چونکی ایبرأهیم ایمأن دأشتی ایسحأق حتّا اگه بیمیره، خودا تأنه اونَ زٚنده کونه. رأس‌رأسِی، هطویم بوبوسته، چونکی ایسحأق ایبرأهیمٚ فیکرٚ اَمرأ، وأستی بوکوشته بوبوسته بی، ولی دووأره عُمر بیأفته.

کتاب مقدس به زبان گیلکی - گویش شرقی

¹⁹ ابراهیم ایطو فیکر گود که خدا تینه حتی اسحاقم بمرده ئان جی زینده واکونی و شأنه گوتن که ابراهیم ایطوری اسحاقه مرگ جی پسأگیته.

کتاب مقدس به زبان گیلکی - گویش رشت و غرب گیلان

¹⁹ ابراهیم اَطو فکر کودی کی خُدا تانه حتّی اسحاقَم مُرده ئانِ جا زنده بُکونه، و شِه گُفتن کی ابراهیم اَطوئی اسحاقَ مرگِ جا پس فیگیفت.

عبرأنیأن 11:19 ပူးပေါင်းရင်းမြစ်များ

متّی 12:36

اَنٚم شٚمٚره گم کی اینسأن هرتأ بیخودی گبٚ رِه کی خو زٚوأنٚ سٚر اَوٚره، دأوری روجٚ رِه وأستی خودایَ جوأب پس بٚده.

متّی 9:28

اوشأن عیسا اَمرأ بوشؤده او خأنه دورون کی اونی میأن جأ بیگیفته بو. عیسا اوشأنَ وأوٚرسِه: «ایمأن دأریدی کی تأنٚم شیمی چومأنَ وأکونم؟» بوگفتد:«هطویه، اَی آقأ جأن، ایمأن دأریم.»

رومیأن 5:14

هطویم، مردوم جٚه آدمٚ زمأت تأ موسا زمأت همٚتأن بٚمٚردٚد، حتّا اوشأنی کی آدمٚ مأنستَن‌، ایتأ معلومٚ حوکمٚ جَا، نأفرمأنی نوکوده بود. ولی آدم مسیحٚ صفت نیشأن بو، هو مسیح کی قرأر بو بأیٚه.

افسسیان 3:20

هسأ، خودا رِه جلال بٚبه کی تأنه او پیله قودرتٚ اَمرأ کی اَمی میأن کأر کونه، اَمِرِه کأرأنی بوکونه کی خٚیلی بوجؤرتر جٚه اَمی فیکر و اومید و خأسته‌یأن ایسه.

عبرأنیأن 9:24

چونکی مسیح نوشؤ او عیبأدتٚ جیگأ دورون کی اینسأنٚ دٚسٚ اَمرأ چأکوده بوبوسته بو کی فقد ایتأ او آسمأنٚ رأس‌رأسِی عیبأدتٚ جیگأ مأنستَن بو، بلکی بوشؤ هو آسمأنٚ دورون کی اَسه جٚه اَمی ور خودا ورجأ ظأهیرَ بٚه.

عبرأنیأن 9:9

اَن اَسه هه زمأتَ نیشأن دِهه. چونکی پیشکشأن و قوربأنیأنٚ کی کأهین فأدِه، نتأنِه او عیبأدت کودن کسٚ ویجدأنَ کأمیل پأکَ کونه.