عبرأنیأن 11:17 - Gilaki New Testament

¹⁷ او زمأت کی خودا ایبرأهیمَ ایمتحأن کودأندوبو و اونی جَا بٚخأست کی خو پٚسر ایسحأقَ قوربأنی بوکونه، اون او ایمأنٚ وأسی کی خودایَ دأشتی، قوبیل بوکوده خودا فرمأنَ ایطأعت بوکونه. اَنٚ اَمرأ کی دروأره‌یٚ ایسحأق وعده‌یأنی خودا جَا فأگیفته بو، ولی حأضیر بوبوسته کی اونَ قوربأنی بوکونه،

کتاب مقدس به زبان گیلکی - گویش شرقی

¹⁷ ایمون همرأ بو که ابراهیم وقتی که ایمتحون بوبو اسحاقه پیشکش بوده، و او که وعده ئانه هیته بو قبولاگوده که خوشه یک دنه ریکهَ قربونی بکونی،

کتاب مقدس به زبان گیلکی - گویش رشت و غرب گیلان

¹⁷ ایمانِ امرا بو کی ابراهیم وقتی کی امتحان بُبوست، اسحاقَ ایتا قربانی مانستن تقدیم بُکود؛ و اونکی واده‌ ئانَ فیگیفته بو، قُبیل بُکود کی خو ایتا دانه پسرَ قربانی بُکونه،

عبرأنیأن 11:17 ပူးပေါင်းရင်းမြစ်များ

یوحنا 3:16

چونکی خودا اَندر اَ دونیأ مردومَ دوس دأره کی خو ایدأنه پٚسرَ اوسه کوده، کی هر کی اونَ ایمأن بأوٚره، هلأکَ نٚبه بلکی همیشٚکی زٚندیگی‌یَ بٚدٚس بأوٚره.

دوم قرنتیان 8:12

کومک چندر بٚبه موهیم نییٚه، بلکی خودا رِه اَ موضو سٚر شیمی دوس دأشتٚن و توجه موهیم ایسه. اَنٚم بٚگم کی، اون رأفأ نئیسأ کی شومأن ویشتر جٚه شیمی توأن پیشکش فأدید، بلکی اَندر کی تأنیدی.

عبرأنیأن 11:13

اَ ایمأنٚ مردأکأن، همٚتأ بٚمٚردٚد بودونٚ اَنکی تومأمٚ خودا وعده‌یأنَ فأگیرد، ولی جٚه دؤر اوشأنَ بیدِده، اونی فأگیفتنٚ اومیدٚ جَا خوشألَ بوستٚد. اوشأن گووأ بٚدأده کی اَ دونیأ کی زود دٚوأره اَشأنٚ رأس‌رأسِی خأنه نییٚه، بلکی اَ دونیأ دورون، رأدٚوأر و غریبه ایسٚد.

عبرأنیأن 7:6

ولی اَنٚ اَمرأ کی، مِلکیصِدِق اونی اَمرأ قوم و خیش نوبو، ایبرأهیم اَ پیشکشی‌یَ اونَ فأدأ. دویُم اَنکی مِلکیصِدِق، ایبرأهیمَ کی خودا وعده‌یأنَ فأگیفته بو، برکت بٚدأ.

یعقوب 5:11

همه‌یٚ اوشأنی کی زٚندیگی دورون صبر و تحمول بدأشتده، خوشبختٚ بوستد. "ایوب" ایتأ مثأل جٚه اوشأنی ایسه کی تومأم موشکلأن و خٚیلی سختیأنٚ اَمرأ خو صبر و ایمأنٚ جٚه دٚس نٚدأ و خوداوندٚم آخرپٚسی اونَ عأقبت بٚخیر بوکوده، چون خوداوند خٚیلی رحیم و مهروأنه.

۱پطرس 4:12

اَی جأنٚ دیلأن، قأق و مأتٚ نیبید چٚره ایمتحأن و زحمت شِمِره نٚهأ و فیکر و خیأل نوکونید کی ایتأ عجأیب غرأیبٚ ایتفأق شِمِره دکفته، چونکی اَ سختیأن، شیمی ایمأنٚ ایمتحأن کودنٚ وأسی ایسه.

موکأشفه 3:10

تو می جَا ایطأعت بوکودی، اگه چی اَ کأر تی اَذِت آزأرٚ بأعیث بوبوسته، ولی تومأمٚ تی سختیأنٚ میأن، صبر و تحمول نیشأن بٚدأیی. جٚه اَ خأطر، منم او سختٚ آزمأیشٚ زمأتأنٚ جَا تٚرَه قأیم دأرم، کی در اَمأن بیبی جٚه او بلأیی کی تومأمٚ دونیأ مردومٚ سٚر اَیِه.