غلاطیأن 5:12 - Gilaki New Testament

¹² امّا اوشأنی کی شیمی فیکرَ پریشأنَ کونٚده و خأیٚد شیمی بدنَ، ایتأ قیسمتٚ ختنه کودنٚ اَمرأ نأقیصَ کونٚد، هو رأیَ تأ آخر بٚشٚد و خوشأنَ کأمیلن اَخته بوکونٚد!

کتاب مقدس به زبان گیلکی - گویش شرقی

¹² کاش اوشؤنی کی شمره پریشؤن کؤنن، خوشؤنه أخته بوده بی!

کتاب مقدس به زبان گیلکی - گویش رشت و غرب گیلان

¹² کاش اوشانی کی شمرأ پریشان کونیدی، خوشانَ اَخته بُکوده بید!

غلاطیأن 5:12 ပူးပေါင်းရင်းမြစ်များ

یوحنا 9:34

اَشأن ایجگره بٚزِ‌ده: «تو سٚر تأ پأ گونأ جَا بودونیأ بأمؤیی، هسأ خأیی اَمٚرَه بأموجی؟» پس اونَ بیرونَ کودٚد.

اعمالٚ رسولأن 15:24

اَطو کی معلومه، ایتأ عیده جٚه اَمی میأن شیمی ورجأ بأمؤده، شٚمٚره پریشأن و غورصه‌دأرَ کودٚد و بودونٚ اَمی فرمأن شٚمٚره بوگفتٚده نیجأت یأفتنٚ رِه، وأستی یوهودٚ شریعتَ قأیم بٚدأرید.

اعمالٚ رسولأن 5:5

هطو کی حنانیا اَ گبٚ بشتأوسته، زیمینٚ سٚر بٚکفته و جأبجأ بٚمٚرده! همٚتأن زهله بوکودٚد!

اعمالٚ رسولأن 5:9

پطرس بوگفته: «شومأن چٚره شیمی دٚس ایتأ کأسه میأن نٚهأ کی خودا روحَ ایمتحأن بوکونید؟ او جوأنأن کی تی مردَ ببردٚد و بیگیلَ کودٚد، اَسه وأگردٚستٚد. پس تٚرَم بٚرٚده.»

اوّل قرنتیان 5:13

خودا اوشأنی کی بیرون جٚه کیلیسا ایسأده‌یَ دأوری کونه و جزأ دِهه. هنٚ وأسی، هوطو کی بینیویشته بوبوسته، وأستی «اَ نأجورٚ آدمَ جٚه شیمی میأن بیرون تأوٚدید.»

غلاطیأن 2:4

البت ختنه مأجیرأیَ اوشأنی پیش بٚکشِئده کی خوشأنَ مسیحی دأنستیدی، امّا رأستشه بٚخأیید مسیحی نوبود. اوشأن فوضولی وأسی بأمؤد تأ بفأمٚد اَمی آزأدی عیسایَ مسیحٚ میأن چوطو ایسه و بیدینٚد چنقذر یوهود قأنونأنٚ جَا ایطأعت کونیم. اَشأن حقٚ سعی زئیدی کی اَمٚرَه خوشأنٚ قأنونأن و حوکمأنٚ غولأم چأکونٚد.

غلاطیأن 5:10

ایطمینأن دأرم کی خوداوند شٚمٚره هه موضو وأسی می اَمرأ هم فیکر چأکونه. امّا خودا او خرأبکأرٚ آدمَ اونی کردکأرٚ وأسی تِنبیه کونه، هر کی خأیه بٚبه.

تیتوس 3:10

اگه اینفر تفرقه و سیوأیی تأوٚدأنَ بأعیث بِه، ایوأر تأ دو وأر اونَ وأخٚوٚرَ کون. بأزون دِه اونَ کأر نوأدأشتن،