غلاطیأن 4:17 - Gilaki New Testament

¹⁷ اَ جور آدمأن خٚیلی شوق و ذوق دأرٚده کی شٚمٚره خوشأنی ور فأکٚشٚد، امّا اَشأنٚ نیّت خُب نییٚه. اَشأنٚ منظور اَنه کی شٚمٚره اَمی جَا سیوأ وأکونٚد کی شیمی غیرت فقد اوشأنٚ رِه بٚبه.

کتاب مقدس به زبان گیلکی - گویش شرقی

¹⁷ اوشؤن شیمئبه غیرت دأنن، ولی نه خؤرم نیت همرأ. اوشؤن خأنن شمره سیواواکونن تا اوشؤن ئبه غیرت بدأرین.

کتاب مقدس به زبان گیلکی - گویش رشت و غرب گیلان

¹⁷ اوشان شیمی واسی غیرت دَرید، ولی نه خُب نِیت مرا. اوشان خوائیدی شمرأ سیوا بُکونید تا اوشانِ ره غیرت بدَرید.

غلاطیأن 4:17 ပူးပေါင်းရင်းမြစ်များ

متّی 23:15

وای به شیمی حأل اَی دین عألیمأن و فریسیأن! شومأن همه جأیَ وأموجیدی کی اینفرَ بیأفید کی شیمی شأگرد بٚبه؛ و وختی موفق بوبوستید، اونَ خودتأنٚ جَا دو برأبر بدتر جهندمٚ سیزأوأر چأکونیدی.

رومیأن 10:2

من دأنٚم کی اوشأن خوشأنی دیلٚ دورون چی ایحترأم و غیرتی خودا رِه دأرٚده، ولی اَ غیرت جٚه فأم و دوروستٚ شنأخت نییٚه.

رومیأن 16:18

اَجور معلمأن، اَمی خوداوند عیسا مسیحَ خیدمت نوکونٚده و فقد خوشأنٚ نفع دونبألٚده. اَشأن، خُب گب زنٚده و سأده دیلٚ مردومٚم ویشتر وختأن اَشأنی گولَ خورٚده.

اوّل قرنتیان 11:2

جأن و دیلٚ برأرأن، شٚمٚره آفرین گم کی هر چی شٚمٚره بأمؤختم، شٚمٚره خأطر نٚهأ و اوشأنَ انجأم دیهیدی.

اوّل قرنتیان 4:18

دأنٚم کی ای عیده جٚه شومأن مغرور بوبوستیدی، اَطو گومأن کونیدی کی ایوأردِه شیمی دِئنٚ رِه نأیم.

اوّل قرنتیان 4:8

شومأن گومأن کونیدی هسأ تومأمٚ روحأنی برکتأنَ کی خأستیدی، بٚدٚس بأوٚردید و جٚه لحأظ روحأنی بی‌نیأز ایسید. سولطأنأنٚ مأنستَن، پأدیشأیی تختٚ سٚر دٚفرأشتیدی و پأک اَمٚرَه جٚه خأطرَ دأیید! اَی کأش رأس‌رأسِی سلطنتٚ تختٚ رو نیشته بید، چونکی اوطویی اَمأنٚم تأنستیم شیمی اَمرأ سلطنت بوکونیم.

دوم قرنتیان 11:3

ولی ترسٚم هوطو کی حوا لأنتی گولَ بوخورده شیمی فیکرم جٚه صأدٚق و خألصٚ ایرأدت کی مسیحَ دأریدی، جٚه رأ بٚدٚرَ بٚه.

غلاطیأن 4:16

اگه وأقعیتأنَ وأگویا کودأندرم، چٚره مٚرَه شیمی دوشمن دأنیدی؟

غلاطیأن 4:18

غیرت و شوق و ذوق دأشتٚن اَنی وأسی کی آدمأنَ تی ور فأکٚشی خُبه، امّا به شرطٚ اَنکی ایتأ خورومٚ نیّت و خُبی اَمرأ بٚبه و هطویم همیشٚکی و اَبدی بٚبه، نه فقد می ورجأ!

فیلیپیان 2:21

عَینٚ خیالٚه هر کی خو کأرأنَ فیکر کونه، و عیسایٚ مسیحَ خیدمت کودنٚ فیکر نییٚه.

دوم پطرس 2:18

اَشأن بٚخوشأنٚ گونأیأن و نأجورٚ کأرأن نأزٚده و ایوأردِه گول زِئن وأسی، نفسٚ خأسته‌یأنٚ جَا ایستفأده کونٚده و اوشأنَ کی تأزه جٚه اَجور زٚندیگی‌یٚ پورجٚه گونأ نیجأت بیأفتده، بٚدأم تأودٚده

دوم پطرس 2:3

اَ دورُغگو معلمأن جٚه ویشتر خأستٚنٚ وأسی، خوشأنی حقٚ سعیٚ هرجور دورُغٚ گبأنٚ اَمرأ زنٚده کی شیمی پولأنٚ فأگیرد. امّا خودا جٚه پیشتر اَشأنَ محکوم بوکود پس اَشأنٚ جٚه بین شؤئؤن نیزدیک ایسه.