غلاطیأن 2:3 - Gilaki New Testament

³ خوشبختأنه هطویم بوبوسته و اوشأن هیذره موخألفت نوکودٚد، جوری کی حتّا جٚه می همسفر تیتوسٚم کی یوهودی نوبو نخأستٚد کی ختنه بٚبه.

کتاب مقدس به زبان گیلکی - گویش شرقی

³ اما حتی تیتوس کی می همرأ ایسأبو، با ای که یونؤنی بو، اونه وأندأشتن کی ختنه ببون.

کتاب مقدس به زبان گیلکی - گویش رشت و غرب گیلان

³ ولی حتی تیتوس کی می امرا بو، با اَنکی یونانی بو، اونَ وادار نکودید کی ختنه بِبه.

غلاطیأن 2:3 ပူးပေါင်းရင်းမြစ်များ

اعمالٚ رسولأن 15:24

اَطو کی معلومه، ایتأ عیده جٚه اَمی میأن شیمی ورجأ بأمؤده، شٚمٚره پریشأن و غورصه‌دأرَ کودٚد و بودونٚ اَمی فرمأن شٚمٚره بوگفتٚده نیجأت یأفتنٚ رِه، وأستی یوهودٚ شریعتَ قأیم بٚدأرید.

اعمالٚ رسولأن 16:3

پس، پولس اونی جَا بٚخأسته کی اَ سٚفرٚ میأنی اَشأنی اَمرأ بشه. ولی او سأمأنٚ یوهودیأنٚ ایحترأم نٚهنٚ وأسی، پیشتر جٚه شؤئؤن، تیموتائوسَ ختنه بوکود، چونکی همٚتأن دأنستیدی کی اونی پئر یونأنٚ شینه.

دوم قرنتیان 2:13

ولی اویَه اَمی برأر تیتوسَ نیأفتٚم و اونی وأسی خٚیلی دیلوأپس بوبوستم. پس، اویَه آدمأنٚ اَمرأ خوداحافظی بوکودم و بوشؤم مقدونیه کی بلکی تیتوسَ اویَه بیأفٚم.

غلاطیأن 2:1

بأزین چأردٚه سأل کی بوگوذٚشته، دووأره برنابا اَمرأ بوشؤم اورشلیم و تیتوسٚم می اَمرأ ببردم.

دوم تیموتائوس 4:10

چونکی دیماس مٚرَه ترکَ کوده؛ اون اَ دونیأ کأرأنٚ علأقه دأشتٚن و دیل دٚوٚستٚنٚ وأسی بوشؤ تسالونیکی. هطویم کریسکیس بوشؤ غلاطیه و تیتوس بوشؤ دلماتیه.

تیتوس 1:4

اَ نأمه‌یَ تیتوسٚ رِه می رأس‌رأسِی زأی اَمی هم ایمأنی دورون نیویسٚم: اَمی پئر خودا و اونی کی اَمٚرَه نیجأت بٚدأ، مسیح عیسا جَا تِرِه فیض و آرأمٚش خأیم.