غلاطیأن 1:18 - Gilaki New Testament

¹⁸ سه سأل کی بوگوذٚشته، آخرپٚسی بوشؤم اورشلیم کی پطرسٚ اَمرأ ایتأ مولأقأت بٚدأرم. اویَه پونزدٚه روج اونی ورجأ بئیسأم.

کتاب مقدس به زبان گیلکی - گویش شرقی

¹⁸ بأزون سو سال پسی، اورشلیم بوشؤم تا کیفا بینم، و پؤنزه روز اون ورجه بیسأم.

کتاب مقدس به زبان گیلکی - گویش رشت و غرب گیلان

¹⁸ بازون سه سال بعد، اورشلیم بُشوم تا کیفا بیدینم و پونزده روج، اونِ ورجه بئسام.

غلاطیأن 1:18 ပူးပေါင်းရင်းမြစ်များ

یوحنا 1:42

و اونَ بأوٚرده کی عیسایَ بیدینه. عیسا ایپچه اونَ فأندرسته و بٚفرمأسته: «تو شمعون، یونا پٚسری. ولی جٚه اَنٚ پٚسی، تٚرَه پطرس دؤخأنیم!» (پطرس ینی «صخره.»)

غلاطیأن 2:11

امّا وختی پطرس بأمؤ «انطأکیه»، البأقی آدمأنٚ ورجأ اونَ سخت شمأتٚت بوکودم، چونکی رأس‌رأسِی تقصیرکأر بو؛

غلاطیأن 2:14

وختی بفأمٚستٚم و بیدِم کی اَشأن چوطو خوشأنٚ ایمأن و حِئقتٚ اینجیلٚ ضد کردکأر کونٚده، همٚتأنٚ ورجأ پطرسَ بوگفتم: «تو جٚه یوهودٚ نتأج ایسی، امّا خٚیلی زمأته دِه یوهود قأنونأنَ انجأم ندی. پس چٚره خأیی اَشأنی کی یوهودی نییٚده وأدأری کی یوهودٚ قأنون و حوکمأنَ انجأم بٚدٚد؟

غلاطیأن 2:7

بأزین وختی یعقوب و پطرس و یوحنا کی کیلیسا سوتونأن معروف ایسٚد، بیدِده چوطو خودا می جَا ایستفأده کودأندٚره تأ اوشأنی کی یوهودی نییٚد اونی ور اوسه کونم، برنابا و می اَمرأ دٚسٚ ریفأقت بدأد و اَمٚرَه تِشویق بوکودٚده کی اَمی بشأرت کأر اوشأنی کی یوهودی نییٚد ایدأمه بٚدیم و اوشأنم یوهودیأن میأن خوشأنی خیدمتَ ایدأمه بٚدٚد. در اصل هو خودایی کی مٚرَه اوشأنی کی یوهودی نییٚده هیدأیتٚ وأسی ایستفأده بوکوده، پطرسٚم یوهودیأنٚ هیدأیتٚ کودن وأسی اینتخأب بوکوده، چونکی خودا هر کودأم جٚه اَمٚرَه ایتأ نوبوّتٚ بوخصوص بٚبخشه.