افسسیان 5:9 - Gilaki New Testament

⁹ اگه اَجور نور شیمی وجود میأن نٚهأ، وأستی شیمی کردکأر خُب، دوروست و رأست بٚبه.

کتاب مقدس به زبان گیلکی - گویش شرقی

⁹ چونکی نور ثمره هرجور خؤرمی، راستی و درستی مئن پیدا بنه.

کتاب مقدس به زبان گیلکی - گویش رشت و غرب گیلان

⁹ چونکی نورِ ثمره، هرجور خُبی، راستی و دُرستی درون پیدا به.

افسسیان 5:9 ပူးပေါင်းရင်းမြစ်များ

متّی 3:8

شیمی کردکأر اَمرأ وأ نیشأن بدید کی رأس‌رأسِی توبه بوکودید.

یوحنا 1:47

وختی نیزدیکَ بوسته، عیسا بٚفرمأسته: «فأندرید، اَنی کی اَمؤندره اینفر ایسه کی اونی دورون دورُغ و کلک نٚنَه و ایتأ رأس‌رأسِی ایسرأییلی ایسه.»

رومیأن 15:14

اَی برأرأن، شیمی جولفٚ فأم و خورومٚ کردکأر جَا اصلن شک نأرٚم و ایطمینأن دأرم کی اَ موضو‌یَ اَندر خُب دأنیدی کی تأنیدی اوشأنَ البأقی آدمأنٚم بأموجید.

رومیأن 2:4

اگه خودا تأ هسأ تٚرَه صبر و تحمول نیشأن بٚدأ، آیا اَن تِرِه موهیم نییٚه؟ آیا نفأمی کی خودا مهرٚوأنی، تی توبه کودنٚ رِه بو؟

افسسیان 4:15

بلکی عشق و علأقه اَمرأ همیشٚک رأستی دونبأل شیم. رأستٚ گب زنیم، رأستٚ کردکأر کونیم و رأست زٚندیگی کونیم کی اَطویی کم‌کم همٚتأ کأرٚ میأن مسیح مأنستَن بیبیم کی کیلیسا سٚر ایسه. مسیح هیدأیتٚ اَمرأیه کی تومأمٚ اونی بٚدٚن، ینی کیلیسا خوشأنٚ جأ میأن ایسٚده. هرتأ قیسمت جٚه بٚدٚن ایتأ کأر بوخصوصٚ اَمرأ، البأقی‌یٚ قیسمتأنَ یاور دِهه، جوری کی تومأمٚ بٚدٚن کأمیلٚ سأق و سألیمی میأن و پورجٚه محبت، روشد کونه.

افسسیان 4:25

پس دورُغ گفتنٚ جَا دٚس بٚکشید. شیمی تومأمٚ گبأن شیمی همسأده‌یأنٚ اَمرأ رأست بٚبه، چونکی اَمأن همٚتأن ایتأ بدنٚ عُصم و اعضأییم.

افسسیان 6:14

امّا اَنی وأسی "رأستی قأیمٚ قِئشَ" شیمی کمر دٚوٚدید و "خودا عیدألتٚ زره‌یَ" دوکونید.

فیلیپیان 1:11

هطویم نیجأتٚ ثمره‌یأنٚ جَا پور بیبید ینی او عیدألت کی جٚه عیسا مسیح ور بٚدٚس اَیِه و خودا جلال و ستأیٚشَ بأعیث بِه.

کولسیان 3:18

ای زنأکأن، شیمی مردأکأنٚ جَا فرمأن بٚبٚرید چون خودا اَطو خأیه.

اوّل تیموتائوس 6:11

اَی تیموتائوس، تو مردٚ خودایی! اَ زشتٚ کأرأنٚ جَا تٚرَه جیویزأن و رأستی و پرهیز کودنَ تٚرَه پیش بیگیر؛ خودایَ ایعتمأد بٚدأر؛ آدمأنَ محبت بوکون؛ صبر بٚدأر و مهرٚوأن بوبو.

عبرأنیأن 1:8

ولی دروأره‌یٚ خو پٚسر فٚرمأیه: «اَی خودا، تی پأدیشأیی تأ اَبد برقرأره؛ تی حوکومتٚ اَساس، عیدألت و رأستی سٚر نٚهأ؛

عبرأنیأن 11:33

ایمأنٚ وأسی بو کی اوشأن، کیشورأنَ شکست بٚدأده، عیدألت و اینصأفٚ اَمرأ سلطنت بوکودٚد، و اونچی کی وعده بٚدأ بوبوسته بو، بٚدٚس بأوٚردٚد. اوشأن شیرأنٚ دٚهٚنَ دٚوٚستٚد،

اوّل یوحنا 2:29

اَمأن همه دأنیم کی مسیح عأدیله و هطویم دأنیم کی هرکی عیدألتَ بجأ بأوٚره، خودا زأی ایسه.

سوم یوحنا 1:11

اَی جأنٚ دیل، بدی جَا الگو اونسأن بلکی خُبی جَا الگو اوسأن چونکی اونی کی خُبی کونه خودا زأکٚ امّا اونی کی همیشٚک بدی کونه خودایَ نشنأسه.