کولسیان 1:16 - Gilaki New Testament

¹⁶ حِئقتٚ رِه گفتنی، تومأمٚ دونیأ عیسا مسیحٚ دٚسٚ اَمرأ چأکوده بوبوسته ینی هر چی آسمأن و زیمینٚ سٚر نٚهأ، بیدِه بوستنی و نیده بوستنی؛ روحأنی دونیأ اَشأنٚ حأکیمأن و تأج و تختٚ اَمرأ و فرمأنده‌یأن و اوشأنٚ پیله‌ کسأن همٚتأن مسیحٚ دٚسٚ اَمرأ و اونی جلالٚ وأسی بوجود بأمؤ.

کتاب مقدس به زبان گیلکی - گویش شرقی

¹⁶ چون همه چی بواسیطه او خلق بوبؤ، آسمؤن مئن و زمین سر، او چیزؤنی کی شأنه دئن یا اوشؤنی کی دئه نشأنه، چی پادشاهی تختؤن یا قلمرؤن، رئیسؤن یا قدرتؤن، همه چی بواسیطه او و اون وأسی خلق بوبؤ.

کتاب مقدس به زبان گیلکی - گویش رشت و غرب گیلان

¹⁶ چونکی همه چی بواسطه ی اون خلق بُبوست، آسمان درون و زمین سر، اُ چیانیَ کی شه دِئن یا نیشه دِئن، چی پادشائی تخت ئان یا قلمرو ئان، رئیس ئان یا قُدرت ئان، همه چی بواسطه ی اون و اونِ ره خلق بُبوست.

کولسیان 1:16 ပူးပေါင်းရင်းမြစ်များ

یوحنا 1:10

گرچی کی اون دونیأیَ خلق بوکوده بو، ولی وختی کی بأمؤ اَ دونیأ میأن، هیکس اونَ نشنأخته بو.

یوحنا 1:3

هر چی کی نٚهأ، اونی دٚسٚ اَمرأ خلق بوبوسته و هیچی نٚنَه کی اون خلق نوکوده بی.

رومیأن 11:36

هر چی نٚهأ جٚه خودا ایسه؛ همه‌ چی وجود اونی قودرتَ وأپخته نٚهأ و همه‌ چی اونی شوکو و جلالٚ رِه ایسه. تومأمٚ نوبوستٚنی ستأیٚش اونٚ رِه بٚبه! آمین.

رومیأن 8:38

چونکی حتم دأنٚم کی نه مٚردن و نه زٚندیگی و نه فٚرٚشته‌یأن و نه پٚلیدٚ روحأن، نه اَ زمأت و نه آینده، نه هیتأ قودرت.

رومیأن 9:5

خودا پیله مردأکأن، شیمی پیله بأبأیأن بود. مسیحم کی هسأ همه‌ چی سٚر حأکیمه، خو اینسأنی ذأت اَمرأ، شیمی مأنستَن یوهودی بو. خودایَ تأ اَبد سپاس بٚبه!

اوّل قرنتیان 8:6

ولی اَمأن دأنیم کی فقد ایتأ خودا وجود دأره، ینی اَمی آسمأنی پئر کی همه چیأنَ چأکوده و اَمٚرَه‌یٚم بوجود بأوٚرده کی اونی شین بیبیم. هطویم دأنیمی کی فقد ایتأ آقأ و خوداوند وجود دأره، ینی عیسا مسیح، کی همه‌چی اونی دٚسٚ اَمرأ چأکوده بوبوسته و اَمی حیأت جٚه اون ایسه.

افسسیان 1:10

خودا نیّت اَن بو کی هر وخت او معلوم بوبوسته زمأت فأرٚسِه، همه‌چی‌یَ مسیح ایقتدأرٚ جیر بٚنه- همه‌چی، چی آسمأن میأن و چی زیمینٚ سٚر.

افسسیان 6:12

بدأنید کی اَمی جنگ اینسأنأنٚ اَمرأ نییٚه، او اینسأنأن کی گوشت و خون دأرٚده، بلکی اَمأن او جأنورأنی اَمرأ کی او بیدِه نوبوسته دونیأ جَا حوکومت کونٚده و بیدِه نٚبٚده جنگیم، ینی شیطانی موجودأن و ظولومأتٚ شرورٚ فرمأنده‌یأنٚ اَمرأ. دوروسته، اَمی جنگ اَشأنٚ اَمرأیه، سپأیأنی جٚه شرورٚ روحأن اَمرأ کی دونیأ روحأنٚ دورون زٚندیگی کونٚده.

فیلیپیان 2:10

کی عیسا نأمٚ اَمرأ هرتأ زانو، چی آسمأنٚ دورون چی زیمینٚ سٚر و چی زیمینٚ جیر، بٚچٚمٚه،

کولسیان 1:15

اون نیده بوستنی خودا، بیدِه بوستنی دیمٚ و تومأمٚ آفرینشٚ پیله زأکه.

کولسیان 1:20

اون مسیحٚ وأسی همه چی‌یَ خودشٚ اَمرأ آشتی بٚدأ، چی چیزأنی کی زیمینٚ رو نٚهأد و چی چیزأنی کی آسمأنٚ دورون ایسأده و اونی خونٚ اَمرأ کی صلیبٚ سٚر فووُسته، صولح و آشتی‌یَ چأکوده.

کولسیان 2:10

بأزون، وختی مسیحَ دأرید همه چی دأرید و شیمی جأن لبألب خودا حوضورٚ جَا پور ایسه. مسیح رأس‌رأسِی تومأمٚ رئیسأن و قودرتأنٚ سٚر حأکیمه.

کولسیان 2:15

اَطویی، اون قودرتأن و روحأنی حأکیمأنَ سلاحَ فأگیفت و اَشأنَ همه کسٚ ورجأ روسوأ بوکود و صلیبٚ اَمرأ اوشأنَ بٚرنده بوسته.

عبرأنیأن 1:2

ولی اَ آخرٚ روجأنٚ دورون، جٚه طریقٚ خو پٚسر، اَمی اَمرأ گب بٚزِه. رأس‌رأسِی، خودا همه‌چی ایختیأرَ خو پٚسرَ بیسپأرده، و دونیأ و تومأمٚ موجودأنَ، اونٚ اَمرأ بوجود بأوٚرٚد.

عبرأنیأن 2:10

خودا، هو خودایی کی همه‌چی، اونی رِه و اونی وأسی نٚهأ، بأمؤ کی خٚیلی جٚه زأکأنَ، جلالٚ دورون ببره. هنٚ وأسی، سیزأوأر بو کی اَشأنٚ نیجأت بٚدأ کس، ینی عیسایَ، اونی رنجأنٚ جَا، او کمألی‌یَ فأرٚسأنه، کی اونی پیغأم اَوٚردٚنٚ انجأم بوستنٚ وأسی، لأزیم بو.

۱پطرس 3:22

اَسه مسیح بوشؤ آسمأن. اون خودا رأست دٚس نیشته و تومأمٚ فٚرٚشته‌یأن و رئیسأن و قودرتأن اونی جَا ایطأعت کونٚده.