اعمالٚ رسولأن 7:37 - Gilaki New Testament

³⁷ «هه موسا ایسرأییلٚ قومَ بوگفت: خودا جٚه شیمی برأرأنٚ میأن، ایتأ پیغمبر می مأنستَن شِمِره اوسه کونه.

کیتاب مقدّس به گیلکی (رشتی)

³⁷ «هَه موسی بنی‌ایسرائیلَ بوگفته: ‹خودا، جٚه شیمی برأرأنٚ یهودی میأن، پیغمبری می مأنستن شِمره اوسه کونه.›

کتاب مقدس به زبان گیلکی - گویش شرقی

³⁷ هی موسی یعقوبِ نسل بوته: ”خدا شیمه برارونِ میئنای، پیغمبری می مورسون شیمه بِه سرا دئنه.“

کتاب مقدس به زبان گیلکی - گویش رشت و غرب گیلان

³⁷ «هه موسی یعغوبِ نسلَ بگفت: ”خُدا شیمی براران میان، ایتا پیغمبر، مَره مانستن شیمی ره اوسه کونه.“

اعمالٚ رسولأن 7:37 ပူးပေါင်းရင်းမြစ်များ

متّی 21:11

جوأب ایشتأوٚستید: «اون عیسایٚ پیغمبره، جلیلٚ ناصره جَا بأمؤ.»

مَرقُس 9:7

امّا هو وخت میأن، ایتأ اَبر اَشأنی سٚرٚ جؤر سأیه تأوٚدأ و ایتأ صدا اونی جَا فأرٚسِه کی: «اَن می جأنٚ دیلٚ پٚسره؛ اونی گبَ گوش بوکونید.»

لوقا 9:35

بأزون اَبرٚ جَا ایتأ صدا بأمؤ کی: «اَن می پٚسرٚ کی اونَ اینتخأب بوکودم؛ اونی گبأنَ بشتأوید!»

یوحنا 18:37

پیلاتُس وأوٚرسِه: «تی منظور اَنه کی تو پأدیشأیی؟» عیسا بٚفرمأسته: «تو گی کی من پأدیشأیٚم. من هنٚ وأسی بودونیأ بأمؤم، بأمؤم کی رأستی‌یَ اَ دونیأ میأن بأوٚرٚم؛ اوشأنی کی رأستی‌یَ دوس دأرٚده، گووأ دٚهٚد کی من حِئقتَ گفتن دٚرٚم.»

اعمالٚ رسولأن 7:38

موسا بیأبأنٚ میأن اَمی پیله بأبأیأنٚ اَمرأ بو، ینی خودا قومٚ جمأعتٚ اَمرأ. اون ایتأ میأنجی بو ایسرأییلٚ قوم میأن و او فٚرٚشته کی سینا کوه دورون او کلمه‌یأن کی زٚندیگی دٚئی‌یَ اونَ فأدأ کی اوشأنَ اَمٚرَه فأرٚسأنه.