اعمالٚ رسولأن 5:2 - Gilaki New Testament

² ولی فقد ایپچه جٚه او پولَ بأوٚرده روسولانٚ ورجأ و بوگفته کی تومأمٚ پولَ بأوٚرده، و البأقی پولَ خؤرَه بدأشت. اونٚ زنأکٚم اونی جوفت و کلکٚ جَا وأخٚوٚر بو.

کیتاب مقدّس به گیلکی (رشتی)

² خو زنٚ اَمرأ دس به یکی بوکوده، ایپچه جٚه او پول اوسأده، الباقی‌یَ بأورده فوکوده رسولأنٚ پا جیر.

کتاب مقدس به زبان گیلکی - گویش شرقی

² حنانیا اَنی زمینِ پولِ با اونکه اینه زناک دؤنس، جا بدا و بقیه بأرده، رسولؤنِ جلو بَنه.

کتاب مقدس به زبان گیلکی - گویش رشت و غرب گیلان

² حَنانیا ایپچه زمینِ پول جا، کی اونِ زنای خوَر داشتی قایمَ کود و الباقیَ باوَرد و رسولانِ جُلوُ بَنه.

اعمالٚ رسولأن 5:2 ပူးပေါင်းရင်းမြစ်များ

متّی 23:5

«هر تأ کأر کی بوکوند، خوشأنی ظأهیرٚ چأکودنٚ وأسی ایسه. موقدسٚ کیتأبأنٚ آیه‌یأن و دوعأیأنَ نیویسٚد و خوشأنی بألَ دٚوٚدٚد، و خوشأنٚ لیوأسأنٚ دأمأنَ درأزتر دوجٚده کی بِیتر بیدِه بٚبٚد و مردوم اوشأنَ دیندأرٚ آدم بدأنٚد.

یوحنا 12:6

البت اونی دیل فِقِرأنٚ ورجأ ننأبو بلکی اون خودشٚ رِه فیکر کودی، چونکی شأگردأنٚ دخل و خرج پول اونی دٚس نٚهأ بو و اون ویشترٚ وختأن جٚه اَ پول دوزدی کودی.

اعمالٚ رسولأن 2:44

اَطویی بو کی، تومأمٚ ایمأندأرأن کس‌کسٚ اَمرأ ایسأ بود و هر چی‌یَ کی دأشتید، کس‌کسٚ اَمرأ سأم کودید.

اعمالٚ رسولأن 4:37

اون خو کیشأورزی زیمینَ بوفروخته و اونی پولَ بأوٚرده و بٚنأ روسولأنٚ پأ جیر.

اعمالٚ رسولأن 5:1

اینفرم ایسأ بو کی حنانیا نأم دأشتی، خو زن، سفیره اَمرأ، کی ایتأ زیمینَ بوفروخت،

اعمالٚ رسولأن 5:3

پطرس بوگفته: «حنانیا، شیطان جٚه طمعٚ تی دیلَ پورَ کوده. او زمأت کی بوگفتی اَن زیمینٚ تومأمٚ پول ایسه، رأس‌رأسِی روح‌القدسَ دورُغ بوگفتی.

اعمالٚ رسولأن 5:8

پطرس اونی جَا وأوٚرسِه: «شومأن شیمی زیمینَ هَندر بوفروختیدی؟» بوگفته: «هطویه، هَندر بو.»

فیلیپیان 2:3

فقد شٚمٚره نیدینید و ظأهیرسأزی وأسی زٚندیگی نوکونید. فروتن بیبید و مردومَ شیمی جَا بِیتر بدأنید.

اوّل تیموتائوس 6:10

چون مأل و مینألٚ دوس دأشتٚن، همه جور شرورٚ کأرأنٚ ریشه‌ ایسه. بعضیأن کی مأل و مینألٚ آروزو دأشتید، ایمأنٚ جَا رو وأگردأنِده، خوشأنٚ جوروأجور دردأنٚ گریفتأرَ کودٚد.