اعمالٚ رسولأن 28:16 - Gilaki New Testament

¹⁶ وختی فأرٚسِییم روم، پولسَ وئأشتٚده کی هرتأ جیگأ کی خأیه زٚندیگی بوکونه. فقد ایتأ نیگهبأن همیشٚک اونَ پأستی.

کیتاب مقدّس به گیلکی (رشتی)

¹⁶ وختی فأرسه‌ییم روم، پولُسَ ایجازه بدَه‌ییدی کی هر جا اَنٚ دیل خوأیه زندگی بوکونه، کی البته خودشٚ خانه میأنی ایتأ سربازم اَنٚ مواظب ببه.

کتاب مقدس به زبان گیلکی - گویش شرقی

¹⁶ وختی روم برسیم، پولُس اجازه بدَه بوبو تنهایی یکته سرباز أمره که اینه نیگهبون ببی، خو خونه میئن بیِسی.

کتاب مقدس به زبان گیلکی - گویش رشت و غرب گیلان

¹⁶ وقتی کی روم فارسه ئیم، وَهَشتید کی پولُس ایتا سرباز مرا تحت الحفظ خو خانه درون بأسا.

اعمالٚ رسولأن 28:16 ပူးပေါင်းရင်းမြစ်များ

اعمالٚ رسولأن 18:2

او شهر میأن ایتأ یوهودی مردأکٚ اَمرأ کی پونتوسٚ شین بو و آکیلا نأم دأشتی آشینأ بوبوسته. اون خو زنأکٚ اَمرأ کی اونی نأم پریسکیلا بو تأزٚگی ایتالیا جَا بأمؤ بو قرنتس میأن، چونکی کلودیوسٚ قیصر همٚتأ یوهودیأنَ روم جَا بیرونَ کوده بو.

اعمالٚ رسولأن 19:21

تومأمٚ اَ ایتفأقأنٚ پٚسی، پولس جٚه خودا روحٚ ور هیدأیت بوبوسته کی پیشتر جٚه اَنکی بشه اورشلیم، جٚه مقدونیه و اَخائیه رأ دٚوأره. اون گفتی: «اونٚ پٚسی وأستی رومٚم بٚشٚم!»

اعمالٚ رسولأن 2:10

فیریجیه و پمفلیه، مصر، لیبی قیروأنی زوأنٚ سأمأن،

اعمالٚ رسولأن 23:11

او شب خوداوند پولس ورجأ بٚپأ بئیسأ و اونَ بٚفرمأسته: «پولس، تی دیلَ قورص بٚدأر! هوطو کی اَیَه مردومٚ اَمرأ می جَا گب بزِیی، رومٚ میأنم گب زنی.»

اعمالٚ رسولأن 24:23

بأزون، فرمأن بٚدأ پولسَ زندأنی بوکوند ولی او افسر کی مسئول بویَ سفأرش بوکوده کی اونی اَمرأ خُب رفتأر بوکونٚد کی جٚه هر ور آرأمٚش بٚدأره و وئألد اونی ریفِقأن اونَ بیدینٚد و هرچی کی بٚخأسته اونَ فأدٚد.

اعمالٚ رسولأن 27:3

فردأیی کی صیدونٚ بندرٚ میأن لنگر تأوٚدأییم، یولیوس پولسٚ اَمرأ خٚیلی خورومی اَمرأ رفتأر بوکود و وئأشته کی خو ریفِقأنٚ ورجأ بشه و تأ کشتی حرکت کودنٚ زمأت اوشأنی میهمأن بٚبه.

اعمالٚ رسولأن 27:31

ولی پولس سروأزأن و او افسر کی اوشأنی فرمأنده بویَ بوگفته: «اگه ملوأنأن کشتی میأن نئیسٚد، شومأ همٚتأن جٚه بین شیدی.»

اعمالٚ رسولأن 27:43

ولی یولیوس قوبیل نوکوده چونکی خأستی پولسَ نیجأت بٚدأ. بأزون تومأمٚ اوشأنی کی تأنستید شنأ بوکوندَ فرمأن بٚدأ وأز بوکوند آبٚ میأن و خوشأنَ خوشکی سٚر فأرٚسأنٚد،

موکأشفه 17:18

اَ زنأکَ کی رویأ دورونی بید‌ِیی، او پیله شهرٚ صفت نیشأنه کی دونیأ پأدیشأیأنٚ سٚر حوکومت کونه.»

موکأشفه 17:9

«اَشأنی فأمٚستٚنٚ رِه، حیکمت لأزیمه. وحشٚ هفتأ سٚر، هفتأ کوه صفت نیشأنَ دِهه کی او زنأی اونٚ رو دستور دِهه. اوشأن هفتأ پأدیشأ صفت نیشأنم ایسٚد.