اعمالٚ رسولأن 27:24 - Gilaki New Testament

²⁴ و بوگفته: "پولس، نوأترسئن چونکی حتم بٚدأر کی قیصرٚ ورجأ فأرٚسی! جودأیٚ اَن، خودا تی خأستٚ اَمرأ تومأمٚ اوشأنی کی تی اَمرأ سٚفر کودأندرد نیجأت دِهه."

کیتاب مقدّس به گیلکی (رشتی)

²⁴ و مرَ بوگفته: ‹پولُس، ترس نوأ دأشتن، چونکی تو وأستی قیصرٚ ورجأ فأرسی تا به اونٚ دس محاکمه بیبی. یقین بدأر کی خودا تی همسفرأنٚ جانَ ترَ بخشه.›

کتاب مقدس به زبان گیلکی - گویش شرقی

²⁴ و بوته: ”پولُس، واهیمه ندار. تو باء محاکمه بِه، امپراطور ورجه حاضیرَ بی، و حتم بدار، خدا تی تموم همسفرؤنِ جؤنِ تَه ببخشه.“

کتاب مقدس به زبان گیلکی - گویش رشت و غرب گیلان

²⁴ و بگفت: ”پولُس، ترسئن نوا. تو بایسی امپراطور جُلُو، محاکمه ره حاضیر ببی، و حتم بدان خُدا، تمان کسانی کی تی اَمرا سفر کودن دریدِ جانَ تره ببخشه.“

اعمالٚ رسولأن 27:24 ပူးပေါင်းရင်းမြစ်များ

متّی 10:18

هطویه، می وأسی شٚمٚره موحأکمه کودنٚ رِه، وألیأن و پأدیشأیأنٚ ورجأ بٚرٚده. ولی اَن ایتأ فورصت به کی می جَا، اوشأنٚ رِه و غیرٚ یوهودیأنٚ رِه گب بٚزنید.

متّی 10:28

«نوأترسِئنید او کسأنی جَا کی فقد تأنٚده شیمی جأنَ بوکوشٚد، ولی نٚتأنٚد شیمی روحٚ آسیب فأرٚسأنٚد. فقد خودا جَا بٚترسید کی تأنه هم شیمی جأن و هم شیمی روحَ جهندمٚ دورون هلأکَ کونه.

یوحنا 11:9

عیسا جوأب بٚدأ: «روجٚ دورون، دوأزده سأعت هوا روشنه. تأ وختی کی همه جیگأ روشنه، مردوم تأنٚده رأ بٚشٚد و نکفٚد. اوشأن تأنٚد رأیَ بیدینٚد چونکی اَ دونیأ نورَ دأرٚد.

اعمالٚ رسولأن 19:21

تومأمٚ اَ ایتفأقأنٚ پٚسی، پولس جٚه خودا روحٚ ور هیدأیت بوبوسته کی پیشتر جٚه اَنکی بشه اورشلیم، جٚه مقدونیه و اَخائیه رأ دٚوأره. اون گفتی: «اونٚ پٚسی وأستی رومٚم بٚشٚم!»

اعمالٚ رسولأن 23:11

او شب خوداوند پولس ورجأ بٚپأ بئیسأ و اونَ بٚفرمأسته: «پولس، تی دیلَ قورص بٚدأر! هوطو کی اَیَه مردومٚ اَمرأ می جَا گب بزِیی، رومٚ میأنم گب زنی.»

اعمالٚ رسولأن 25:11

اگه‌یٚم کأری بوکودم کی مٚردنٚ سزأوأرم، حأضیر ایسٚم بیمیرٚم! ولی اگه کأری نوکوده بیم، نه شومأن و نه دِه هیکس حق نأرِه مٚرَه اَشأنٚ دٚس فأده کی بوکوشته ببم. من خأیم قیصر خودش می شیکأیتَ فأرٚس فوروس بوکونه.»

اعمالٚ رسولأن 27:31

ولی پولس سروأزأن و او افسر کی اوشأنی فرمأنده بویَ بوگفته: «اگه ملوأنأن کشتی میأن نئیسٚد، شومأ همٚتأن جٚه بین شیدی.»

اعمالٚ رسولأن 27:37

اَمأن همٚتأن کشتی میأن دویست و هفتأد و شیش نفر بیم.

اعمالٚ رسولأن 27:42

سروأزأن خوشأنی افسر فرمأنده‌یَ بوگفتد کی وئأله زندأنیأنَ بوکوشٚد، نوکونه کی اینفر شنأ اَمرأ خؤرَه فأرٚسأنه خوشکی سٚر و جیویزٚده بشه!

اعمالٚ رسولأن 27:44

و البأقیأنم سعی بٚزٚنٚد تخته نیمه‌یأن و کشتی تیکه‌یأنٚ سٚر اوشأنی دونبأل رأ دکفد. اَطویی بو کی همٚتأن سأق و سألیم فأرٚسِده خوشکی رو!

اعمالٚ رسولأن 9:15

ولی خوداوند بٚفرمأسته: «بوشو اونچی کی گفتأندرم انجأم بٚدٚن، چونکی اونَ می دٚسٚ کأرٚ رِه اینتخأب بوکودم کی می پیغأمَ قومأن و پأدیشأیأن و هطویم ایسرأییلٚ آدمأنَ فأرٚسأنه.

فیلیمون 1:22

اَنٚم بٚگم، ایتأ اوتاقٚم مِرِه آمأدَه کون، چون اومید دأرم کی خودا شیمی دوعأیَ قوبیل بوکونه، ایجأزه بٚده کی زود بأیٚم شیمی ورجأ.

یعقوب 5:16

کس‌کسٚ ورجأ شیمی گونأیأنَ وأگویا بوکونید و کس‌کسٚ شفأ گیفتن رِه دوعأ بوکونید. عأدیلٚ مردأکٚ رأس‌رأسِی دوعأ، قودرت دأره و بأوٚر نوکودنی اَثر دأره.

موکأشفه 1:17

وختی می چوم اونَ دکفته، ایتأ جنأزه مأنستَن بٚکفتٚم اونی پأ جولو. ولی اون خو رأستٚ دٚسَ بٚنأ می سٚر و بٚفرمأسته: «نوأترسئن! من اوّل و آخرم! من زٚنده بوم و بٚمٚردم، و هسأ همیشٚکٚ رِه زٚنده‌یٚم، و مٚردن و بٚمٚرده‌یأنٚ دونیأ کیلیدأنَ می دٚسٚ دورون دأرم.