اعمالٚ رسولأن 27:12 - Gilaki New Testament

¹² و چونکی زیبا بندر پنأ گیفتنٚ رِه خُب نوبو و نشأستی زمستأنَ اویَه ایسأن، اوشأنی کی کشتی میأن کأر کودید ویشترشأن صلاح بٚدأنستٚد بٚشٚد فینیکس کی زٚمستأنٚ رِه اویَه بئیسٚد. فینیکس کریتٚ میأن ایتأ خورومٚ بندر بو و هم ایتأ ور شومألٚ غربَ دأشتی و هم ایتأ ور جونوبٚ غربَ.

کیتاب مقدّس به گیلکی (رشتی)

¹² چون زمستان اَ بندرٚ میأنی ایسَن مناسب نبو، اوشأن بهتر بدأنستیدی کی جٚه اویه بیشید کی فأرسه‌یید به بندرٚ فینیکس و بتأنید زمستان اویه بِیسید. فینیکس ایتأ بندر بو، جزیره‌یٚ کْرِتٚ کنار، کی رو به شومالٚ غربی و جنوبٚ غربی قرار دأشتی.

کتاب مقدس به زبان گیلکی - گویش شرقی

¹² چون او بندر مناسب نبو که زمستؤن میئن بیسَن، اینه وسه بیشتریون تصمیم ایی بوبؤ که سفرِ دومباله بدیم، ایی امید أمره که بندر فینیکس برسیم و زمستؤنِ به اوره بوگذرؤنیم. ای بندر، کِرِت میئن هنه بو و رو به شمال غربی و جنوب غربی بو.

کتاب مقدس به زبان گیلکی - گویش رشت و غرب گیلان

¹² چون زمستان درون اُ بندر میان ایسَان مناسب نُبو، هنه واسی بیشتریان، تصمیم بیگیفتید کی اَمی سفرَ دُمباله بدیم، اَ اُمید اَمرا کی فینیکس بندر فارسیم و زمستان ره اویا بأسیم. اَ بندر، کِرِت درون بو کی رو به جنوب غربی و شمال غربی نئه بو.

اعمالٚ رسولأن 27:12 ပူးပေါင်းရင်းမြစ်များ

اعمالٚ رسولأن 2:11

کریت و عربستأن ایسیم، و حتّا اوشأنی کی رومٚ جَا بأمؤده چی یوهودی و چی اوشأنی کی یوهودی بوبوستده، همٚتأن ایشتأوستندریم کی اَشأن اَمی زوأنٚ اَمرأ خودا عجأیب غرأیب کأرأنٚ جَا گب زئندرد!»

اعمالٚ رسولأن 27:13

هو وختٚ میأن جٚه جونوبٚ ور، ایتأ آرأمٚ بأد بأمؤ و گومأن بوکودٚد سٚفر کودنٚ رِه ایتأ خورومٚ روج ایسه. پس کشتی لنگرَ فأکٚشِده و خوشکی کنأرأنَ دٚوأرستیم.

اعمالٚ رسولأن 27:21

خٚیلی زمأت بوبوسته کی هیکس هیچی نوخورده، تأ اَنکی پولس اوشأنی کی کشتی میأن کأر کودیدَ خو دؤر جمَ کود و بوگفته: «آقأیأن، اگه جٚه هو اوّل می گبَ بشتأوسته بید و او زیبا بندرٚ جَا سیوأ نوبوسته بید، اَن همه ضرر نوکودید!

اعمالٚ رسولأن 27:7

چن روجٚ پٚسی کی دریأ توفأنی بو، آخرپٚسی قنیدوسٚ بندرَ فأرٚسِییم. ولی کولأک اَندر توند بو کی اَمٚرَه وأدأشته اَمی رأیَ کجَ کونیم و بیشیم کریتٚ جزیره ور. سلمونی بندرٚ جَا دٚوأرستیم

اعمالٚ رسولأن 27:8

و خٚیلی حقٚ سعی زِئن اَمرأ آرأم آرأمِی او توندٚ بأدٚ میأن کی اَمی روبرو اَمؤندوبو، جونوبٚ دریأکنارٚ ور پیش بوشؤییم تأ لسائیه شهرٚ فأئنرٚسِی، بندر زیبایَ فأرٚسِییم.

تیتوس 1:12

حتّا ایتأ جٚه خودشأن کی ایدعأ کونِه پیغمبره، دروأره‌یٚ اوشأن بوگفته: «کریتٚ آدمأن، همٚتأن دورُغ گده؛ لٚشٚ حیوأنٚ مأنٚده کی فقد شکمٚ وأسی زٚندیگی کونٚده.»

تیتوس 1:5

تٚرَه اَنٚ وأسی کریتٚ جزیره دورون بٚنأم تأ هرچی کی تومأنَ نوبوسته، دیچین وأچین بوکونی و هرتأ شهرٚ دورون هوطو کی تٚرَه رأنمأیی بوکودم، پیله کسأنی‌یَ اینتخأب بوکونی.