اعمالٚ رسولأن 25:25 - Gilaki New Testament

²⁵ ولی من فیکر کونم کی اون کأری نوکوده کی مٚردنٚ سزأوأر بٚبه. هر جور کی بٚبه، اون خو بی‌گونأیی وأسی قیصرَ دٚس بٚدأمن بوبوسته و منم دِه رأیی نأشتیم جغرز اَنکی اونَ قیصرٚ ورجأ اوسه کونم.

کیتاب مقدّس به گیلکی (رشتی)

²⁵ من بفهمستم کی اون کاری نوکوده کی محکوم به مرگ ببه. ولی چونکی قیصرٚ جأ دادخوأهی بوکوده، موافقت بوکودم کی اونَ اوسه کونم روم.

کتاب مقدس به زبان گیلکی - گویش شرقی

²⁵ ولی مو بفهمسّم که او کاری نؤده که اونه سزا موردن ببی و چونکه او خودش خواست امپراطور محکمه دیرون بشی، پس مو تصمیم بیتم اونه روم سرا دِئم.

کتاب مقدس به زبان گیلکی - گویش رشت و غرب گیلان

²⁵ ولی مَن بفهمستم کی اون کاری نُکوده کی اونِ سزا مَردن ببه و چونکی اون خودش بخواسته کی امپراطور محکمه درون بشه، پس منم تصمیم بیگیفتم اونَ روانه کونم.

اعمالٚ رسولأن 25:25 ပူးပေါင်းရင်းမြစ်များ

لوقا 23:14

و اوشأنَ بوگفته: «شومأن اَ مردأکٚ موتهم بوکودید کی رومٚ دولتٚ ضد شورش بوکوده و می ورجأ بأوٚردید. من شیمی ورجأ اونی جَا وأورس وُورس بوکودم و بفأمٚستٚم کی شومأن اَلکی گب زنیدی

لوقا 23:4

پیلاتُس پیله کأهینأن و جِمئیت ور وأگردسته و بوگفته: «خُب، اَنکی جورم نییٚه!»

یوحنا 18:38

پیلاتُس بوگفته: «حِئقت چیسه؟» بأزون بوشؤ بیرون و مردومَ بوگفته: «اون گونأیی نأرِه.

اعمالٚ رسولأن 23:29

بفأمٚستٚم اوشأنی بوگو موگو خوشأنی یوهودی عقیده‌یأنٚ سٚر ایسه و البت ایچی نوبو کی بٚبه اونی وأسی اونَ زندأنی یا اعدام کودن.

اعمالٚ رسولأن 23:9

اَطویی بو کی ایتأ بلوأ بٚپأ بوبوسته. اَ میأنی ایتأ عیده جٚه دینٚ عألیمأن کی فریسی بود ویریشتٚده و ایعترأضٚ اَمرأ بوگفتٚده: «اَمأن اَ آدمٚ میأنی گونأیی نیأفتیم. شأید دمشقٚ رأ دورون ایتأ روح یا ایتأ فٚرٚشته اونی اَمرأ گب بٚزِه.»

اعمالٚ رسولأن 25:26

ولی نأنٚم قیصرٚ رِه چی بینیویسٚم، چونکی رأس‌رأسِی تقصیر نأرِه. هنٚ وأسی، اونَ بأوٚردٚم شیمی ورجأ و بوخصوص شیمی ورجأ اَی پأدیشأ اگریپاس، کی اونی جَا وأخأست کودنٚ پٚسی بفرمأیید چی بینیویسٚم.

اعمالٚ رسولأن 26:31

او وختی کی اَ مأجیرأ وأسی کس‌کسٚ اَمرأ بوگو بشتأو کودأندوبود، هم نظر بوبوستٚد، بوگفتٚده: «اَ مردأی کأری نوکوده مٚردنٚ یا زندأنی بوستنٚ سزأوأر بٚبه.»

اعمالٚ رسولأن 27:1

آخرپٚسی جوفت و جورَ کودٚد کی اَمٚرَه کشتی اَمرأ اوسه کونٚد ایتالیا. پولس و چنتأ دِه زندأنیَ فأدأده ایتأ افسرَ کی یولیوس نأم دأشتی و ایتأ جٚه امپراتوری گاردٚ افسران بو.

اعمالٚ رسولأن 28:18

رومیأن می جَا وأخأست بوکودٚد و بٚخأستٚد مٚرَه وِلَ کونٚد، چونکی بٚفأمٚسته بود کی کأری نوکودم کی مٚردنٚ رِه سزأوأر ببم.