اعمالٚ رسولأن 25:12 - Gilaki New Testament

¹² فِستوس خو موشأویرأنَ اَمرأ شؤر بوکوده و اونٚ پٚسی جوأب بٚدأ: «خٚیلی خُب! هسأ کی خأیی قیصر تی شیکأیتَ فأرٚس فوروس بوکونه، اونی ورجأ شی.»

کیتاب مقدّس به گیلکی (رشتی)

¹² فِستوس خو مشاورأنٚ اَمرأ مشورت بوکوده، پولُسَ بوگفته: «پس هَطو کی تو بوگفتی، خوأیی جٚه قیصر تقاضای عیدالت بوکونی، ترَ اوسه کونیم قیصرٚ ورجأ.»

کتاب مقدس به زبان گیلکی - گویش شرقی

¹² فِستوس بعدِ اینکه شورا آدمونِ أمره مشورت بوئده، بوته: «تو خواستی که تی قضیه امپراطور محکمه دیرون رسیدگی ببی؟ پس امپراطور جلو شنی!»

کتاب مقدس به زبان گیلکی - گویش رشت و غرب گیلان

¹² فِستوس، بعد اونکی خو شورا آدمان مرا صلامشورت بُکود بگفت: «خواستی کی تی قضیه امپراطور محکمه درون رسیدگی ببه؟ پس امپراطور جُلُو خوائی شئون!»

اعمالٚ رسولأن 25:12 ပူးပေါင်းရင်းမြစ်များ

متّی 22:17

اَسه اَمٚرَه بوگو وأستی رومٚ دولتَ مألیأت فأدأن یا نه؟»

اعمالٚ رسولأن 19:21

تومأمٚ اَ ایتفأقأنٚ پٚسی، پولس جٚه خودا روحٚ ور هیدأیت بوبوسته کی پیشتر جٚه اَنکی بشه اورشلیم، جٚه مقدونیه و اَخائیه رأ دٚوأره. اون گفتی: «اونٚ پٚسی وأستی رومٚم بٚشٚم!»

اعمالٚ رسولأن 23:11

او شب خوداوند پولس ورجأ بٚپأ بئیسأ و اونَ بٚفرمأسته: «پولس، تی دیلَ قورص بٚدأر! هوطو کی اَیَه مردومٚ اَمرأ می جَا گب بزِیی، رومٚ میأنم گب زنی.»

اعمالٚ رسولأن 25:11

اگه‌یٚم کأری بوکودم کی مٚردنٚ سزأوأرم، حأضیر ایسٚم بیمیرٚم! ولی اگه کأری نوکوده بیم، نه شومأن و نه دِه هیکس حق نأرِه مٚرَه اَشأنٚ دٚس فأده کی بوکوشته ببم. من خأیم قیصر خودش می شیکأیتَ فأرٚس فوروس بوکونه.»

اعمالٚ رسولأن 25:13

چن روج بوستنٚ پٚسی پأدیشأ اگریپاس خو زن برنیکی اَمرأ، فِستوسٚ خوش اَمؤن گفتنٚ وأسی، بأمؤ قیصریه.

اعمالٚ رسولأن 25:21

ولی پولس قیصرَ دٚس بٚدأمن بوبوسته! پس، اونَ اوسه کودم زندأنٚ میأن کی اونی قیصرٚ ورجأ شؤئؤنَ ردیفَ کونم.»

اعمالٚ رسولأن 26:32

اَگریپاس، فِستوسَ بوگفته: «اگه قیصرَ دٚس بٚدأمن نوبوسته بی، شأستی اونَ وِلَ کودن.»

اعمالٚ رسولأن 27:1

آخرپٚسی جوفت و جورَ کودٚد کی اَمٚرَه کشتی اَمرأ اوسه کونٚد ایتالیا. پولس و چنتأ دِه زندأنیَ فأدأده ایتأ افسرَ کی یولیوس نأم دأشتی و ایتأ جٚه امپراتوری گاردٚ افسران بو.

اعمالٚ رسولأن 28:16

وختی فأرٚسِییم روم، پولسَ وئأشتٚده کی هرتأ جیگأ کی خأیه زٚندیگی بوکونه. فقد ایتأ نیگهبأن همیشٚک اونَ پأستی.

فیلیپیان 1:20

می قلبی آروزو و اومید اَنه کی هیوخت می وظیفه‌یأنٚ انجأم دٚئنٚ رِه سٚربیجیر و خجألت بٚزِه نٚبم، بلکی همیشٚک تومأمٚ سختیأنٚ میأن شوجأعتٚ کأمیلٚ اَمرأ آمأده بئیسٚم کی دروأره‌یٚ مسیح گب بٚزٚنم، هطویم کی پیشترٚم اَطو بوکوده بوم؛ کی هنٚ وأسی، چی بیمیرٚم و چی بمأنٚم همیشٚک مسیح سربولندی‌یَ بأعیث ببم.