اعمالٚ رسولأن 22:24 - Gilaki New Testament

²⁴ او وخت او هنگ فرمأنده، پولسَ بأوٚرده قلعه دورون و فرمأن بٚدأ اونَ شلأق بٚزٚنٚد کی خو جورمَ ایعترأف بوکونه. بوخصوص خأستی بٚدأنه کی چٚره مردومَ اَطو غیظَ گیفته.

کیتاب مقدّس به گیلکی (رشتی)

²⁴ فرمانده دستور بده پولُسَ ببرید قلعه دورون و اونَ شلاق بزنید و اونٚ جأ بازجویی بوکونید کی بفهمید چره اَطویی بر ضدٚ اون فریاد زه‌ییدی.

کتاب مقدس به زبان گیلکی - گویش شرقی

²⁴ فرمانده دستور بده پولُس قلعه دیرون ببورن و اونه شلاق بزنن و اونای بازخواست بکونن تا معلوم ببی چی وَسه مردم ایطوری اونه ضد فریاد کشِئدرن.

کتاب مقدس به زبان گیلکی - گویش رشت و غرب گیلان

²⁴ فرمانده دستور بَدَه پولُسَ قلعه درون ببرید و شلاق بزنید و اونِ جا بازجوئی بُکونید تا معلوم ببه کی چی واسی مردوم اَطویی اونِ ضدّ داد زئن دَرید.

اعمالٚ رسولأن 22:24 ပူးပေါင်းရင်းမြစ်များ

یوحنا 19:1

او وخت پیلاتُسٚ فرمأنَ اَمرأ، عیسایَ شلأق بٚزِده.

اعمالٚ رسولأن 16:37

ولی پولس جوأب بٚدأ: «اَمٚرَه مردوم چومأنٚ ورجأ بٚزٚن بیگیر بوکودٚد و بودونٚ اَنکی موحأکمه بوکوند زندأن تأوٚدأده و هسأ گده زیرزیریکأ بیشیم بیرون! هیوخت! چونکی اَمأن رومٚ شین ایسیم، محکمه آدمأن خوشأنی پأ اَمرأ وأستی بأیٚد و اَمی جَا معذرت بخأیٚد!»

اعمالٚ رسولأن 21:34

اونی جوأبٚ رِه هرکی ایچی گفتی. وختی او شولؤغی و بلوأ میأن هیچی اونَ حألی نوبو، فرمأن بٚدأ پولسَ ببرد او نظأمی قلعه میأن کی او نیزدیکی نٚهأ بو.

اعمالٚ رسولأن 21:37

وختی قلعه‌یَ بودورون شؤئؤندوبود، پولس فرمأنده‌یَ بوگفته: «وئألی چنتأ کلمه شیمی اَمرأ گب بٚزٚنم؟» فرمأنده قأقَ بوسته وأوٚرسِه: «تو یونأنی زٚوأنَ دأنی؟ مگه تو هو مصری نییی کی چن سأل پیش شورش رأ تأودأ بو و چأر هیزأرتأ آدمکوشٚ اَمرأ بوگروخته بیأبأنٚ میأن؟»

اعمالٚ رسولأن 23:10

بوگو موگو جوری بوجؤر بیگیفته کی فرمأنده بٚتٚرسه پولسَ تکس‌تکسَ کونٚد، پس سروأزأنَ فرمأن بٚدأ اونَ مردومٚ پٚنجه جَا بیرون فأکٚشٚد و قلعه دورون وأگردأنٚد.

اعمالٚ رسولأن 23:27

یوهودیأن اَ مردأکَ بیگیفته بود و خأستیدی اونَ بوکوشٚد. وختی بفأمٚستٚم رومٚ شین ایسه، چنتأ سروأز اوسه کودم و اونَ نیجأت بٚدأم.

اعمالٚ رسولأن 28:18

رومیأن می جَا وأخأست بوکودٚد و بٚخأستٚد مٚرَه وِلَ کونٚد، چونکی بٚفأمٚسته بود کی کأری نوکودم کی مٚردنٚ رِه سزأوأر ببم.

عبرأنیأن 11:35

زنأکأن، ایمأنٚ قوّتٚ اَمرأ، خوشأنٚ جٚه دٚس بوشؤ جأنٚ دیلأنَ، زٚنده کٚشَ گیفتٚد. ولی ایتأ عیده دِه جٚه مؤمینأنم بود کی تأ مٚردنٚ نیزدیکی شکنجه و آزأر بیدِ‌ده و بِیتر بٚدأنستٚد بیمیرٚد تأ اَنکی خودایَ خیأنت بوکونٚد و آزأدَ بٚد. چونکی خأطر جم بود کی مٚردنٚ پٚسی، رأس‌رأسِی آزأدَ بوستن و همیشٚکی زٚندیگی کودن اَشأنٚ شین بِه.