اعمالٚ رسولأن 21:30 - Gilaki New Testament

³⁰ تومأمٚ شهرٚ آدمأنَ هولٚ ولأ بیگیفته و ایتأ پیله بلوأ رأ دکفته. پولسَ زور زورکی معبدٚ جَا بیرون فأکٚشأنِده و دفأتن درأنَ اونی پوشت دٚوٚستٚده.

کیتاب مقدّس به گیلکی (رشتی)

³⁰ شهرٚ میأن آشوب بر پا بوبوسته! مردوم جٚه هر طرف هوجوم بأوردیدی و پولُسَ بیگیفتیدی، فأکشه‌ییدی جٚه معبد ببردیدی بیرون و فوری معبدٚ درأنَ اونٚ پوشتٚ سر دٚوٚستیدی تا پولُس نتأنه وأگرده معبدٚ دورون.

کتاب مقدس به زبان گیلکی - گویش شرقی

³⁰ بزون تموم شهر دیرون، بلوا بوبؤ! مردم هر طرف جی هجوم بأردَن و پولُس بیتن، معبد جی بیرون هکشئن و درجا معبد درؤنِ ایشون پشت سر دَوَسّن.

کتاب مقدس به زبان گیلکی - گویش رشت و غرب گیلان

³⁰ بازین تمان شار درون وَلوا بپا بُبوست! مَردوم جِه هر طرف فُتورکستید و پولُسَ بیگیفتید، معبد جا بیرون فاکشه ئید و فلفور معبد دَران اوشانِ پوشت سر دَوَستید.

اعمالٚ رسولأن 21:30 ပူးပေါင်းရင်းမြစ်များ

متّی 2:3

هطو کی اَ خٚوٚر هیرودیسٚ پأدیشأ گوشَ فأرٚسِه، اون و تومأمٚ اورشلیمٚ آدمأن، اونی اَمرأ پریشأنَ بوستٚد.

متّی 21:10

وختی اون بوشؤ اورشلیم دورون، تومأمٚ شهر بٚذوق بأمؤده. مردوم وأوٚرسِئید: «اَ مردأی کیسه؟»

لوقا 4:29

و ویریشتٚده اونَ شهر جَا بیرونَ کودٚد و ایتأ سٚرأجیری تپّه سٚر کی شهر اونی رو نٚهأ بو، ببردٚد کی اونَ جٚه اویَه تأوٚدٚد بیجیر.

اعمالٚ رسولأن 19:29

ایپچه‌ایپچه مردوم جٚه دؤرٚور جمَ بوستد و پور زمأت نوبوسته کی ایتأ بلوأ شهرٚ میأن بیپیچسته. و همٚتأن هوجوم ببردٚد او شهر تمأشأخأنه ور و پولسٚ همسفرأن گایوس و ارِستَرخوسَ کی مکادونیه شین بود بیگیفتٚده و فأکش فأکش موحأکمه وأسی ببردٚد.

اعمالٚ رسولأن 26:21

هه مأجیرأ وأسی، یوهودیأن معبدٚ میأنی مٚرَه بیگیفتٚده و حقٚ سعی بٚزِده کی مٚرَه بوکوشٚد.

دوم قرنتیان 11:26

دؤر دورأن و ملألی جأجیگأیأنَ سٚفر بوکودم؛ روخأنٚ بوجؤر اَمؤن، دوزدأنٚ حمله، یوهودی هموطنأن و اوشأنی کی یوهودی نیبیده اَذِت آزأرم همیشٚک مٚرَه تهدید بوکوده. شهرأنٚ دورون مردومی کی غیظ دأرٚده فوتورکستنٚ خطر اَمرأ و بیأبأن و دریأ دورون مٚردنٚ خطرٚ اَمرأ روبرو بوم. کیلیسا دورونم اوشأنی کی دورُغٚ اَمرأ برأری ایدعأیَ دأرٚده خطر، مٚرَه تهدید بوکوده.