اعمالٚ رسولأن 21:26 - Gilaki New Testament

²⁶ پولس قوبیل بوکوده و فردأیی او چأر نفرٚ اَمرأ طهأرتٚ مرأسیمَ انجأم بٚدأ و بوشؤ معبدٚ میأن. بأزون وأگویا بوکوده کی ایتأ هفته دِه، اَشأنٚ هرتأ رِه ایتأ قوربأنی پیشکش کونه.

کیتاب مقدّس به گیلکی (رشتی)

²⁶ پس فردایٚ او روز، پولُس او مردأکأنَ خو اَمرأ ببرده و اوشأنٚ اَمرأ آداب و رسومٚ تطهیرَ بجا بأورده. بأزین بوشو معبدٚ میأن تا تاریخٚ آخرین روزٚ تطهیرَ، کی هر کدام جٚه اوشأنٚ رِه قوربانی تقدیم به، اعلام بوکونه.

کتاب مقدس به زبان گیلکی - گویش شرقی

²⁶ فردأیی، پولُس او آدمونه خوش أمره ببورده و ایشؤنِ أمره تطهیر رسم و رسوم به جا بأرده. بازین، معبد سو بوشو تا تطهیر تمام بوئن روزون تاریخ اعلام بکونی که او روزون دیرون هر ته از اوشونِ قربونی پیشکش تقدیم بوئدبو.

کتاب مقدس به زبان گیلکی - گویش رشت و غرب گیلان

²⁶ فردایی، پولُس اُ آدمانَ خو مرا ببرد و اَشانِ اَمرا پاکی رسم و رسومَ بجا باورد. بازین معبد سو بُشو تا اُ تاریخی کی پاکی رسم و رسومِ روجان تمانِ به کی اونِ درون هر تا جه اَشان ره قربانی پیشکش بوستی، اعلام بُکونه.

اعمالٚ رسولأن 21:26 ပူးပေါင်းရင်းမြစ်များ

یوحنا 11:55

پِسَح عَید کی یوهودٚ ایتأ جٚه موقدسٚ روجأن بو یوأش یوأش فأرٚسِئندوبو. مردوم جٚه مملکتٚ اَ سٚر تأ او سٚر، اورشلیمٚ دورون جمَ بوستٚد کی خوشأنَ عَیدٚ مرأسیمٚ رِه آمأده کونٚد.

اعمالٚ رسولأن 21:24

تو اَشأنٚ اَمرأ بوشو معبدَ میأن و طهأرتٚ رسمَ اوشأنٚ اَمرأ انجأم بٚدٚن و اوشأنی خرجٚم فأدن کی بتأنٚد خوشأنٚ سٚرَ بتأشٚد. او وخت همٚتأنَ ثأبیت به کی تو یوهودٚ سونّتأنٚ انجأم دئنَ او مسیحیأن کی یوهودی ایسٚده رِه بی‌عأیب دأنی تویٚم یوهودٚ حوکمأنَ انجأم دیهی و اَمی اَمرأ اَ کأرأنٚ میأن ایتأ فیکر دأری.

اعمالٚ رسولأن 24:18

اوشأنی کی می جَا شیکأیت دأرٚده او وختی کی پأکَ کودنٚ مرأسیمأنٚ رِه موشغول بوم مٚرَه معبدٚ دورونی بیدِده. نه ایتأ عیده آدم می اَمرأ ایسأبود و نه بلوأیی رأ تأوٚدأ ‌بوم!

اوّل قرنتیان 9:20

وختی یوهودیأنٚ اَمرأ ایسأبوم، اوشأنٚ مأنستَن کردکأر کودیم کی یوهودیأنَ مسیح ور بأوٚرٚم. او وخت کی اوشأنٚ اَمرأ بوم کی یوهودٚ شریعتٚ شأگرد بود، منم شریعتٚ جیر زٚندیگی بوکودم. هرچن جٚه شریعتٚ پیروی نوکونم، ولی اَطو بوکودم تأ اوشأنی‌یَ کی شریعتٚ جیر ایسأده، مسیح ور بأوٚرٚم.