اعمالٚ رسولأن 20:20 - Gilaki New Testament

²⁰ تومأمٚ اَشأنٚ اَمرأ، اونچی کی شِمِره فأیده دأشتی، موعیظه کودنٚ رِه، هیذره می دیلَ شک رأ نٚدأم، بلکی چی خأنه‌یأنٚ میأن و چی مردومٚ میأن، شٚمٚره حِئقتَ بأمؤختم.

کیتاب مقدّس به گیلکی (رشتی)

²⁰ و دأنیدی کی جٚه هر اونچی کی شِمره سودمند بو، چیزی‌یَ دریغ نوکودم، بلکی پیامَ شِمره موعظه بوکودم، چی مردومٚ ورجأ و چی خانه میأن شمرَ تعلیم بدَم.

کتاب مقدس به زبان گیلکی - گویش شرقی

²⁰ هنده دؤنین که هرچی که ممکن بو شیمه به سود بدأره، هیچیِ دریغ نودَم، بلکه پیغؤمِ شمه بِه اعلوم بودَم، چی جمعِ دیرون و چی خونه به خونه شمه به تعلیم بدَئم.

کتاب مقدس به زبان گیلکی - گویش رشت و غرب گیلان

²⁰ هُطو دانیدی، اونچیَ کی مُمکن بو شمرأ فایده بدَره، شیمی جا مَضاقا نُکودم، بلکی پیغامَ شمرأ اعلام بُکودم، چی جَم درون، چی خانه بِخانه شمرأ تعلیم بدَم.

اعمالٚ رسولأن 20:20 ပူးပေါင်းရင်းမြစ်များ

مَرقُس 4:34

همیشٚک عیسا اَطو مردومَ دأستأن و نقلٚ اَمرأ آمؤختی. امّا وختی کی خو شأگردأنٚ اَمرأ تنأ بوستی، تومأمٚ نقلأنٚ معنأیَ اوشأنی رِه وأشکأفتی.

اعمالٚ رسولأن 2:46

و هر روج دال‌بدال کس‌کسٚ اَمرأ معبدٚ میأن عیبأدت کودید، خأنه‌یأنٚ میأن خوداوندٚ شأمٚ وأسی جمَ بوستیدی، و خوشألی و شوکر کودنٚ اَمرأ هر چی‌یَ کی دأشتٚد کس‌کسٚ اَمرأ خوردیدی،

اعمالٚ رسولأن 20:27

چونکی هیکسٚ رِه کم نٚنأم، بلکی خودا پیغأمَ همٚتأنَ فأرٚسأنِم.

اعمالٚ رسولأن 20:31

پس، شٚمٚره بٚپأیید! جٚه خأطرَ ندید اَ سه سألٚ میأن کی شیمی اَمرأ ایسأبوم، تترج شٚمٚره پأستأندوبوم و شبندروج دوعأ میأن شِمِره آرسو فوکودیم.

اعمالٚ رسولأن 5:2

ولی فقد ایپچه جٚه او پولَ بأوٚرده روسولانٚ ورجأ و بوگفته کی تومأمٚ پولَ بأوٚرده، و البأقی پولَ خؤرَه بدأشت. اونٚ زنأکٚم اونی جوفت و کلکٚ جَا وأخٚوٚر بو.

اعمالٚ رسولأن 5:42

جٚه او زمأتٚ پٚسی هر روج خأنه‌یأنٚ میأن خودا کلامَ مردومَ آمؤختیدی و معبدٚ میأن موعیظه کودید کی عیسا هو مسیح ایسه.

اوّل قرنتیان 12:7

هرتأ جٚه اَمأنٚ ایتأ عطأ فأدأ بوبوسته کی بتأنیم کس‌کسَ کومک بوکونیم.

اوّل قرنتیان 14:6

و هسأ، جأن و دیلٚ برأرأن و خأخورأن، اگه شیمی ورجأ بأیٚم و نأمؤخته زوأنأنٚ اَمرأ گب بٚزٚنم، چی منفعت شٚمٚره رسأنم؟ ولی اگه شِمِره ایتأ پیغأم بأوٚرٚم کی خودا مِرِه آشیکأرَ کوده، یا شنأخت و ایتأ بوخصوص معرفت، و یا نوبوّت یا درس بأوٚرٚم، اَطو بٚبه شٚمٚره نفع فأرٚسأنِم.

اوّل قرنتیان 15:3

اونچی کی موهیمٚ موضو بو و مٚرَه فأرٚسِه بو، شٚمٚره بیسپأردٚم، ینی اَ حِئقتأنَ کی مسیح، موقدسٚ کیتأبأنٚ نیویشته‌یأنٚ موطأبٚق، خو جأنَ اَمی گونأیأنٚ آمؤرزئنٚ رأ دورون فٚدأ بوکوده و بٚمٚرد،

فیلیپیان 3:1

می جأن و دیلأن، هر وضع و حألٚ دورون ایسأییدی، خوداوندٚ اَمرأ خوشأل بیبید. هیوخت اَ گبأنٚ دووأره گفتنٚ جَا زلّه نٚبم؛ و اَنٚم بٚگم کی شیمی نفع ایسه کی اوشأنَ چن‌وأر بشتأوید.

کولسیان 1:28

پس اونی کی دروأره‌یٚ اون موعیظه کونیم، مسیح ایسه، و همٚتأنَ وأخٚوٚرٚ کونیم و اونٚ رِه تومأمٚ حیکمتٚ یاورٚ اَمرأ کی خودا اَمٚرَه فأدأ، آموجیم کی بتأنیم همٚتأنَ مسیح عیسا دورون کأمیلٚ روحأنی روشد کودنَ فأرٚسأنیم و خودا حوضورٚ رِه پیشکش بوکونیم.

دوم تیموتائوس 4:2

کلامَ موعیظه بوکونی. هر موقیتٚ میأنی، وخت و بی وخت، آمأده بوبو. صبرٚ زیأدٚ اَمرأ ایمأندأرأنَ بأموج و اوشأنَ ایصلأح و تِنبیه و تِشویق بوکون.