اعمالٚ رسولأن 2:20 - Gilaki New Testament

²⁰ پیشتر جٚه اَنکی خوداوندٚ پیله‌دأنه و پورجلالٚ روج فأرٚسِه، آفتأب تأریکَ به و مأه خونٚ مأنستَن سورخَ به

کیتاب مقدّس به گیلکی (رشتی)

²⁰ قبلٚ اونکی او پیله‌دأنه روزٚ پور جلالٚ خوداوند فأرسه، خورشید تاریکَ به و ماه به رنگٚ خون وأگرده.

کتاب مقدس به زبان گیلکی - گویش شرقی

²⁰ پیش از اونکه خداوندِ روز برسی، او باشکوه و پیله روز ، آفتاؤ تاریک بنه و ماه رنگ خون مورسون بنه.

کتاب مقدس به زبان گیلکی - گویش رشت و غرب گیلان

²⁰ پیش جه اَنکی خُداوندِ روج فارسه، اُ باشکوه و پیلهِ روج، آفتاو تارکَ بِه و ماهِ رنگ خون مانستن خوائه بوستن.

اعمالٚ رسولأن 2:20 ပူးပေါင်းရင်းမြစ်များ

متّی 24:29

«دفأتن، او موصیبٚتأنٚ پٚسی، خورشید تأریکَ به، مأه دِه هیذره سو نٚزنه. ستأره‌یأن فٚوٚده و نیرویأنی کی زیمینَ خو جَا سٚر دأرٚده، بٚپٚرکٚش دکفده.

متّی 27:45

او روج، جٚه ظهر تأ بعدٚ ظهر سأعت سه، ظولومأت تومأمٚ او سرزیمینَ پورَ کود.

مَرقُس 13:24

«امّا او روجأنٚ میأن، هو موصیبٚتأنٚ پٚسی، خورشید تأریکَ به، مأه خو نورَ جٚه دٚس دِهه.

لوقا 21:25

«بأزون آسمأنٚ میأن عجأیبٚ ایتفأقأن پیش اَیِه و خورشید و مهتأب و ستأره‌یأن میأن، وأشتنأکٚ نیشأنه‌یأن بیدِه به. زیمین سٚر، قومأن دریأیأنٚ صدا و اونی موجأنٚ نعره جَا هُلَ کونٚد و پریشأنٚ بٚدأ.

اعمالٚ رسولأن 2:19

بوجؤر، آسمأنٚ میأن، عجأیبٚ چیزأن، و بیجیر زیمینٚ سٚر جٚه خون و آتش و بخأر، نیشأنه‌یانی آشیکأرَ کونم.

اعمالٚ رسولأن 2:21

ولی هرکی خوداوندٚ نأمَ دؤخأنه نیجأت یأفه."

اوّل قرنتیان 5:5

بأزون، اَ مردأکَ کیلیسا جَا بیرون تأوٚدید و اونی جیسمٚ جٚه بین شؤئؤنٚ وأسی اونَ شیطان دٚس بیسپأرید، بلکی‌یٚم وختی اَمی خوداوند عیسا وأگرده، اونی روح نیجأت بیأفه.

اوّل تسالونیکیان 5:2

چونکی شومأن خٚیلی خُب دأنیدی کی هیکس اونی وأگردٚستنٚ زمأتَ نأنِه. خوداوندٚ روج هچین ایتأ شب دوزدٚ مأنستَن، ایوأرکی اَیِه.

دوم پطرس 3:10

هنٚ بدأنید کی خوداوندٚ روجٚم حتمن فأرٚسِه، اونم ایتأ دوزد مأنستَن کی همٚتأنَ غأفیلگیرَ کونِه. او روجٚ میأن، آسمأنأن ایتأ وأشتنأکٚ ایجگره اَمرأ جٚه بین شٚده و آسمأنٚ ستأره‌یأن آتشٚ دورون جٚه بین شٚده، زیمین و هر چی کی اونی دورون نٚهأ آشیکأرَ بِه.

دوم پطرس 3:7

اَسه زیمین و آسمأن، خودا دستورٚ اَمرأ بأقی بمأنستده تأ آتشٚ اَمرأ دأوری روجٚ میأن جٚه بین بٚشٚد ینی هو روجٚ میأن کی بدهکأرأن تِنبیه و هلأکَ بٚده.

موکأشفه 16:8

بأزون چأرومی فٚرٚشته خو پیأله‌یَ خورشید رو خألِه کوده کی خورشید خو آتش اَمرأ همٚتأنَ بوسوجأنِه.

موکأشفه 6:12

او وخت بٚرّه شیشومی مُهرَ وأکوده. نأخٚوٚرکی ایتأ پیله زلزله ایتفأق دکفته و خورشید ایتأ سیأ پارچه مأنستَن تأریک و سیأ بوبوسته و مهتأب، خونٚ رنگ بوبوسته.