اعمالٚ رسولأن 19:33 - Gilaki New Testament

³³ اَ میأن چنتأ یوهودی، ایسکندرَ بیأفتده و اونَ پیش تأوٚدأده، اونی جَا بٚخأستده کی اَ مأجیرأیَ نقل بوکونه. ایسکندر خو دٚسٚ تکأن دٚئنٚ اَمرأ مردومٚ جَا بٚخأسته کی سأکیتَ بد و حقٚ سعی بٚزِه ایچی بٚگه.

کیتاب مقدّس به گیلکی (رشتی)

³³ یهودیأن، اسکندرَ پیش تأودَه‌ییدی و بعضیأن جٚه جمعیتٚ میأن اونَ دستورأنی دَییدی. اون خو دسَ تکان بده کی مردوم ساکیتَ بید تا اوشأنٚ رِه جوابگو ببه.

کتاب مقدس به زبان گیلکی - گویش شرقی

³³ بعضیون، گمان گودن که اسکندر مسئول ایسه چونکه یهودیان اسکندر پیش تؤوده بون، و بعضی أن جماعت میئنَ جی اونه دستورؤنی دئن. اسکندر خوش دست توکون بده، مردم جی بخواسّه ساکت بوئن و حقسعی بُوده تا خوشه جی دفاع بکونی.

کتاب مقدس به زبان گیلکی - گویش رشت و غرب گیلان

³³ بعضیان، گُمان کودید کی اسکندر مسئول ایسه، چونکی یهودیان اسکندرَ پیش توَدَبید و بعضیانَم جماعت درون اونَ دستوراتی دَئیدی. اسکندر خو دَسَ تکان بدَه و مردوم جا بخواست کی تام بزنید و تَقلّا بُکود کی ایچی بگه و خو جا دفاع بُکونه.

اعمالٚ رسولأن 19:33 ပူးပေါင်းရင်းမြစ်များ

لوقا 1:22

بأزون، وختی بأمؤ بیرون و نتأنسته اوشأنی اَمرأ گب بٚزٚنه، اونی اَدا ایشأره اَمرأ بٚفأمٚستد کی هو معبدٚ موقدسٚ جأجیگأ میأن ایتأ رویأ بیدِه.

اعمالٚ رسولأن 12:17

پطرس ایشأره بوکوده کی آرأم بٚبٚد و نقل بوکوده کی چی بوبوسته و خوداوند چوطو اونَ زندأنٚ جَا بیرون بأوٚرده. پیشتر جٚه شؤئؤنٚم اَشأنٚ جَا بٚخأسته کی یعقوب و البأقی برأرأنَ وأخبدأرَ کونٚد. اونٚ پٚسی بوشؤ ایتأ جیگأ کی اَمنتر بٚبه.

اعمالٚ رسولأن 13:16

پولس خو جَا سٚر ویریشته و دٚسٚ اَمرأ ایشأره بوکوده کی سأکیتَ بد و بوگفته: «اَی ایسرأییلٚ مردأکأن، و اَی شومأن کی یوهودی نیئید و خودایَ پرستیدی، مٚرَه فأندرید.

اعمالٚ رسولأن 19:34

ولی وختی بفأمستده کی یوهودی ایسه، صدایَ بوجؤرتر ببردٚد: «افسسیانٚ آرتمیس پیلّه ایسه!» اَ سٚر و صدا تأ دو سأعت درأزه بٚدأ.

اعمالٚ رسولأن 21:40

وختی کی فرمأنده اونَ وئأشته کی گب بٚزٚنه، پولس پلِکأنأنٚ رو بئیسأ و دٚسٚ اَمرأ مردومَ ایشأره بٚزِه. وختی همٚتأن سأکیتَ بوستٚد، اون عِبری زٚوأنٚ اَمرأ اَشأنَ بوگفته:

اعمالٚ رسولأن 24:10

بأزون پولس وخت فأرٚسِه کی گب بٚزٚنه. فرمأندأر اونَ ایشأره بٚزِه کی ویریزه و خو جَا دفأع بوکونه. پولس بوگفته: «جنأبٚ فرمأندأر، دأنٚم کی سألیأنٚ سأل ایسه کی شومأن قیضأوتٚ جیگأ دورون نیشتِئید، و یوهودٚ گریفتأریأن فأرٚس فوروس کودأندرید. جٚه اَ موضو می دیل قورصه کی تأنٚم رأحت می جَا دفأع بوکونم.

فیلیپیان 1:7

اَن طبیعیه کی دروأره‌یٚ شومأن اَجور ایحسأس بٚدأرم، چونکی شومأن همٚتأن می دیلٚ دورون جأجیگأ دأریدی. چی او وخت کی زندأنٚ دورون ایسأبوم، چی او وخت کی آزأد شیمی میأن ایسأبوم، کس‌کسٚ اَمرأ حِئقتٚ جَا دفأع کودیم و مسیح نیجأتٚ خٚوٚرَ مردومٚ گوش فأرٚسأنِییم؛ هنٚ وأسی همیشٚک خودا برکتأنٚ میأن کس‌کسٚ اَمرأ سأم دأشتیم.

اوّل تیموتائوس 1:20

هیمینائوس و ایسکندر، دونه جٚه اَ آدمأن ایسٚد. اَشأنَ شیطان چنگٚ دورون سرأ دأم کی اَدب بٚبٚد و بأموجد کی دِه خودایَ کوفر نٚگد.

دوم تیموتائوس 4:14

ایسکندرٚ میسگر خٚیلی مٚرَه بدی بوکوده؛ خوداوند خودش اونَ تِنبیه بوکونه.