اعمالٚ رسولأن 19:17 - Gilaki New Testament

¹⁷ اَ خٚوٚر تومأمٚ او افسُسٚ سرتأسرٚ بیپیچسته و همٚتأ یوهودیأن و یونأنیأنٚ گوش فأرٚسِه، او جوری کی همٚتأ بترسئیدی و جٚه اونٚ پٚسی عیسایٚ خوداوندٚ نأمَ ایحترأم نئهیدی.

کیتاب مقدّس به گیلکی (رشتی)

¹⁷ چون تومامٚ ساکنأنی کی اَفِسُسٚ میأن زندگی کودیدی، چی یهودی و چی غیریهودی، بفهمستیدی، بترسه‌ییدی اَطویی کی بعدٚ اون عیسایٚ خوداوندٚ نامَ ایحترام نهیدی.

کتاب مقدس به زبان گیلکی - گویش شرقی

¹⁷ اَفِسُس مردمون همته، چی یهودی و چی یونانی، ایی اتفاقَ جی واخوبَ بوُئن، همته بترسِئن، طوری که بعد اون عیسی خداوند ایسمِ خیلی احترؤم نائن.

کتاب مقدس به زبان گیلکی - گویش رشت و غرب گیلان

¹⁷ اِفِسُس مردومان همتان، چی یهودی و چی یونانی، اَ جریان جا واخَبرَ بوستید، تمان اوشانَ ترس اوساد، اوجور کی بازون پس عیسیِ خُداوند نامَ خَیلی حرمت نَائید.

اعمالٚ رسولأن 19:17 ပူးပေါင်းရင်းမြစ်များ

لوقا 1:65

همسأده‌یأن اَ مأجیرأیٚ دِئنٚ وأسی خٚیلی مأتَ بوستید، و اَ مأجیرأ خٚوٚر تومأمٚ یوهودیه کوهستأنٚ دورون بیپیچسته.

لوقا 7:16

تومأمٚ اوشأنی کی اَ موجیزه‌یَ بیدِدٚد، ترس و ایحترأمٚ اَمرأ، خودایَ شوکر بوکودٚد، گفتأندوبود: «ایتأ پیله پیغمبر اَمی میأن ظأهیرَ بوسته! خوداوند اَمی یاور بأمؤ!»

اعمالٚ رسولأن 13:12

وختی فرمأندأر اَنَ بیدِه، خودا پیغأمٚ جَا قأقَ بوسته و ایمأن بأوٚرده.

اعمالٚ رسولأن 18:19

وختی افسُسٚ بندرَ فأرٚسِه، پریسکیلا و آکیلایَ کشتی دورونی بدأشته و بوگو بشتأوٚ وأسی بوشؤ یوهودٚ کنیسه‌ میأن.

اعمالٚ رسولأن 18:21

اون بوگفته: «هرجوری بٚبه وأستی عَید روجٚ رِه اورشلیمٚ میأن بئیسٚم.» ولی قول بٚدأ کی اگه خودا بٚخأیٚه بأزون وأگرده افسُس. او وخت ایوأردِه کشتی میأن بینیشته و جٚه اویَه بوشؤ.

اعمالٚ رسولأن 19:1

هو زمأتٚ میأن کی اَپلس قرنتسٚ شهرٚ دورون ایسأبو، پولسٚم او سأمأنٚ شهرأنٚ دورون سٚفر کودی، تأ اَنکی فأرٚسِه افسُسٚ شهرٚ میأن و اویَه چنتأ ایمأندارٚ اَمرأ مولأقأت بوکود.

اعمالٚ رسولأن 19:16

بأزون، آزأری اوشأنَ فوتورکسته و اوشأنَ جوری بٚزِه کی زخم و زیلی و برأنده جٚه خأنه بوگروختٚده!

اعمالٚ رسولأن 19:18

خٚیلی جٚه اوشأنی کی مسیحَ ایمأن بأوٚردٚد، بأمؤده و مردومٚ چومأنٚ ورجأ خوشأنٚ کردکأرأنَ کی پور جٚه گونأ بو ایعترأف بوکودٚد.

اعمالٚ رسولأن 2:43

اَنٚم بٚگم کی، روسولأن خٚیلی موجیزه‌یأن انجأم بدأبود، ایتأ ترس خودا ایحترأمٚ وأسی همٚتأنٚ دیلٚ میأن دکفته بو.

اعمالٚ رسولأن 5:11

اَطویی بو کی، کیلیسا و تومأمٚ اوشأنی کی اَ مأجیرأیَ ایشتأوستیدی‌یَ ایتأ پیله ترس بیگیفته.

اعمالٚ رسولأن 5:13

ولی دِه هیکس نٚیأرستی اَشأنٚ گورویَ دوچوکه، هرچن کی اَشأنَ خٚیلی حورمت نأئیدی.

اعمالٚ رسولأن 5:5

هطو کی حنانیا اَ گبٚ بشتأوسته، زیمینٚ سٚر بٚکفته و جأبجأ بٚمٚرده! همٚتأن زهله بوکودٚد!

فیلیپیان 1:20

می قلبی آروزو و اومید اَنه کی هیوخت می وظیفه‌یأنٚ انجأم دٚئنٚ رِه سٚربیجیر و خجألت بٚزِه نٚبم، بلکی همیشٚک تومأمٚ سختیأنٚ میأن شوجأعتٚ کأمیلٚ اَمرأ آمأده بئیسٚم کی دروأره‌یٚ مسیح گب بٚزٚنم، هطویم کی پیشترٚم اَطو بوکوده بوم؛ کی هنٚ وأسی، چی بیمیرٚم و چی بمأنٚم همیشٚک مسیح سربولندی‌یَ بأعیث ببم.

دوم تسالونیکیان 1:12

بأزون مردوم شیمی کأرأنَ فأندٚرده و اونی وأسی اَمی خوداوند، عیسایٚ مسیحٚ ایسمَ تعریف تمجید کونٚده؛ شومأنم اونی وأسی کی اونی شین ایسید، عیزت و ایحترأم یأفیدی. اَنَ بدأنید کی اَمی خودا و اَمی خوداوند عیسایٚ مسیحٚ لوطف و فیض، تومأمٚ اَ مرتبه‌یأنَ شِمِره فرأهم بوکوده.

دوم تسالونیکیان 3:1

اَی برأرأن، آخرپٚسی شیمی جَا خأهیش کونم کی اَمِرِه دوعأ بوکونید. اوّل دوعأ بوکونید کی خودا پیغأم، بودونٚ مأنع همٚتأ جأجیگأیأنٚ میأن کی وأگویا بِه، سریع پٚخشَ بٚه و مردوم اونی وأسی نیجأت بیأفٚد، هوطو کی بأعیثٚ شیمی نیجأتم بوبوسته.