اعمالٚ رسولأن 18:19 - Gilaki New Testament

¹⁹ وختی افسُسٚ بندرَ فأرٚسِه، پریسکیلا و آکیلایَ کشتی دورونی بدأشته و بوگو بشتأوٚ وأسی بوشؤ یوهودٚ کنیسه‌ میأن.

کیتاب مقدّس به گیلکی (رشتی)

¹⁹ وختی پولُس خو همسفرأن، پْریسکیلا و آکیلا اَمرأ به اَفِسُس فأرسه‌ییدی، اوشأنَ ترکَ کوده، خودش بوشو کنیسه میأن کی یهودیأنٚ اَمرأ گب بزنه.

کتاب مقدس به زبان گیلکی - گویش شرقی

¹⁹ وختی اَفِسُس شهر برسه، پولس خو همسفرؤنِ جی جدا بوبو و خودوش عبادتگاه بوشو بینا بوده یهودی أن أمره گب زئن.

کتاب مقدس به زبان گیلکی - گویش رشت و غرب گیلان

¹⁹ وقتی اِفِسُس شار فارسه ئید، پولُس خو همسفران جا سیوا بُبوست و خودِش عبادتگا بُشو و بنا بُکود یهودیان مرا بحث کودن.

اعمالٚ رسولأن 18:19 ပူးပေါင်းရင်းမြစ်များ

اعمالٚ رسولأن 18:20

یوهودیأن اونی جَا بٚخأستده چن روج اَشأنٚ ورجأ بئیسه، ولی پولس قوبیل نوکوده چونکی خأستی سٚرٚ وختٚ فأرٚسِه اورشلیمٚ میأن.

اعمالٚ رسولأن 18:21

اون بوگفته: «هرجوری بٚبه وأستی عَید روجٚ رِه اورشلیمٚ میأن بئیسٚم.» ولی قول بٚدأ کی اگه خودا بٚخأیٚه بأزون وأگرده افسُس. او وخت ایوأردِه کشتی میأن بینیشته و جٚه اویَه بوشؤ.

اعمالٚ رسولأن 18:24

او وخت، ایتأ یوهودی کی اسکندریه شین بو و اونی نأم اَپلس بو، فأرٚسِه افسسَ میأن. اون خٚیلی خُب گب زِئن دورون اوستأد بو و خٚیلی دقیق موقدس کیتأبأن دأنشَ دأنستی.

اعمالٚ رسولأن 18:4

پولس هرتأ شبّأت شؤیی کنیسه‌ و یوهودیأن و یونأنیأنٚ اَمرأ بوگو بشتأو کودی و حقٚ سعی زِئی کی اوشأنَ خو اَمرأ هم نظر چأکونه.

اعمالٚ رسولأن 19:1

هو زمأتٚ میأن کی اَپلس قرنتسٚ شهرٚ دورون ایسأبو، پولسٚم او سأمأنٚ شهرأنٚ دورون سٚفر کودی، تأ اَنکی فأرٚسِه افسُسٚ شهرٚ میأن و اویَه چنتأ ایمأندارٚ اَمرأ مولأقأت بوکود.

اعمالٚ رسولأن 19:17

اَ خٚوٚر تومأمٚ او افسُسٚ سرتأسرٚ بیپیچسته و همٚتأ یوهودیأن و یونأنیأنٚ گوش فأرٚسِه، او جوری کی همٚتأ بترسئیدی و جٚه اونٚ پٚسی عیسایٚ خوداوندٚ نأمَ ایحترأم نئهیدی.

اعمالٚ رسولأن 19:26

ولی هوطو کی دأنیدی و بیدِه و بشتأوستیدی، اَ پولس خٚیلیأنَ قأنع بوکوده کی اَ بُتأنٚ خودا نییٚده. جٚه اَ خأطر اَمی بأزأر کسأتَ بوسته! اَطو نییٚه کی فقد اَمأن افسُس میأن ضرر دینیمی، بلکی اَمی همکأرأن تومأمٚ آسیا سرتأسرٚ میأن ورشکستَ بٚدأ.

اعمالٚ رسولأن 19:28

وختی اوشأنی کی اویَه ایسأبود اَنَ بشتأوستٚده، غیظَ گیفته، ایجگره بٚزِده: «افسسیأنٚ آرتمیس پیلّه ایسه!»

اعمالٚ رسولأن 19:35

آخرپٚسی شهردأر بتأنسته اَشأنَ آرأمَ کونه و چن کلمه گب بٚزٚنه. شهردأر بوگفته: «اَی افسُسٚ مردوم، همٚتأن دأنیدی کی اَمی شهر افسُس، پیله آرتمیسٚ معبدَ حیفأظت کونه و اونی شمأیل جٚه آسمأن اَمِرِه زیمین رو بٚکفته.

اعمالٚ رسولأن 20:16

پولس اَیدٚفأرِه نخأستی افسُسٚ شهرٚ میأن گیر بوکونه، چونکی توندٚ تأکیدی دأشتی اگه بٚبه، پنتیکأستٚ عَیدٚ رِه اورشلیمٚ میأن بئیسه

اعمالٚ رسولأن 20:17

ولی وختی میلیتوسٚ میأن کشتی جَا بیجیر بأمؤییم، افسُسٚ کیلیسا ریش‌سیفیدأنٚ رِه پیغأم اوسه کوده کی بأیٚد کشتی میأن و اونَ بیدینٚد.

اعمالٚ رسولأن 21:29

چونکی هو روج صُب پولسَ اینفر تروفیموس نأمٚ اَمرأ بأزأرٚ میأن بیدِده کی یوهودی نوبو و افسُسٚ شین بو، گومأن بوکودٚد کی پولس اونَ معبدٚ میأن بأوٚرده.

اوّل قرنتیان 15:32

و اگه مورده‌یأن رِه قیأمت نٚمأنه، می جنگستن درنده جأنوٚرأنٚ اَمرأ ینی هو افسس شهرٚ مردومأن، چی بهره دأشتی؟ اگه قیأمت ننأ، «بأیید بوخوریم و وأخوریم، چونکی فردأ میریمی.»

اوّل قرنتیان 16:8

ولی تأ پنتیکأستٚ عَیدٚ وخت اَیَه ینی «اَفسس» میأن ایسٚم،

افسسیان 1:1

اَ نأمه جٚه پولس ایسه کی خودا خأسته اَمرأ عیسا مسیح روسول ایسه. اَ نأمه‌یَ شٚمٚره، خودا موقدسٚ قوم، افسس شهر میأن نیویسٚم کی اَمی خوداوند عیسا مسیحَ وفأدأریدی.

اوّل تیموتائوس 1:3

هوطو کی هو وخت کی مقدونیه شؤئؤندوبوم تی جَا بخأستٚم، بأزم تی جَا خأیم افسس میأن بئیسی و بعضیأنَ دستور بدی کی ایشتیوأ رأ روشٚ یأد ندٚد

دوم تیموتائوس 1:18

خوداوند، مسیح روجٚ وأگردٚستنٚ دورون اونَ رحمت بوکونه. تو خودت خٚیلی خُب دأنی کی اونی کأرأن افسسٚ میأن چنقذر موفید بو.

دوم تیموتائوس 4:12

تیخیکوس دِه اَیَه نئیسأ چونکی اونَ اوسه کودم بشه افسس.

موکأشفه 1:11

کی گفتی: «من الف و یا ایسٚم. من اوّل و آخرم. هرچی دینی، ایتأ نأمه دورون بینیویس و اونَ اوسه کون هفتأ کیلیسا رِه، ینی اَفِسُس، اِسمیرنا، پِرگاموم، تیاتیرا، ساردِس، فیلادِلفیه و لائودیکیه کیلیسایأنٚ رِه.»

موکأشفه 2:1

«اَ پیغأمَ اَفِسُسٚ کیلیسا فٚرٚشته رِه بینیویس: اونی کی هفتأ ستأره‌یَ خو رأستٚ دٚسٚ میأن دأره و هفتأ شمدأنٚ میأن کی طلأ جَا ایسه، دٚوأرٚستأندره، اَ پیغأمَ تِرِه دأره: