اعمالٚ رسولأن 17:20 - Gilaki New Testament

²⁰ چون او چیزأنی کی تو گی اَمِرِه تأزٚگی دأره و خأییمی ویشتر بشتأویم.»

کیتاب مقدّس به گیلکی (رشتی)

²⁰ تی گبأن اَمی گوشأنٚ‌ره غریبه‌یه. پس خوأییم بدأنیم اَ گبأن چی معنی دهه.»

کتاب مقدس به زبان گیلکی - گویش شرقی

²⁰ چونکه تی گبؤن اَمه گوشِ بِه عجیب غریب ایسه. پس خوائنیم اونه معنی‌یه بودوئنیم.»

کتاب مقدس به زبان گیلکی - گویش رشت و غرب گیلان

²⁰ چونکی تی گَبان اَمی گوش ره عجایب غرایبه. پس خوائیم بدانیم اونِ معنی چیسه.»

اعمالٚ رسولأن 17:20 ပူးပေါင်းရင်းမြစ်များ

مَرقُس 9:10

اوشأنٚم ایطأعت بوکودٚد، ولی بعضی وختأن اَ مأجیرأ وأسی کس‌کسٚ اَمرأ بوگو بشتأو کودید و فیکر کودیدی کی عیسا منظور جٚه «زٚنده بوستن» چی بو.

یوحنا 6:60

اَ گبأنٚ فأمٚستٚن اَندر سخت بو کی عیسا شأگردأنٚم کس‌کسٚ بوگفتٚده: «خٚیلی سخته کی بفأمیم چی خأیه بٚگه کی تأنه اونَ قوبیل بوکونه؟»

اعمالٚ رسولأن 10:17

پطرس گیجَ بوسته‌ بو، چونکی نه اَ رویأ مأنی‌یَ فأمستی و نه دأنستی چی وأبوکونه. هه زمأتٚ میأن، او سه‌تأ آدم کی کُرنیلیوس اوسه کوده‌ بو، خأنه‌یَ بیأفتده، و در ورجأ فأرٚسِه بود،

اعمالٚ رسولأن 17:19

پس اون او شهر تألأر میأن کی مردوم اویَه جمَ بوستید و ایتأ تپّه جؤر کی «آریوپاگوس» نأم دأشتی نٚهأ بو، دعوت بوکودید و بوگفتد: «بیأ و اَ تأزه مذهبٚ جَا ویشتر اَمِرِه گب بٚزٚن.

اعمالٚ رسولأن 17:21

تومأمٚ آتنٚ آدمأن و حتّا اوشأنی کی اویَه شین نوبود اَطو مأنستی کی اینگأر کأری نأشتٚد جغرز اَنکی کس‌کسٚ اَمرأ جمَ بد و تومأمٚ خوشأنٚ وختَ تأزه عقیده‌یأنٚ گب‌گب زِئن وأسی بٚنٚد.

اعمالٚ رسولأن 2:12

همٚتأن قأقَ بوسته کس‌کسٚ جَا وأورسِئید: «اَن دِه چوطو چی ایسه؟»

اوّل قرنتیان 1:18

من خٚیلی خُب دأنٚم کی اوشأنی رِه کی شٚده هلاکتٚ ور، وختی ایشتأوده کی عیسا مسیح خو جأنَ صلیبٚ سٚر فٚدأ بوکوده کی اینسأنَ نیجأت بٚبخشه چندر نأدأنأنٚ کأرأنٚ مأنستَن ایسه. ولی اَمِرِه کی نیجأتٚ رأ دورون پیش دٚکفیم، اَ پیغأم خودا قودرتَ نیشأن دِهه.

اوّل قرنتیان 1:23

ولی اَمی پیغأم اَن ایسه کی مسیح اینسأنٚ نیجأتٚ رِه صلیبٚ جؤر فأکشه بوبوسته و بٚمٚرده؛ و اَ پیغأم یوهودیأنٚ رِه ایهأنت ایسه و یونأنیأنٚ رِه پوچ و بی‌مأنی.

اوّل قرنتیان 2:14

ولی اینفر کی روحأنی نییٚه نتأنه خودا فیکرأن و رأزأنَ کی روح‌القدس اَمٚرَه آموجه، بفأمه و قوبیل بوکونه. اَ کأرأن اونی فیکرٚ دورون پوچ و بی‌مأنی ایسه، چونکی فقد اوشأنی کی روحأنی ایسٚد تأنٚده اونی منظورَ بفأمٚد؛ ولی البأقیأن نٚتأنٚده اَ مطلبأنَ بفأمٚد.

عبرأنیأن 5:11

دروأره‌یٚ اَ پیله کأهین، خٚیلی گب نٚهأ، ولی او گبأنٚ گفتن رأحت نییٚه، بوخصوص اَنکی شیمی روحأنی فأم کونْدٚ بوسته و شیمی گوشأن سینگینٚ بو!

۱پطرس 4:4

اَسه شیمی قدیمی ریفِقأن قأقَ بٚده کی چٚره اوشأنٚ اَمرأ هرزگی دونبأل نیشید؛ جٚه اَ خأطر شٚمٚره رخشنٚ گیرٚد.