اعمالٚ رسولأن 17:17 - Gilaki New Testament

¹⁷ پس هر روج یوهودیأن و اوشأنی کی یوهودی نوبودٚ اَمرأ کی خودایَ عیبأدت کودیدٚ گب گب زِئن وأسی، یوهود کنیسه‌ میأن شؤئی و بأزأرٚ میأن هرکی‌یَ دٚئی اونی اَمرأ گب زِئی.

کیتاب مقدّس به گیلکی (رشتی)

¹⁷ هَنٚ وأسی کنیسه میأن، یهودیأن و یونانیأنٚ خوداپرستٚ اَمرأ و هَطو هر روز شهرٚ میدانٚ دورون رهگذرأنٚ اَمرأ گب زه‌یی.

کتاب مقدس به زبان گیلکی - گویش شرقی

¹⁷ هینه وَسه، عبادتگاه دیرون یهودی أن و یونانی أن امره که خداپرست بوئن، و اوشونی أمره که هر روز بازار میئن شوئن أمن گودن بحث گود.

کتاب مقدس به زبان گیلکی - گویش رشت و غرب گیلان

¹⁷ جه اَرو، عبادتگا درون یهودیان و یونانیانی کی خُداپرست بید و اُ رادَواران اَمرا کی هر روج بازار درون شئون و آمون کودید، بحث کودی.

اعمالٚ رسولأن 17:17 ပူးပေါင်းရင်းမြစ်များ

مَرقُس 16:15

بأزین اوشأنَ بوگفته: «هَسأ وأستی بیشید دونیأ سٚر تأ سٚر شرأ اینجیلٚ پیغأمَ مردومٚ رِه فأرسأنید.

لوقا 12:3

اونچی‌یَ کی تأریکی میأن بوگفتید، روشنأیی میأن ایشتأوسته به و اونچی‌یَ کی در دٚوٚسته اوتأقأنٚ میأن زیر زیریکی گب بٚزِئید، پوشتٚ بأمأنٚ جؤر وأگویا بِه کی همٚتأن بشتأوٚد!

اعمالٚ رسولأن 10:2

اون و اونی خأنه آدمأن جٚه گونأ دؤر بود و خودایَ عیبأدت کودید. کُرنیلیوس همیشٚک دٚس و دیلوأزی اَمرأ یوهودٚ فِقِرأنَ یاور دٚئی، خودا حوضور دوعأ کودی.

اعمالٚ رسولأن 13:16

پولس خو جَا سٚر ویریشته و دٚسٚ اَمرأ ایشأره بوکوده کی سأکیتَ بد و بوگفته: «اَی ایسرأییلٚ مردأکأن، و اَی شومأن کی یوهودی نیئید و خودایَ پرستیدی، مٚرَه فأندرید.

اعمالٚ رسولأن 13:43

وختی مردوم مرخصَ بوستد، خٚیلی جٚه یوهودیأن و اوشأنی کی یوهودی نوبود و خودایَ پرستٚش کودید، پولس و برنابا دونبألسر بوشؤده. اَ دو نفر اَشأنٚ اَمرأ گب بٚزِده و اوشأنَ تِشویق بوکودٚد کی خودا فیض میأن قأیم بئیسٚد.

اعمالٚ رسولأن 13:50

او وخت یوهود قومٚ پیله‌ کسأن، دین بدأشته و موحترمٚ زنأکأن و شهر پیله‌ کسأنَ پولس و برنابا ضد اَنتیریک بوکودٚد، و ایتأ دسته جٚه مردوم اَمرأ اَشأنٚ رو فووُستٚد و اوشأنَ جٚه اویَه بیرونَ کودٚد.

اعمالٚ رسولأن 8:2

ولی چنتأ یوهودی کی خودایَ شنأختیدی جمَ بوستٚد و ایستیفأنٚ جنأزه‌یَ بیگیلَ کودٚد. اَشأن اَ ایتفأقٚ جَا خٚیلی غورصه بوخوردٚد.

اعمالٚ رسولأن 9:20

او وخت یوهودٚ کنیسه‌یأنٚ میأن بوشؤ و همه کسٚ رِه وأگویا بوکوده کی عیسا در حِئقت خودا پٚسره!

دوم تیموتائوس 3:2

چونکی مردومأن اَطو بوبوستده: خودخأه، پولدوس، هر کی فقد خؤرَه قوبیل دأره، مغرور، بد دٚهٚن، خو پئر و مأرٚ جَا فرمأن نٚبٚره و شوکرگوزأری نوکونه، هیچی‌یَ موقدس نأنِه.

دوم تیموتائوس 3:5

ظأهیرَ میأن آدمأنٚ بأخودا ایسٚده امّا اونٚ قودرتَ اینکأر کونٚده. اَجور آدمأنٚ اَمرأ کأری نوأدأشتن.