اعمالٚ رسولأن 17:1 - Gilaki New Testament

¹ اَشأن آمفیپولیس و آپولونیا شهرأنٚ جَا دٚوأرٚستٚده و فأرٚسِده تسالونیکی میأن. او شهرٚ میأن یوهودیأن ایتأ کنیسه‌ دأشتیدی.

کیتاب مقدّس به گیلکی (رشتی)

¹ پولُس و سیلاس، جٚه شهرأنٚ آمْفیپولیس و آپولونیا بوگوذشتیدی و به تَسالونیکی فأرسه‌ییدی کی یهودیأن اویه کنیسه دأشتیدی.

کتاب مقدس به زبان گیلکی - گویش شرقی

¹ پولُس و سیلاس آمفیپولیس و آپولونیا شهر جی بوگذشتن و بومَئن تِسالونیكی شهر، که اوره یهودی أن عبادتگاه دأشتَن.

کتاب مقدس به زبان گیلکی - گویش رشت و غرب گیلان

¹ پولُس و سیلاس آمْفیپولیس و آپولونیا شاران جا بُگُذشتید و تِسالونیکی شار فارسه ئید، کی اویا یهودیان، عبادتگا دَشتیدی.

اعمالٚ رسولأن 17:1 ပူးပေါင်းရင်းမြစ်များ

اعمالٚ رسولأن 14:1

قونیه شهر میأنم پولس و برنابا بوشؤده یوهودٚ کنیسه‌ میأن و جوری قودرت اَمرأ گب بٚزِده کی خٚیلی جٚه یوهودیأن و اوشأنی کی یوهودی نوبود ایمأن بأوٚردٚد.

اعمالٚ رسولأن 15:21

چونکی خٚیلی سأل ایسه کی شبّأت روجأن هرتأ شهر، کنیسه‌یأنٚ میأن اَ شریعتٚ موسا شین موعیظه به.»

اعمالٚ رسولأن 16:13

شبّأت روجٚ میأن، شهر جَا بوشؤییم بیرون و فأرٚسِییم روخأنٚ ورجأ، چونکی گومأن بوکودیم تأنیم اویَه دوعأ کودنٚ رِه ایتأ جأ بیأفیم. پس او زنأکأنٚ اَمرأ کی اویَه جمَ بوسته بود گب بٚزِییم.

اعمالٚ رسولأن 17:10

هو شب مسیحیأن پولس، سیلاسَ دفأتن اوسه کودٚد بیریه ور. او شهر دورونم همیشٚکٚ مأنستَن یوهودٚ کنیسه‌ دورون بوشؤده کی اینجیلٚ پیغأمَ وأگویا بوکوند.

اعمالٚ رسولأن 17:11

ولی بیریه مردوم جٚه تسالونیکی مردوم نجیبت‌تر بود و شوق و ذوق اَمرأ اوشأنٚ پیغأمَ ایشتأوستیدی و هر روج موقدس کیتأبأنَ دیقت اَمرأ خأندیدی کی بیدینٚد پولس و سیلاسٚ گبأن خودا گبأنٚ مأنستَن ایسه یا نه.

اعمالٚ رسولأن 17:13

ولی وختی تسالونیکی یوهودیأن وأخبدأرَ بوستد کی پولس بیریه دورون موعیظه کونه، اویه‌یٚم بوشؤده و شورش بوکودٚد.

اعمالٚ رسولأن 20:4

چن نفرم تأ آسیا اونی اَمرأ بوشؤده کی اوشأنی نأم سوپاترس کی بیریه شین بو، اَرِستَرخوس و سکندس کی تسالونیکی شین بود، گایوس کی دِربه شین بو، تیموتائوس، تیخیکوس و تروفیموس کی همٚتأن آسیا میأن خوشأنی شهرأنَ وأگردستأندوبود.

اعمالٚ رسولأن 27:2

اَمأن ایتأ کشتی میأن بینیشتیم کی آدرامیتیومٚ جَا بأمؤ بو و چنتأ بندر آسیا میأن وأستی لنگر تأوٚده. پس اَمی سٚفرَ دریأ میأن اونٚ اَمرأ شورو بوکودیم. آریستارخوسٚم، کی مقدونیه میأن تسالونیکی شهرٚ شین بو اَ سٚفرٚ میأن اَمی اَمرأ بأمؤ بو.

فیلیپیان 4:16

حتّا او وخت کی تسالونیکی شهرٚ دورون ایسأ بوم، دو وأر، می ایحتیأجأنٚ رفع بوستن رِه پول اوسِه کودیدی.

اوّل تسالونیکیان 1:1

اَ نأمه جٚه پولس، سیلاس و تیموتائوسٚ ور ایسه. اَی کیلیسای تسالونیکیان، اَ نأمه‌یَ شٚمٚره کی خودای پئر و خوداوند عیسایٚ مسیح شین ایسید، نیویسیم. خودا جَا شِمِره فیض و آرأمٚش خأییم.

اوّل تسالونیکیان 2:2

وأخب ایسید کی پیشتر جٚه اَنکی بأییم شیمی ورجأ، فیلیپی شهرٚ میأن اینجیلٚ پیغأمٚ وأگویا کودنٚ وأسی چنقذر اَمی اَمرأ نأجورٚ کأرأن بوکودٚده و چندر اَذِت آزأر و زحمت بیدِییم. اَطویی بو کی، تومأمٚ اَ توندٚ موخألفتأنٚ اَمرأ، خودا اَمٚرَه دیل و جورأت فأدأ کی شوجأعتٚ اَمرأ، اینجیلٚ پیغأمَ شٚمٚره فأرٚسأنیم.

دوم تسالونیکیان 1:1

اَ نأمه جٚه پولس، سیلاس و تیموتائوس ور ایسه. اَ نأمه‌یَ شٚمٚره نیویسیم، کیلیسای تسالونیکیان کی در اَمی پئر خودا و اَمی خوداوند عیسایٚ مسیح زٚندیگی کونیدی.

دوم تیموتائوس 4:10

چونکی دیماس مٚرَه ترکَ کوده؛ اون اَ دونیأ کأرأنٚ علأقه دأشتٚن و دیل دٚوٚستٚنٚ وأسی بوشؤ تسالونیکی. هطویم کریسکیس بوشؤ غلاطیه و تیتوس بوشؤ دلماتیه.