اعمالٚ رسولأن 16:26 - Gilaki New Testament

²⁶ نأخٚوٚرکی ایتأ زلزله بأمؤ! اونی شیدّت اَندر بو کی زندأنٚ سوتونأن بلرزسته و همٚتأ دٚرأن وأزَ بوستٚد و زینجیلأن زندأنیأنٚ دٚس و پأ جَا وأزَ بوستٚد!

کیتاب مقدّس به گیلکی (رشتی)

²⁶ کی ایدفعه‌یی، ایتأ پیله زیمین‌لرزه بمو. زندانٚ تومامٚ ساختمان به لرزه دکفته و او لحظه زندانٚ درأن وازَ بوسته و زنجیلأنم جٚه همه‌تأنٚ دس بیجیر بکفتیدی.

کتاب مقدس به زبان گیلکی - گویش شرقی

²⁶ که یدفاری یکته پیله زلزله بومَه، جوری که زندؤنِ پی أن لرزه دکته و زندؤن دَرؤن هو لحظه بازَبو و زندونیون زنجیرؤن همته بشکسن.

کتاب مقدس به زبان گیلکی - گویش رشت و غرب گیلان

²⁶ کی ناخبر ایتا پیله زلزله بامو، اُجور کی کل زندانِ پی بِلرزست و درجا تمانِ زندان دَران وازا بوست و زندانیانِ زنجیلان همتان بُورسُفتید.

اعمالٚ رسولأن 16:26 ပူးပေါင်းရင်းမြစ်များ

متّی 28:2

نأخٚوٚرکی ایتأ توندٚ زیمین لرزه بوبوسته، چونکی خوداوندٚ ایتأ جٚه فٚرٚشته‌یأن، آسمأنٚ جَا بأمؤ بیجیر، مقبٚره ور بوشؤ و سنگی کی اونه دهأنه سٚر نٚهأبو‌یَ گٚرأ دأ ایتأ کنأره و اونی سٚر بینیشت.

اعمالٚ رسولأن 12:10

بأزون اوّلی و دویُمی نیگهبأنأنٚ جَا دٚوأرٚستد کی فأرٚسِده زندأنٚ آهینی دروأزه‌یَ کی ایتأ کوچه ور وأزَ بوستی. اَ دٚرٚم خؤرَه خؤرَه وأزَ بوسته! پس، جٚه اویٚم رٚدَ بوستد کی فأرٚسِده کوچه آخر، و نأخٚوٚرکی فٚرٚشته اونَ بٚنأ بوشؤ.

اعمالٚ رسولأن 12:7

نأخٚوٚرکی زندأنٚ دورونی روشنَ بوسته و خوداوندٚ فٚرٚشته بأمؤ و پطرسٚ ورجأ بٚپأ بئیسأ! بأزون پطرسٚ تکَ بٚزِه و اونَ ویریزأنه و بوگفته: «زوتر ویریز!» هو وخت زینجیلأن اونی دٚسأنٚ جَا وأزَ بوسته و زیمین سٚر فووُسته!

اعمالٚ رسولأن 4:31

اَ دوعأ کودنٚ پٚسی، او خأنه کی اونٚ دورون ایسأبود بلرزسته و همٚتأن روح‌القدس جَا پورَ بوستد و خودا پیغأمَ یأرستنٚ اَمرأ مردومَ فأرٚسأنِد.

اعمالٚ رسولأن 5:19

ولی هو شب خوداوندٚ فٚرٚشته بأمؤ، زندأنٚ درأنَ وأکوده و اوشأنَ بیرون بأوٚرده و اَشأنَ بوگفته:

موکأشفه 11:13

هو وختٚ میأنی، ایتأ پیله زیمین لرزه ایتفأق دکفه کی ایتأ قیسمت جٚه ده‌تأ قیسمتٚ شهرٚ شینَ خأکٚ اَمرأ ایتأ کونِه و هفت هیزأر نفر بوکوشته بٚده. او وخت اوشأنی کی زٚنده بمأنستده، ترس جَا، آسمأنٚ خودایَ پرستٚش کونٚده.

موکأشفه 6:12

او وخت بٚرّه شیشومی مُهرَ وأکوده. نأخٚوٚرکی ایتأ پیله زلزله ایتفأق دکفته و خورشید ایتأ سیأ پارچه مأنستَن تأریک و سیأ بوبوسته و مهتأب، خونٚ رنگ بوبوسته.