اعمالٚ رسولأن 16:25 - Gilaki New Testament

²⁵ نیصفٚ شب رِه وختی پولس و سیلاس دوعأ و سورود خأندنَ موشغول بود و البأقییٚم ایشتأوستأندوبود،

کیتاب مقدّس به گیلکی (رشتی)

²⁵ نزدیکٚ نصفٚ شب بو کی پولُس و سیلاس دوعا کونان و سرود خوأنان خودایَ ستایش کودید و زندانیأنٚ دیگرم گوش دَئن دیبید،

کتاب مقدس به زبان گیلکی - گویش شرقی

²⁵ نصف شؤ، پولُس و سیلاس دعا کأدبون و سرود أمره خدا پرستش گودن و بقیه زندؤنی أنم ایشؤنِ گوش دئن

کتاب مقدس به زبان گیلکی - گویش رشت و غرب گیلان

²⁵ نصف شب، پولُس و سیلاس دُعا کودن دیبید و سرود اَمرا خُدایَ پرستش کودیدی و بقیه زندانیانَم اَشانَ گوش دَئیدی

اعمالٚ رسولأن 16:25 ပူးပေါင်းရင်းမြစ်များ

لوقا 22:44

پس اون قأیم‌تر دوعأ کودنَ ایدأمه بٚدأ و روحٚ جَا دٚکٚش فأکش کودنٚ وأسی خٚیلی رنج و عذأبٚ میأن دوبو کی اونی عرق، خونٚ مأنستَن توکّه توکّه زیمین سٚر فووُستی.

اعمالٚ رسولأن 15:22

پس روسولأن و کیلیسا ریش سیفیدأن تومأمٚ کیلیسا آدمأنٚ اَمرأ تصمیم بیگیفتٚد دو نفرَ پولس و برنابا اَمرأ اوسه کونٚد انطأکیه کی اَ شورأ تصمیمَ اَشأنٚ رِه وأگویا بوکوند. اَ دو نفر ایتأ یوهودأ کی برسابا لقب دأشتی و اویتأ سیلاس. اَشأن هر دوتأن جٚه کیلیسا موهیمٚ آدمأن بود.

اعمالٚ رسولأن 16:19

وختی اونی اربأبأن بیدِده کی اَ کأرٚ اَمرأ اَشأنی درآمد دٚوٚسته بوبوسته، پولس و سیلاسَ بیگیفتٚده و فأکش فأکش ببردٚد محکمه‌یَ کی شهرٚ میدأنٚ میأن نٚهأ بو.

اعمالٚ رسولأن 16:33

اونم دفأتن اَشأنٚ زخمأنَ بوشؤسته و بأزون خو خأنه آدمأنٚ اَمرأ تعمید بیگیفته.

اعمالٚ رسولأن 5:41

روسولأن جٚه اویَه بیرون بأمؤده و خوشأل بود کی خودا اَشأنَ لأیٚق بدأنسته کی اونی نأمٚ وأسی رنج بٚکشد و بی‌حورمتی بیدینٚد.

رومیأن 12:12

او اومیدٚ دورون کی دأریدی شأد بیبید، سختیأنٚ میأن صبر بٚدأرید و همیشٚک دوعأ بوکونید.

رومیأن 5:3

ولی نه فقد هنٚ وأسی خوشألیم، بلکی وختی زٚندیگی موشکلأن و روزگأرٚ سختیأنٚم دینیم، وأزم خوشألیم چونکی دأنیم اَ سختیأن اَمی خیر و صلاح شین ایسه چونکی اَمٚرَه آموجٚده کی صبر و تحمول بٚدأریم.

دوم قرنتیان 6:10

دیل بٚشکفته‌ ایسیم، ولی هطویم جٚه خوداوندٚ خوشألی پور ایسیم. فِقِریم، ولی خٚیلیأنَ روحأنی گنجأنٚ اَمرأ ثروتمند چأکونیمی. هیچی صأب نیئیم، ولی همٚچی دأریم.

افسسیان 5:19

کس‌کسٚ اَمرأ، روحأنی شعر و آوأزأن و مزامیرٚ اَمرأ بوگو بشتأو بوکونید و شیمی دیلٚ دورونی خودا رِه آهنگ چأکونید و بخأنید

فیلیپیان 2:17

ولی حتّا اگه می جأن ایتأ فووُستنی پیشکشٚ مأنستَن، شیمی قوربأنی و خیدمتٚ سٚر کی جٚه شیمی ایمأن ایسه فٚوٚه، خوشألَ بٚم و شیمی همٚتأنٚ اَمرأ شأدی کونم.

کولسیان 1:24

اَسه کی شیمی وأسی او رنجَ تحمول کونم، مِرِه دیلخوشیه و من می جأنٚ دورون، او رنجأنَ کی مسیحٚ خیدمت کودنٚ رِه لأزیم ایسه، اونٚ جأنٚ وأسی ینی کیلیسا رِه کأمیلَ کونم.

عبرأنیأن 5:7

اَنٚ اَمرأ اَسه، مسیح او زمأتی کی اَ دونیأ دورون زٚندیگی کودی، آرسو و آه و ایتأ جولفٚ غورصه اَمرأ، خودا درگأ دوعأ و مینّت کودی کی اونَ مٚردنٚ قودرتٚ جَا نیجأت بٚبخشه. خودایٚم اونی دوعأیَ، اونی کأمیلٚ فرمأن بردنٚ وأسی قوبیل بوکوده و انجأم بٚدأ.

یعقوب 1:2

جأنٚ دیلٚ برأرأن و خأخورأن، وختی دوشوأریأن و سخت ایمتٚحأنأن جٚه هر ور شٚمٚره فوتورکٚده، خٚیلی شأد بیبید،

یعقوب 5:13

شیمی میأن اگه اینفر درد و رنجٚ میأن ایسأ، دوعأ بوکونه. اوشأنی کی خوشألده، خوداوند وأسی شوکرگوزأری آوأزأنَ بٚخأند.

۱پطرس 4:14

خوشأل بیبید، اگه جٚه اَ خأطر کی مسیحی ایسید شٚمٚره فأش بٚدٚد و نیفرین بوکونٚد، چونکی خودا پورجلالٚ روحٚ گرمأیَ حس کونیدی کی تومأمٚ شیمی جأنٚ پورَ کونِه.