اعمالٚ رسولأن 16:22 - Gilaki New Testament

²² ایتأ عیده جٚه شهرٚ مردومٚم اوشأنی اَمرأ شیریک بوبوستٚد. محکمه میأن پولس و سیلاسٚ رختأنَ بکندٚد و اَشأنَ خٚیلی بٚزٚن بیگیر بوکودٚد.

کیتاب مقدّس به گیلکی (رشتی)

²² مردومم، اوشأنٚ اَمرأ همدس بوبوستیدی. قاضیأنم فرمان بدَه‌ییدی کی اوشأنٚ لیباسأنَ بکنید و پولُس و سیلاسَ چوبٚ اَمرأ بزنید.

کتاب مقدس به زبان گیلکی - گویش شرقی

²² مردم پولس و سیلاس سر بکتن و اوشون أمره همدست بوبوئن. قاضی أنم دستور بدَئن که اوشون رختؤنِ بَكنن و چوب بزنَن.

کتاب مقدس به زبان گیلکی - گویش رشت و غرب گیلان

²² جماعت پولُس و سیلاس سر فُتورکستید و اوشان اَمرا همدس بُبوستید. قاضیانم دستور بدَه ئید کی اَشانَ لُختَ کونید و چوب بِزَنید.

اعمالٚ رسولأن 16:22 ပူးပေါင်းရင်းမြစ်များ

متّی 10:17

ولی شیمی حواس بمأنه، چونکی مردوم شٚمٚره گیرده، حأکیمَ ایسپأرده، و کنیسه‌یأنٚ دورون شلأق زٚنده.

متّی 27:26

بأزین پیلأتُس، باراباسَ اَشأنٚ رِه آزأدَه کود و دستور بٚدأ عیسایَ شلأق زِئن پٚسی، ببرد و به صلیب فأکٚشٚد.

لوقا 12:11

«هو زمأت کی شٚمٚره موحأکمه کودنٚ وأسی، یوهودٚ کنیسه‌یأنٚ میأن و پیله کسأن و حأکیمأنٚ ورجأ ببرد، نیگرأن نیبید کی شیمی دفأع وأسی چی بیگید.

اعمالٚ رسولأن 16:37

ولی پولس جوأب بٚدأ: «اَمٚرَه مردوم چومأنٚ ورجأ بٚزٚن بیگیر بوکودٚد و بودونٚ اَنکی موحأکمه بوکوند زندأن تأوٚدأده و هسأ گده زیرزیریکأ بیشیم بیرون! هیوخت! چونکی اَمأن رومٚ شین ایسیم، محکمه آدمأن خوشأنی پأ اَمرأ وأستی بأیٚد و اَمی جَا معذرت بخأیٚد!»

اعمالٚ رسولأن 17:5

ولی یوهود پیله‌ کسأن حسودی بوکودٚد و ایتأ عیده جٚه ارأذل و اوبأشَ جٚه کوچه بأزأر جمَ کودٚد و شورش رأ تأوٚدأده. بأزون، یاسونٚ خأنه‌یَ فوتورکستده کی پولس و سیلاسَ بیگیرٚد و موجأزأتٚ رِه محکمه دٚس بیسپأرٚد.

اعمالٚ رسولأن 18:12

ولی وختی گالیون، اَخائیه اوستأنٚ فرمأنروأ بوبوسته، یوهودیأن کس‌کسٚ اَمرأ پولس ضد ویریشتٚده و اونَ موحأکمه وأسی ببردٚد فرمأنروأ ورجأ.

اعمالٚ رسولأن 5:40

شورأ آدمأن اونی اَندرزَ قوبیل بوکودٚد، و روسولأنَ بأوٚردٚد، شلّاق بٚزِ‌ده و بوگفتٚده: کی عیسا جَا دِه هیذره هیکسٚ اَمرأ گب نٚزٚند. بأزون اَشأنَ آزأدَ کودٚد.

دوم قرنتیان 6:5

شلأق بوخوردیم؛ زندأن دٚکفتیم؛ مردوم اَمٚرَه، غیظ اَمرأ فوتورکستٚد؛ ویشتر جٚه اَنکی جأن بٚدأریم کأر بوکودیم؛ بی‌خوأبی و ویشتأیی بٚکشِییم.

اوّل تسالونیکیان 2:2

وأخب ایسید کی پیشتر جٚه اَنکی بأییم شیمی ورجأ، فیلیپی شهرٚ میأن اینجیلٚ پیغأمٚ وأگویا کودنٚ وأسی چنقذر اَمی اَمرأ نأجورٚ کأرأن بوکودٚده و چندر اَذِت آزأر و زحمت بیدِییم. اَطویی بو کی، تومأمٚ اَ توندٚ موخألفتأنٚ اَمرأ، خودا اَمٚرَه دیل و جورأت فأدأ کی شوجأعتٚ اَمرأ، اینجیلٚ پیغأمَ شٚمٚره فأرٚسأنیم.

عبرأنیأن 11:36

بعضیأن شلأق بوخوردٚد، رخشنَ گیفته بوبوستٚد؛ بعضیتأن دِه تأریکٚ خوله‌یأنٚ میأن زینجیلٚ اَمرأ دٚوٚسته بوبوستٚده.

۱پطرس 2:24

اون صلیب رو، اَمی گونأیأنٚ بأرَ به چأنٚ گیفته تأ اَمأن بتأنیم گونأیأنٚ پٚنجه جَا جیویزیم و زٚندیگی‌یَ پأکی بٚدأریم. هونی کی اونی زخمأنٚ جَا شفأ بیأفتید.