اعمالٚ رسولأن 16:20 - Gilaki New Testament

²⁰ اوشأن شهرٚ پیله‌ کسأنٚ ورجأ فریأد زئیدی: «اَ یوهودیأن، اَمی شهرَ آشوب تأوٚدأده.

کیتاب مقدّس به گیلکی (رشتی)

²⁰ بأزین اوشأنَ قاضیأنٚ ورجأ بأوردیدی و بوگفتید: «اَ مردأکأن یهودی ایسید و اَمی شهرَ به آشوب فأکشه‌یید.

کتاب مقدس به زبان گیلکی - گویش شرقی

²⁰ هو وخت ایشؤنِ قاضی أن ورجه بأردَن و بوتَن: «ایی مَردأكؤن یهودی‌أن و اَمه شهرِ میئن آشوب تؤئدادرَن.

کتاب مقدس به زبان گیلکی - گویش رشت و غرب گیلان

²⁰ وقتی اَشانَ قاضیان ورجه باوردید، بگفتید: «اَ مرداکان یهودی ئید و اَمی شارَ به آشوب فاکشه ئید.

اعمالٚ رسولأن 16:20 ပူးပေါင်းရင်းမြစ်များ

متّی 2:3

هطو کی اَ خٚوٚر هیرودیسٚ پأدیشأ گوشَ فأرٚسِه، اون و تومأمٚ اورشلیمٚ آدمأن، اونی اَمرأ پریشأنَ بوستٚد.

اعمالٚ رسولأن 16:19

وختی اونی اربأبأن بیدِده کی اَ کأرٚ اَمرأ اَشأنی درآمد دٚوٚسته بوبوسته، پولس و سیلاسَ بیگیفتٚده و فأکش فأکش ببردٚد محکمه‌یَ کی شهرٚ میدأنٚ میأن نٚهأ بو.

اعمالٚ رسولأن 16:21

او رسمأنی‌یَ آموجٚده کی اَمی رومٚ قأنونأنٚ اَمرأ ایتأ نییٚه.»

اعمالٚ رسولأن 18:2

او شهر میأن ایتأ یوهودی مردأکٚ اَمرأ کی پونتوسٚ شین بو و آکیلا نأم دأشتی آشینأ بوبوسته. اون خو زنأکٚ اَمرأ کی اونی نأم پریسکیلا بو تأزٚگی ایتالیا جَا بأمؤ بو قرنتس میأن، چونکی کلودیوسٚ قیصر همٚتأ یوهودیأنَ روم جَا بیرونَ کوده بو.

اعمالٚ رسولأن 19:34

ولی وختی بفأمستده کی یوهودی ایسه، صدایَ بوجؤرتر ببردٚد: «افسسیانٚ آرتمیس پیلّه ایسه!» اَ سٚر و صدا تأ دو سأعت درأزه بٚدأ.

اعمالٚ رسولأن 28:22

ولی خأییمی تی جَا بشتأویم کی چی ایمأنی دأری، چونکی تنأ اونچی‌یَ کی مسیحیأنٚ جَا دأنیمی اَنٚ کی هرتأ جیگأ جٚه اوشأنٚ بد گده.»

رومیأن 12:2

دونیأ مردومٚ کردکأر و زٚندیگی رأ روشَ دونبألَ نوکونید، بلکی وئألید خودا شیمی فیکرأن و اوجور کی فیکر کونیدی‌یَ عوضَ کونٚه کی ایتأ تأزه اینسأنَ تبدیلَ بید. هو وخت تأنیدی خودا ایرأده‌یَ بفأمید، اونچی‌یَ کی خُب و کأمیل و اونی پسند ایسه، بیأفید.

یعقوب 4:4

اَی زٚنأکأر آدمأن، آیا مولتفت نیئید کی دونیأیٚ دوس دأشتٚن، خودا اَمرأ دوشمنی کودنٚ مأنی‌یَ دِهه؟ پس هرکی بٚخأیٚه دونیأ اَمرأ ریفِق بٚبه، حتم خودا اَمرأ دوشمن به.