اعمالٚ رسولأن 15:39 - Gilaki New Testament

³⁹ اَشأنٚ ایختلأف اَ مأجیرأ وأسی اَندر بوجؤر بیگیفت کی کس‌کسٚ جَا سیوأ بوبوستٚد. برنابا، مرقسَ اوسأده و کشتی اَمرأ بوشؤ قبرس؛

کیتاب مقدّس به گیلکی (رشتی)

³⁹ اختلافٚ سختی اوشأنٚ میأن دکفته، کی جٚه یکدیگر سیوأ بوبوستیدی. برنابا، مَرقُسَ اوسأده و جٚه رایٚ دریا بوشو قبرس؛

کتاب مقدس به زبان گیلکی - گویش شرقی

³⁹ بَرنابا و پولُس میئن اختلاف اَنی زیادَ بو که همدیگرای سیوا بوبوئن. بَرنابا مَرْقُسِ ویته و دریا راهَ جی قبرس بوشو؛

کتاب مقدس به زبان گیلکی - گویش رشت و غرب گیلان

³⁹ بَرنابا و پولُس میان اَنقَد اختلاف زیادَ بوست کی همدیگر جا سیوا بُبوستید. بَرنابا، مَرقُسَ اوساد و دریا راه جا قبرس سمت بُشو؛

اعمالٚ رسولأن 15:39 ပူးပေါင်းရင်းမြစ်များ

اعمالٚ رسولأن 11:20

ولی چنتأ جٚه ایمأندأرأن کی قبرس و قیروان شین بود وختی انطأکیه‌یَ فأرٚسِد، یونأنیأنٚ اَمرأیم عیسای خوداوندٚ جَا گب بٚزِد.

اعمالٚ رسولأن 12:12

او وخت، ایپچه بئیسأ، بوشؤ مریم خأنه یوحنا مأر کی مرقس لقب دأشتی. اویَه خٚیلیأن دوعأ کودنٚ وأسی جمَ بوسته‌ بود.

اعمالٚ رسولأن 15:2

پولس و برنابا اَنٚ وأسی خٚیلی اَشأنٚ اَمرأ بوگو موگو و موخألفت بوکودٚد، تأ آخرپٚسی قرأر بوبوسته انطأکیه مسیحیأن، چن نفرَ جٚه خوشأنی میأنی پولس و برنابا اَمرأ اوسه کونٚد اورشلیمٚ میأن کی اویَه روسولأن و کیلیسا پیله کسأنٚ ایعتقادَ بدأنٚد.

اعمالٚ رسولأن 15:37

برنابا قوبیل بوکوده و بٚخأسته یوحنا کی مرقس لقب دأشتی‌یٚم خوشأنی اَمرأ ببرد.

اعمالٚ رسولأن 27:4

جٚه اویَه ایوأردِه دریأ رأیَ پیش بیگیفتیم ولی جوری توندٚ بأد جٚه روبرو اَمؤیی کی کشتی رأ جَا بٚدٚرَ بوسته. پس وأدأر بوبوستیم قبرسٚ شومألٚ جَا دٚوأریم کی بأد پنأ بو.

اعمالٚ رسولأن 4:36

مثألٚ رِه، اینفر یوسف نأم کی لاوی طأیفه و قبرسٚ شین بو کی روسولأن اونَ برنابا ینی «مُشوّق» لقب بٚدأ بود.

اعمالٚ رسولأن 6:1

ایمأندأرأنٚ جِمئیت زیأدَ بوستنٚ اَمرأ، اَشأنٚ میأن گله شیکأیت بیرون بأمؤ. اوشأنی کی یونأنی زوأن بود، گله بوکودٚد کی اَشأنٚ ویوه زنأکأنٚ میأن و عِبری زٚوأنأنٚ ویوه زنأکأنٚ میأن، فرق نٚهٚده و اَشأنَ، اوشأنٚ اَندر خوردنی فأندٚد.

کولسیان 4:10

اَرِستَرخوس کی می اَمرأ زندأنٚ دورون ایسأ و مرقس، برنابا عمو پٚسر، شٚمٚره سلأم دأرٚده. هوطویی کی پیشتر هم سفأرش بوکودم هر زمأت کی مرقس شیمی ورجأ بأمؤ، اونی جَا خُب پذیرأیی بوکونید.

یعقوب 3:2

معلومٚه کی اَمأن همٚتأن، خٚیلی لغزش خوردنٚ گریفتأرَ بیمی. ولی اونی کی گب زِئنٚ دورون نٚلغزه، اون ایتأ کأمیلٚ آدمٚ و تأنه تومأمٚ خو وجودٚ موسلط بٚبه. اگه اینفر بتأنه خو زٚوأنٚ بٚدأره، قودرت دأره همه چی دورونم خؤرَه موسلط بٚبه.

۱پطرس 5:13

شیمی خأخور کی شیمی مأنستَن خودا اینتخأب بوبوسته و بابِلٚ دورونی ایسأ و می پٚسر مرقس شٚمٚره سلأم رٚسأنده.