اعمالٚ رسولأن 15:22 - Gilaki New Testament

²² پس روسولأن و کیلیسا ریش سیفیدأن تومأمٚ کیلیسا آدمأنٚ اَمرأ تصمیم بیگیفتٚد دو نفرَ پولس و برنابا اَمرأ اوسه کونٚد انطأکیه کی اَ شورأ تصمیمَ اَشأنٚ رِه وأگویا بوکوند. اَ دو نفر ایتأ یوهودأ کی برسابا لقب دأشتی و اویتأ سیلاس. اَشأن هر دوتأن جٚه کیلیسا موهیمٚ آدمأن بود.

کیتاب مقدّس به گیلکی (رشتی)

²² بأزین رسولأن و مشایخ، تومامٚ کلیسا اعضا اَمرأ تصمیم بیگیفتیدی کی جٚه خوشأنٚ میأن مردأکأنی‌یَ اینتخاب بوکونید کی پولُس و برنابا اَمرأ اوسه کونید اَنطاکیه. سیلاس و یهودایَ کی بَرسابا نام دأشتی اینتخاب بوکودیدی کی ایماندارأنٚ میأنی رهبر بید.

کتاب مقدس به زبان گیلکی - گویش شرقی

²² پس رسولؤن و شیخؤن تموم كلیسا أمره تصمیم بیتَن خوشؤن میئنای مرداکؤنی انتخاب بکونَن و اوشونِ پولُس و بَرنابا أمره اَنطاكیه شهر سرادِئن. پس یهودای معروف به بَرسابا و سیلاسِ که برارونِ میئن رهبر بو، انتخاب بودَن.

کتاب مقدس به زبان گیلکی - گویش رشت و غرب گیلان

²² پس رسولان و ریش سیفیدان تمان کلیسا اَمرا تصمیم بگیفتید کی خوشان میان، مَرداکانی انتخاب بُکونید و اوشانَ پولُس و بَرنابا اَمرا اَنطاکیه شار روانه کونید. پس یهودا شناس به بَرسابا و سیلاسَ کی براران میان رهبر بو، انتخاب بُکودید.

اعمالٚ رسولأن 15:22 ပူးပေါင်းရင်းမြစ်များ

اعمالٚ رسولأن 1:23

اوشأنی کی اویَه ایسأبود دو نفرَ نأم ببردٚد، ایتأ «یوسف برسابا» کی اونَ یوستوسم گفتیدی، و اویتأ «متیاس».

اعمالٚ رسولأن 11:19

ایستیفانٚ کوشتٚنٚ پٚسی، وختی بینأ بوکودٚد ایماندأرأنٚ شکنجه و اَذِت آزأر کودن، اوشأنی کی اورشلیمٚ جَا بوگروخته بود، پیش دکفتٚده فینیقیه و قبرس و انطأکیه ور و اینجیلٚ پیغأمَ فقد یوهودیأنَ فأرٚسأنِد.

اعمالٚ رسولأن 11:20

ولی چنتأ جٚه ایمأندأرأن کی قبرس و قیروان شین بود وختی انطأکیه‌یَ فأرٚسِد، یونأنیأنٚ اَمرأیم عیسای خوداوندٚ جَا گب بٚزِد.

اعمالٚ رسولأن 11:22

وختی اَ خٚوٚر اورشلیمٚ کیلیسا ایماندأرأنٚ گوش فأرٚسِه، برنابایَ کی قبرسٚ شین بو، اوسه کودٚد انطأکیه کی تأزه ایمأندأرأنَ یاور فأرٚسأنه.

اعمالٚ رسولأن 11:27

اَ زمأتٚ میأن، چنتأ نبی اورشلیمٚ جَا بأمؤده انطأکیه میأن.

اعمالٚ رسولأن 15:23

اَ نأمه بینیویشته کی خوشأنی اَمرأ ببردٚد اَن بو: «اَمأن روسولأن، ریش سیفیدأن و برأرأن کی اورشلیمٚ شین ایسیم، شومأ برأرأنَ کی انطأکیه، سوریه و قیلیقیه شین ایسید و یوهودی نیئیدَ سلأم رسأنیم.

اعمالٚ رسولأن 15:25

پس، اَمأن تصمیم بیگیفتیم جٚه اَمی ور اَ دوتأ نمأینده‌یَ اَمی جأن دیلأن پولس و برنابا اَمرأ شیمی ورجأ اوسه کونیم،

اعمالٚ رسولأن 15:27

پس اَمأن یهودا و سیلاسَ اوسه کونیم کی شٚمٚره بٚگد کی اَمی فیکر دروأره‌یٚ شیمی موشکیل چیسه.

اعمالٚ رسولأن 15:3

پس اَشأن کیلیسا بدرقه اَمرأ، رأ دکفتد اورشلیم ور و خوشأنی رأ سٚر، فینیقیه و سأمره شهرأنٚ میأنم مسیحیأنَ سٚربٚزِده و اَ خورومٚ خٚوٚرَ بٚدأده کی اوشأنی کی یوهودییٚم نوبود مسیحَ ایمأن بأوٚردٚد؛ و همٚتأن اَ خٚوٚرٚ ایشتأوٚستٚنٚ وأسی خوشألَ بوستد.

اعمالٚ رسولأن 15:30

اَ چأر نفر دفأتن بوشؤده انطأکیه و تومأمٚ مسیحیأنَ جمَ کودٚد و اَ نأمه‌یَ اَشأنَ فأدأد.

اعمالٚ رسولأن 15:32

بأزون، یوهودأ و سیلاس کی هر دوتأن پیغمبر بود، خٚیلی گبأنٚ اَمرأ ایمأندأرأنَ تِشویق و تقویت بوکودٚد.

اعمالٚ رسولأن 15:40

ولی پولس، سیلاسَ اینتخأب بوکوده و برأرأنٚ دوعأ اَمرأ خودا فیضَ بیسپأرده بوبوسته، بوشؤ سٚفر.

اعمالٚ رسولأن 16:19

وختی اونی اربأبأن بیدِده کی اَ کأرٚ اَمرأ اَشأنی درآمد دٚوٚسته بوبوسته، پولس و سیلاسَ بیگیفتٚده و فأکش فأکش ببردٚد محکمه‌یَ کی شهرٚ میدأنٚ میأن نٚهأ بو.

اعمالٚ رسولأن 16:25

نیصفٚ شب رِه وختی پولس و سیلاس دوعأ و سورود خأندنَ موشغول بود و البأقییٚم ایشتأوستأندوبود،

اعمالٚ رسولأن 16:29

زندأنٚبأن بٚخأسته کی ایتأ چرأغ اونی رِه بأوٚرٚد و پریشأن بودووٚسته زندأنٚ دورون و هوطو کی پرکستی پولس و سیلاسٚ پأ جیر بٚکفته.

اعمالٚ رسولأن 17:10

هو شب مسیحیأن پولس، سیلاسَ دفأتن اوسه کودٚد بیریه ور. او شهر دورونم همیشٚکٚ مأنستَن یوهودٚ کنیسه‌ دورون بوشؤده کی اینجیلٚ پیغأمَ وأگویا بوکوند.

اعمالٚ رسولأن 17:14

مسیحیأن دفأتن پولسَ دریأ کنأرٚ ور اوسه کودٚد، ولی سیلاس و تیموتائوس هویه بئیسأده.

اعمالٚ رسولأن 17:4

ایتأ عیده جٚه اوشأنی کی اَ گبأنَ بشتأوستٚده، ای عیده جٚه یونأنی مردأکأنٚ اَمرأ کی خودایَ عیبأدت کودیدی و خٚیلی جٚه شهر زنأکأن کی سٚرشنأس بود قوبیل بوکودٚد کی ایمأن بأوٚرٚد.

اعمالٚ رسولأن 18:5

بأزون کی سیلاس و تیموتائوس جٚه مقدونیه فأرٚسِده، پولس تومأمٚ خو وختَ بٚنأ موعیظه کودنٚ رِه و یوهودیأنٚ رِه دلیل اَوٚردی کی عیسا هو مسیح ایسه.

اعمالٚ رسولأن 8:14

وختی روسولأن اورشلیمٚ میأن بشتأوستٚده کی سأمره مردوم خودا پیغأمَ قوبیل بوکودٚد، پطرس و یوحنایَ اوسه کودٚد اویَه.

دوم قرنتیان 1:19

چونکی خودا پٚسر، عیسا مسیح، اونی نییٚه کی وختی گه «بله»، اونی منظور «نه» بٚبه، بلکی همیشٚک هر چی گه، هونَ انجأم دِهه؛ و اَمی پیغأم و موعیظه ینی من و سیلاس و تیموتائوس، دروأره‌یٚ اَجور آدم بو.

اوّل تسالونیکیان 1:1

اَ نأمه جٚه پولس، سیلاس و تیموتائوسٚ ور ایسه. اَی کیلیسای تسالونیکیان، اَ نأمه‌یَ شٚمٚره کی خودای پئر و خوداوند عیسایٚ مسیح شین ایسید، نیویسیم. خودا جَا شِمِره فیض و آرأمٚش خأییم.

دوم تسالونیکیان 1:1

اَ نأمه جٚه پولس، سیلاس و تیموتائوس ور ایسه. اَ نأمه‌یَ شٚمٚره نیویسیم، کیلیسای تسالونیکیان کی در اَمی پئر خودا و اَمی خوداوند عیسایٚ مسیح زٚندیگی کونیدی.

۱پطرس 5:12

اَ کوتأ نأمه‌یَ سیلاسٚ کومکٚ اَمرأ بینیویشتم. می نظرَ بٚخأیید، اون ایتأ برأرٚ قأبیل ایعتمأدی ایسه. اومید دأرم کی اَ نأمه اَمرأ بأعیثٚ شیمی تِشویق بوبوسته بیم، چونکی اَن او رأس‌رأسِی خودا فیض ایسه کی شٚمٚره نیشأن بٚدأم. اونچی بینیویشتم، شٚمٚره کومک کونه تأ در خودا فیض قأیم بئیسید.