اعمالٚ رسولأن 12:20 - Gilaki New Testament

²⁰ او زمأت کی هیرودیس قیصریه میأن ایسأبو، ایتأ دسته جٚه صور و صیدونٚ موبأشرأن اونی دِئنٚ رِه بأمؤد. هیرودیس اَ دوتأ شهرٚ آدمأن جَا ایتأ جولفٚ کینه دأشتی. پس اَشأن اونی قصرٚ وزیر، بلاستوسٚ حمایتَ فأگیفتد و هیرودیسٚ جَا بٚخأستٚد کی صولح بوکونٚد، چونکی اونی سرزیمینٚ اَمرأ بیهین بوفروش کودن، اوشأنی شهرأنٚ اقتصأدٚ رِه خُب بو.

کیتاب مقدّس به گیلکی (رشتی)

²⁰ هیرودیس مردومٚ صور و صیدونٚ کینه‌یَ به دیل دأشتی. هَنٚ وأسی مردومأنٚ او دوتأ شهر همدیلی اَمرأ بوشوییدی هیرودیسٚ پیشکارٚ ورجأ کی «بْلاستوس» نام دأشتی. اونَ خوشأنٚ اَمرأ همرأه بوکودیدی کی پادشا اَمرأ آشتی بوکونید، چونکی اَ شهرأنٚ آذوقه هیرودیسٚ سرزیمینٚ جأ فراهمَ بوستی.

کتاب مقدس به زبان گیلکی - گویش شرقی

²⁰ هیرودیس صور و صیدونِ شهرؤنِ مردومِ سر غیظ بوده بو. هینه وَسه او دوته شهرِ مردوم، همدیگر أمره اونه ورجه بوشوئن و ایجازه بخواستن تا هیرودیسِ بینَن. اوشؤن بْلاستوس، پادشاه خدمتکارِ راضی بودَن تا پادشاه أمره آشتی بکونن، چون اوشونِ غذا و مایحتاج، هیرودیس مملکتای تهیه بو.

کتاب مقدس به زبان گیلکی - گویش رشت و غرب گیلان

²⁰ هیرودیس صور و صیدونِ شارانِ مردومانِ سر غیظ بُکوده بو. جه اَ رو اُ دوتا شارِ مردوم همدیگر اَمرا اونِ ورجه بُشوئید و اجازه بخواستید تا هیرودیسَ بیدینید. اوشان بْلاستوس، پادشاه خیدمتکارَ راضی بُکودید تا هیرودیس اَمرا آشتی بُکونید، چونکی اوشانِ غذا و مایحتاج، هیرودیسِ مملکت جا فراهم بوستی.

اعمالٚ رسولأن 12:20 ပူးပေါင်းရင်းမြစ်များ

لوقا 16:8

او پولدأرٚ مردأی، متقلبٚ موبأشرٚ تِشویق بوکوده، چونکی زرنگی بوکوده! رأس‌رأسِی اَ دونیأ آدمأن خوشأنٚ دؤرٚورٚ دونیأ اَمرأ ایرتبأط دأشتنٚ میأن نورٚ زأکأنٚ جَا زرنگتر ایسٚد.

اعمالٚ رسولأن 12:21

او قرأر بٚنأ بوبوسته روجٚ میأن، هیرودیس ایتأ شأهأنه رخت دوکوده سلطنتٚ تختٚ رو بینیشت و بینأ کوده سوخنرأنی کودن.

اعمالٚ رسولأن 21:3

قبرس جزیره‌‌یَ جٚه دؤر فأندرستیم و اونی جونوبٚ جَا دٚوأرستیم و صورٚ بندر میأن کی سوریه میأنی نٚهأ بو پیأدَه بوستیم کی کشتی خو بأرَ خألِه کونه.

اعمالٚ رسولأن 21:7

صور بندرٚ شؤئؤن پٚسی، پتولامیسَ فأرٚسِییم. اویَه ایمأندأرأنٚ دئنٚ رِه بوشؤییم، ولی فقد ایتأ روج اویَه بئیسأییم.