اعمالٚ رسولأن 12:17 - Gilaki New Testament

¹⁷ پطرس ایشأره بوکوده کی آرأم بٚبٚد و نقل بوکوده کی چی بوبوسته و خوداوند چوطو اونَ زندأنٚ جَا بیرون بأوٚرده. پیشتر جٚه شؤئؤنٚم اَشأنٚ جَا بٚخأسته کی یعقوب و البأقی برأرأنَ وأخبدأرَ کونٚد. اونٚ پٚسی بوشؤ ایتأ جیگأ کی اَمنتر بٚبه.

کیتاب مقدّس به گیلکی (رشتی)

¹⁷ ولی پطرس خو دسٚ اَمرأ ایشاره بوکوده کی ساکیتَ بید و اوشأنٚ رِه تعریف بوکوده کی چوطویی خوداوند اونَ زندانٚ جأ نجات بده. بأزین بوگفته: «یعقوب و ایماندارأنٚ دیگرم خبر بدید». بأزین جٚه اوشأنٚ پهلو بوشو جای دیگر.

کتاب مقدس به زبان گیلکی - گویش شرقی

¹⁷ پطرس خو دست أمره ایشونِ اشاره بزه که تأم بزنن و اوشونِ تعریف بوده که چوطو خداوند اونه زندؤنای بیرون بأرده. و او بوته: «یعقوب و بقیه برأرؤنم، ایی جریونَ جی واخوبَ کونین.» بازین بوشو یکته جای دیگه.

کتاب مقدس به زبان گیلکی - گویش رشت و غرب گیلان

¹⁷ پِطرُس خو دسِ اَمرا اَشانَ ایشاره بزه کی تام بزَنید و اَشان ره تعریف بُکود کی خُداوند چُطو اونَ خولتانک جا بیرون باورد. و بگفت: «یعقوب و بقیه برارانَ اَ جریان جا واخبرَ کونید.» بازون ایتا جا دیگه بُشو.

اعمالٚ رسولأن 12:17 ပူးပေါင်းရင်းမြစ်များ

متّی 10:23

«هر وخت شٚمٚره ایتأ شهرٚ دورون آزأر فأرٚسأنِده، بوگروزید ایتأ شهرٚ دیگه. رأس‌رأسِی شٚمٚره گم قبلٚ اَنکی بتأنید تومأمٚ ایسرأییلٚ شهرأن بیشید، اینسأنٚ پٚسر اَیِه.

مَرقُس 6:3

اون کی هو نجأره و اونی مأر مریم و اونی برأرأنٚم یعقوب و یوشا و یوهودأ ایسٚد، اونی خأخورأنٚم کی اَمی ور زٚندیگی کونٚده. اَطویی اونی اَمرأ بوخل اوسأدٚد،و بی‌ایحترأمی بوکودٚد.

لوقا 1:22

بأزون، وختی بأمؤ بیرون و نتأنسته اوشأنی اَمرأ گب بٚزٚنه، اونی اَدا ایشأره اَمرأ بٚفأمٚستد کی هو معبدٚ موقدسٚ جأجیگأ میأن ایتأ رویأ بیدِه.

یوحنا 10:40

بأزون بوشؤ اُردنٚ روخأنٚ او ور ینی فأنرٚسه هو جأیی‌یَ کی یوحنا جٚه اوّل مردومَ تعمید دٚئی.

یوحنا 11:54

عیسا اونی پٚسی، دِه مردومٚ میأن نأمؤیی، بلکی خو شأگردأنٚ اَمرأ جٚه اورشلیم بوشؤ ایتأ دیهأت کی بيأبأنٚ نیزدیکی بو، کی "افرایم" نأم دأشتی و هویه بئیسأ.

یوحنا 13:24

شمعونٚ پطرس اونَ ایشأره بٚزِه کی وأوٚرسِه اون کیه کی اَ وأشتنأکٚ کأرَ کونه.

یوحنا 7:1

پس عیسا بوشؤ جلیل سأمأن شرأ و اویَه دیهأتأنٚ دورون گردستی کی یوهودیه جَا دؤر بٚبه چونکی یوهودٚ پیله کسأن خأستیدی اونَ بوکوشٚد.

یوحنا 8:59

قومٚ پیله کسأن کی دِه تأب نأشتیدی اونی گبأنَ بشتأوٚد، سنگ اوسأدٚد کی اونَ بوکوشٚد. امّا عیسا جٚه اوشأنٚ ورجأ دٚوأرٚسته و معبدٚ جَا بوشؤ بیرون و چومأنٚ جَا جیگأ بوخورده.

اعمالٚ رسولأن 1:15

ایتأ جٚه او روجأنٚ میأن جِمئیت کی صد و بیست نفر بوستید ایسأبود، پطرس ویریشته و اَشأنَ بوگفته:

اعمالٚ رسولأن 12:16

ولی پطرس توندأ توند در زِئندوبو. آخرپٚسی بوشؤده و دٚرٚ وأکودٚد. وختی بیدِده پطرس ایسه، قأق بئیسأده.

اعمالٚ رسولأن 12:18

صُب زندأن میأن بلوأ دکفته. همٚتأن پطرسٚ رِه وأمؤختیدی.

اعمالٚ رسولأن 13:16

پولس خو جَا سٚر ویریشته و دٚسٚ اَمرأ ایشأره بوکوده کی سأکیتَ بد و بوگفته: «اَی ایسرأییلٚ مردأکأن، و اَی شومأن کی یوهودی نیئید و خودایَ پرستیدی، مٚرَه فأندرید.

اعمالٚ رسولأن 15:13

جٚه اَشأنٚ پٚسی، یعقوبٚ نوبت فأرٚسِه. اون ویریشته و بوگفته: «برأرأن، بشتأوید.

اعمالٚ رسولأن 16:40

پولس و سیلاس وختی کی زندأن جَا بیرون بأمؤده، وأگردٚستٚده لیدیه خأنه کی ایمأندأرأنَ بیدینٚد و ایوأردِه اَشأنَ تِشویق بوکوند. بأزون جٚه اویَه بوشؤده.

اعمالٚ رسولأن 19:33

اَ میأن چنتأ یوهودی، ایسکندرَ بیأفتده و اونَ پیش تأوٚدأده، اونی جَا بٚخأستده کی اَ مأجیرأیَ نقل بوکونه. ایسکندر خو دٚسٚ تکأن دٚئنٚ اَمرأ مردومٚ جَا بٚخأسته کی سأکیتَ بد و حقٚ سعی بٚزِه ایچی بٚگه.

اعمالٚ رسولأن 21:18

دویُمی روج پولس اَمٚرَه خو اَمرأ ببرده کی یعقوبَ بیدینیم. تومأمٚ اورشلیمٚ کیلیسا ریش سیفیدأنٚم اویَه ایسأبود.

اعمالٚ رسولأن 21:40

وختی کی فرمأنده اونَ وئأشته کی گب بٚزٚنه، پولس پلِکأنأنٚ رو بئیسأ و دٚسٚ اَمرأ مردومَ ایشأره بٚزِه. وختی همٚتأن سأکیتَ بوستٚد، اون عِبری زٚوأنٚ اَمرأ اَشأنَ بوگفته:

اعمالٚ رسولأن 28:15

رومٚ مسیحیأن کی بشتأوسته بود اَمأن اَمؤندریم، تأ فورومٚ ور کی اَپیوسٚ رأ سٚر نٚهأ بو اَمی پیشوأز بأمؤده. ایتأ عیده‌یٚم «سه میخأنه» شهرٚ میأن اَمی پیشوأز بأمؤده. وختی پولس اَشأنَ بیدِه، خودایَ شوکر بوکوده و جأن بیگیفته.

اوّل قرنتیان 15:7

اونی پٚسی، یعقوب و همٚتأ روسولأن اونَ بیدِده.

غلاطیأن 1:19

امّا جٚه البأقی‌یٚ روسولأن، فقد یعقوب اَمی خوداوند عیسا مسیح برأرَ بیدِم.

غلاطیأن 2:12

جٚه اَ خأطر کی وختی فأرٚسِه انطأکیه، اوّل او مسیحیأنٚ اَمرأ کی یوهودی نوبود، ایتأ سٚفره سٚر نیشتی. امّا وختی ای عیده جٚه کیلیسا پیله کسأن کی یعقوبٚ ور جٚه اورشلیم بأمؤده، خؤرَه کنأر فأکشه و دِه اوشأنی اَمرأ کی یوهودی نوبود ایتأ سٚفره سٚر نینیشته چونکی جٚه اَ آدمأنٚ شمأتٚت کودن کی ایصرأر کودیدی همٚتأن وأستی ختنه بٚبٚد ترسِئی.

یعقوب 1:1

جٚه یعقوب، خودا و خوداوند عیسا مسیحٚ غولأم، او دوأزده‌تأ قبیله رِه، ینی یوهودی نتأجٚ ایمأندأرأن کی دونیأ سرتأسرٚ شرأ پٚخشٚده. سلأم!