سوم یوحنا 1:14 - Gilaki New Testament

¹⁴ چونکی اومید دأرم خٚیلی زود بأیٚم تٚرَه بیدینٚم کی رو در رو گب بٚزنیم.

کتاب مقدس به زبان گیلکی - گویش شرقی

¹⁴ امید دائنم خیلی زود ته بَینم و رو در رو گب بزنیم.

کتاب مقدس به زبان گیلکی - گویش رشت و غرب گیلان

¹⁴ امید دَرم خَیلی زو، تَره بیدینم و رو دَر رو گب بزنيم.

سوم یوحنا 1:14 ပူးပေါင်းရင်းမြစ်များ

یوحنا 10:3

دربأنٚم دٚرَ شبأنٚ رِه وأکونِه، گوسوٚندأن اونی صدایَ ایشتأوده و اَیٚده اونی ورجأ. شبأن خو گوسوٚندأنٚ ایسمَ ایتأ ایتأ دؤخأنه و اوشأنَ بٚره بیرون.

یوحنا 20:19

هو روج غروب دٚمٚ رِه شأگردأن جمَ بوستٚد و جٚه یوهودٚ قومٚ پیله کسأنٚ ترسٚ وأسی، درأنَ جٚه پوشت دٚوٚستٚده. امّا ایوأرکی بیدِدٚد کی عیسا اوشأنی میأن ایسأ. عیسا بٚفرمأسته: «آرأمٚش و سلأمتی شیمی رو بٚبه!»

یوحنا 20:21

عیسا ایوأردِه اَشأنَ بٚفرمأسته: «آرأمٚش و سلأمتی شیمی رو بٚبه. هوطو کی پئر مٚرَه اَ دونیأ میأن اوسه کوده، منم شٚمٚره اوسه کونم مردومٚ میأن.»

غلاطیأن 5:16

جٚه اَ خأطر، شٚمٚره نصیحت کونم کی خودا روحٚ دستورأنٚ جَا ایطأعت بوکونید؛ اون شٚمٚره آموجه کی چی بوکونید و کویه بیشید. اَطویی دِه شیمی شورشی نفسٚ اسیر نمأنیدی.

افسسیان 6:23

دوعأ کونم کی خودایٚ پئر و اَمی خوداوند عیسا مسیح شٚمٚره جأنٚ دیلٚ برأرأن، آرأمٚش و محبت و ایمأن بٚبخشه.

۱پطرس 5:14

کس‌کسَ می جَا، مسیحی محبتٚ اَمرأ مأچی بدید. آرأمٚش شومأ همٚتأنٚ رِه کی عیسای مسیحٚ شین ایسید، بٚبه.

دوم یوحنا 1:12

خٚیلی گبأن دأرم کی بٚزٚنم، امّا نخأیٚم همه‌یٚ اَ نأمه دورونی شٚمٚره بینیویسٚم، چونکی اومید دأرم کی خٚیلی زود شیمی ورجأ بأیٚم و شٚمٚره بیدینٚم. بأزون تأنیم رو در رو کس‌کسٚ اَمرأ گب بٚزنیم و اَمی خوشألی کأمیلَ بٚه.