دوم تیموتائوس 3:1 - Gilaki New Testament

¹ امّا اَنٚم وأستی بدأنی کی آخری روجأنٚ دورون خٚیلی سختٚ زمأتأنٚ ایتفأق دکفه،

کتاب مقدس به زبان گیلکی - گویش شرقی

¹ أما اینه بودؤن که آخرته روزؤن مئن، سخت روزیگاری در پیش دره.

کتاب مقدس به زبان گیلکی - گویش رشت و غرب گیلان

¹ ولی اَنه بدان کی آخرتا روجانِ درون، سختِ روجگاری در پیش دَره.

دوم تیموتائوس 3:1 ပူးပေါင်းရင်းမြစ်များ

دوم تیموتائوس 4:3

چونکی زمأتی فأرٚسِه کی دِه مردوم حِئقتَ گوش نٚدٚده، بلکی معلمأنی دونبأل شٚده کی اوشأنی بأبٚ میل گب زنٚده.

دوم پطرس 3:3

پیشتر جٚه هرچی خأیم اَ موضویَ خأطر نیشأن بوکونم کی آخری زمأتأنٚ میأن، آدمأنی پیدأ بٚده کی هر نأجورٚ کأرَ کی اوشأنی فیکرَ برسه دٚس زٚنٚد و حِئقتَ رخشنَ گیرده

اوّل یوحنا 2:18

می جأنٚ دیلٚ زأکأن، دونیأ تومأنَ بوستن نیزدیکٚ بوسته. شومأن حتم دروأره او «مسیحٚ ضدٚ» اَمؤنٚ رِه چیزأنی بشتأوستیدی. حتّا اَسأیٚم همٚتأ جأجیگأ مسیح ضدّأن بیدِه بٚده و جٚه اَ خأطر فأمیم کی دونیأ تومأنَ بوستن نیزدیکَ بوسته.

یهودا 1:17

اَی جأن و دیلأن، اَمی خوداوند عیسا مسیحٚ روسولأنٚ پیشگویی‌یَ بٚخأطر بأوٚرید.

یهودا 1:18

اوشأن گفتیدی کی آخرٚ زمأتأنٚ میأن آدمأنی بیأفته بد کی خوشأنٚ کثیفٚ مِیلأنٚ موطأبٚق کردکأر کونٚد و حِئقتَ دٚس پٚرَه گیرٚد.