دوم قرنتیان 9:5 - Gilaki New Testament

⁵ پس لأزیم بدأنستم کی جٚه اَ برأرأن خأهیش بوکونم کی می جَا پیشتر بأیٚد و او پیشکشأن کی وعده بٚدأ بید، حأضیرَ کونٚد. اَطویی، او وختی کی من اَیٚم، شیمی کومکأن آمأده ایسه، و اَن نیشأن دِهه کی شٚمٚره زور نوکودد، بلکی شیمی میلٚ اَمرأ پیشکش فأدأیید.

کتاب مقدس به زبان گیلکی - گویش شرقی

⁵ پس واجیب بدئم برارون اجی بخام کی جلوتر شیمئه دئن ئبه بان و او پیشکشونئه کی وعده بدابون، تدارک بینن. تا ای پیشکش، پیشکشی ببون کی شیمئه میل همرا هدابین، نه زور همرا.

کتاب مقدس به زبان گیلکی - گویش رشت و غرب گیلان

⁵ پس واجب بیدِم براران جا بخوام کی جُلُوتر شیمی دِئن ره بائید و اُ پیشکشانیَ کی واده بدَه بید، تدارک بیدیند. تا اَ پیشکش، پیشکشی بِبه کی شیمی میل مَرا فدَه بید، نه زور اَمرا.

دوم قرنتیان 9:5 ပူးပေါင်းရင်းမြစ်များ

اوّل قرنتیان 16:2

هر هفته اوّلی روجٚ میأن ینی یکشنبه، هرتأن جٚه شومأن هرچی دخل بدأشتید، ایپچه پول اَ کأرٚ رِه کنأر بنید. اَ پولأنٚ جمَ کودنٚ وأسی می اَمؤنٚ رأفأ نئیسید.

دوم قرنتیان 8:6

هنٚ وأسی جٚه تیتوس خأهیش بوکودیم کی ایوأردِه شیمی دِئنٚ رِه بأیٚه کی شٚمٚره تِشویق بوکونه کی شومأنم ایتأ سأم اَ خورومٚ خیدمتٚ دورون قوبیل بوکونید، چونکی اون پیشتر اَ کأرَ شیمی میأن بٚسٚرَ گیفته بو.

دوم قرنتیان 9:3

ولی چونکی اوشأنَ بوگفتم کی شیمی پیشکشأن حأضیر ایسه، اَسه اَ برأرأنَ اوسه کونم کی جٚه اَ موضو ایطمینأن بیأفٚم، اَطو نٚبه کی او وٚصفأن کی جٚه شومأن بوگفتیم، دوروست نٚبه.

دوم قرنتیان 9:6

جٚه خأطر ندید کی هر کس کم بکأره، کمم اوچینه؛ و اونی کی خٚیلی بکأره، خٚیلی اوچینه.

فیلیپیان 4:17

البت شیمی پیشکشأنٚ وأسی تشکر کونم، ولی اونچی کی ویشتر مٚرَه خوشأل کونِه اَنه کی شیمی اَ خوروم کأرأنٚ وأسی، خوروم پأدأش فأگیریدی.