دوم قرنتیان 11:28 - Gilaki New Testament

²⁸ تومأمٚ اَشأنٚ رو اَنٚم بٚگم کی، ایتأ بأر دأرم کی شبندروج می کؤلٚ سٚر سنگینی کونِه و اون او مسئولیتٚ ایحسأس ایسه کی تومأمٚ کیلیسایأن رِه دأرم.

کتاب مقدس به زبان گیلکی - گویش شرقی

²⁸ علاوه بر ایشون تموم کلیسائان نگرونی باره کی می کول سر سنگینی کونه.

کتاب مقدس به زبان گیلکی - گویش رشت و غرب گیلان

²⁸ علاوه بر اَشان تمان کلیسائان نیگرانی بارِ کی می کول سر سنگینی کونه.

دوم قرنتیان 11:28 ပူးပေါင်းရင်းမြစ်များ

اعمالٚ رسولأن 15:36

چن وختٚ پٚسی، پولس برنابایَ پیشنهأد بٚدأ کی وأگردٚد و سٚربٚزند و بیدینٚد او شهرأن ایمأندأرأن کی پیشتر اویَه موعیظه بوکوده بود، چی کودأندرد.

اعمالٚ رسولأن 18:23

چن وخت کی بوبوسته جٚه اویَه بوشؤ غلاطیه و فریجیه و اویَه مسیحیأنَ بیدِه و اَشأنَ، ایمأنٚ میأن قوّت بٚدأ.

اعمالٚ رسولأن 20:2

خو رأ میأن هرتأ شهرَ کی فأرٚسِیی، مسیحیأنٚ رِه موعیظه کودی. اَطویی بو کی، یونأنَ فأرٚسِه

اعمالٚ رسولأن 9:31

اَطویی بو کی کیلیسا آرأمَ بوسته و قوّت بیگیفته و یوهودیه و جلیل و سأمره میأن پیشرفت بوکود. ایمأندأرأن در خودا ترس و روح‌القدسٚ دیلسوجی اَمرأ زٚندیگی کودید و اوشأنی آدم نفرأنٚ رو ایضأفه بوستی.

رومیأن 1:14

چونکی مٚرَه مدیون دأنٚم کی اَ خورومٚ خٚوٚرَ همٚتأنَ فأرسأنم، چی موتمدنٚ آدمأنَ چی بی‌تمدونٚ آدمأن، چی سوأد دأرأنَ چی بی‌سوأدأنَ.

رومیأن 11:13

اَسه می گب شیمی اَمرأیه کی یوهودی نیئیدی. هوطو کی دأنیدی خودا اوشأنی کی یوهودی نییٚده خیدمتٚ وأسی مٚرَه خو روسول اینتخأب بوکوده و اَ موضو رِه گولأز کونم،

رومیأن 15:16

شومأن کی یوهودی نیئیدی خیدمت کودنٚ رِه عیسا مسیحٚ اوسه کوده ایسٚم، کی اینجیلٚ خورومٚ خٚوٚرَ شٚمٚره فأرسأنم، شٚمٚره ایتأ خوشبو قوربأنی مأنستَن خودایَ پیشکش بوکونم، چونکی شومأن روح‌القدسٚ اَمرأ، اونی رِه قأبیلٚ قوبیل و موقدس بوبوستید.

رومیأن 16:4

رأس‌رأسِی خوشأنی جأنَ می وأسی خطرٚ دورون تأوٚدأده و تنأ می وأسی نوبو، بلکی تومأمٚ او کیلیسایأن کی جٚه اوّل یوهودی نوبود، اَشأنی جَا سپأسگوزأرٚد.

اوّل قرنتیان 7:17

هر جور بٚبه، هرتأ جٚه شومأن اوجور زٚندیگی بوکونید کی یقین بٚدأرید اوطو کی خودا خأیه کردکأر کودأندرید. او جأ مکأن کی خودا شٚمٚره اونی دورون بٚنأیَ، قوبیل بوکونید. اَن می حوکم ایسه تومأمٚ کیلیسایأنٚ رِه.

کولسیان 2:1

کأشکی بٚدأنستِبید کی من شیمی وأسی و لائودیکیه و البأقی مسیحیأن کی خودشأن مٚرَه نیدِده، چی دیل سوجی اَمرأ دوعأ کونم.