دوم قرنتیان 10:4 - Gilaki New Testament

⁴ او اَسلحه کی اَمأن جنگستنٚ رِه بٚکأر بریم، دونیأیی اَسلحه نییٚه، بلکی قلعه‌یأنٚ جٚه بین بردنٚ وأسی ایتأ ایلاهی قودرت دأره!

کتاب مقدس به زبان گیلکی - گویش شرقی

⁴ چره که امئه جنگ اسلحه ئان جسم اجی نئه، بلکی خدا قوته دانه تا قلعه ئانه نابوداکونه.

کتاب مقدس به زبان گیلکی - گویش رشت و غرب گیلان

⁴ چره کی اَمی جنگِ اسلحه ئان، جسم جا نیه، بلکی خُدا قوتَ دَره تا قلعه ئانَ نابودَ کونه.

دوم قرنتیان 10:4 ပူးပေါင်းရင်းမြစ်များ

اعمالٚ رسولأن 7:22

موسا تومأمٚ مصرٚ حیکمت و عیلمَ بأمؤخت تأ اویَه کی ایتأ شأهزأده بوبوسته کی قودرت دأشتی و گب زِئن میأن پیله کس بوبوسته بو.

رومیأن 13:12

شب تومأنَ بوسته و نیجأتٚ روج نیزدیکه. پس، او تأریکٚ کأرأنَ کی گونأ اَمرأ ایتأ بوبوسته ایوٚر بنید، نورٚ زره‌یَ دوکونید.

رومیأن 6:13

ولأنید هیتأ جٚه شیمی جأنٚ عُصم و اعضأ گونأ رِه دٚسٚ اسبأب بٚبه، بلکی شٚمٚره تومأمٚ و کمأل بیسپأرید خودایَ و تومأمٚ شیمی وجودَ اونَ تقدیم بوکونید؛ چونکی شومأن مرگٚ جَا وأگردستیدی زٚندیگی دورون و وأستی ایتأ خوروم اَفزأر خودا دٚسٚ میأن بیبید کی اونی خورومٚ خأسته‌یأنَ انجأم بدید.

اوّل قرنتیان 2:5

من اَطو بوکودم، کی شیمی ایمأنٚ پأکأر خودا قودرتٚ رو بٚبه، نه اینسأنٚ حیکمتٚ رو.

اوّل قرنتیان 9:7

کویتأ سروأز ایسه کی وختٚ سروأزی خیدمت، خو خرجَ بیرون بأوٚره؟ یا کویتأ بأغبأن ایسه کی ایتأ دأرَ بکأره ولی اونَ ولأنٚد کی جٚه اونٚ مأصول بوخوره؟ یا کویتأ چوپأن ایسه کی ایتأ گلّه‌یَ بٚپأیه ولی حق ندأشته‌ بی کی جٚه اونٚ شیر وأخوره؟

دوم قرنتیان 10:8

ولی من اَ قودرت و ایختیأرَ شیمی کومکٚ رِه بٚکأر دٚوٚستم، نه شیمی اَذِت آزأرٚ رِه. بلکی گومأن بوکونید کی ویشتر جٚه می ایختیأرأنٚ حد گولأز کودأندرم؛ ولی اَطو نییٚه.

دوم قرنتیان 13:10

اَ مطلبأنٚ اَ اومیدٚ اَمرأ نیویسٚم کی وختی بأمؤم شیمی ورجأ، ایحتیأج نٚبه کی شٚمٚره شمأتٚت و تِنبیه بوکونم. چونکی خأیم جٚه او ایقتدأر کی خوداوند مٚرَه فأدأ، شیمی قوّت و بٚنأ کودنٚ رِه ایستفأده بوکونم، نه اَنکی شٚمٚره خرأبَ کونم.

دوم قرنتیان 3:5

اَطو نٚبه نتأنیم اَمٚرَه اَمی قوّتٚ سٚر دٚفرأشتنٚ اَمرأ، ایتأ خورومٚ کأر خودا رِه انجأم بٚدیم، چونکی اَمی لیأقتأن و پیروزیأن جٚه خودا ایسه.

دوم قرنتیان 4:7

ولی اَ گیرأنٚ گنجَ گیلی ظرفأنٚ دورون دأریمی، ینی اَمی اینسأنی و سوستٚ جأنٚ میأن، کی همه بدأنٚد کی اَ بأوٚر نوکودنی و پیله قودرت جٚه خودا ور ایسه، نه جٚه اَمأن.

دوم قرنتیان 6:7

ای‌رٚوٚند حِئقتَ بوگفتیم؛ خودا هرتأ کأرٚ میأن اَمٚرَه کومک بوکوده؛ روحأنی اسلحه‌یأنٚ اَمرأ اَمی رأستٚ دٚسٚ میأن حمله رِه و اَمی چپٚ دٚسٚ میأن دفأع رِه، بجنگستیم.

اوّل تسالونیکیان 5:8

ولی اَمأن کی روجٚ روشنأیی میأن زٚندیگی کونیم، وأستی وأخبدأر بیبیم و ایمأن و محبتٚ زرهی لیوأسَ دوکونیم و نیجأتٚ اومیدَ ایتأ آهینی کولأ مأنستَن اَمی سٚر بٚنیم.

اوّل تیموتائوس 1:18

هسأ می پٚسر، تیموتائوس، هو نوبوّت پیغأمأنٚ وأسی کی ویشتر اونٚ جَا تٚرَه وأخٚوٚرٚ کودم، تٚرَه سفأرش کونم کی اوشأنَ بٚخأطر اَوٚردٚنٚ اَمرأ، خوداوندٚ خورومٚ جنگ میأن خُب بٚجنگی.

دوم تیموتائوس 2:3

عیسا مسیحٚ ایتأ خوروم سروأزٚ مأنستَن، زحمأتٚ میأنی تی سأمَ فأدٚن.

عبرأنیأن 11:30

ایمأنٚ وأسی بو کی اَریحا شهرٚ حیصأرأنَ، ایسرأییلٚ مردوم خودا دستورٚ اَمرأ هفت روج دؤر بٚزِده، اونی پٚسی بو کی اون فوگوردٚسته.