اوّل تسالونیکیان 4:5 - Gilaki New Testament

⁵ ولأنید شیمی بٚدٚن اوشأنی مأنستَن کی خودایَ نشنأسٚده، شهوٚتأنٚ جَا گریفتأرَ بٚه.

کتاب مقدس به زبان گیلکی - گویش شرقی

⁵ نه شهوت و هوا و هوس مئن، او غیریهودئن موسؤن کی خدا نشناسنن.

کتاب مقدس به زبان گیلکی - گویش رشت و غرب گیلان

⁵ نه شهوت و هوا و هوس درون، اُ غیر یهودیانِ مانستن کی خُدایَ نشناسیدی؛

اوّل تسالونیکیان 4:5 ပူးပေါင်းရင်းမြစ်များ

متّی 6:32

چونکی بی‌ایمأنأن اَ چیزأنٚ وأسی غورصه خورٚده، ولی شیمی آسمأنی پئر جٚه قبل دأنِه کی اَشأنَ ایحتیأج دأریدی.

لوقا 12:30

چونکی اوشأنی کی ایمأن نأرٚده اَ چیزأنٚ وأسی غورصه خورد، امّا شیمی آسمأنی پئر شیمی نیأزأنٚ جٚه قبل دأنه.

اعمالٚ رسولأن 17:23

چون وختی شیمی شهر میأن دٚوأرٚستأندوبوم، خٚیلی شیمی عیبأدتگأیأنٚ دیقت اَمرأ فأندرستٚم. حتّا قوربأنی کودن وأسی جأجیگأیأنی‌یَ بیدِم کی اونی رو بینیویشته بوبوسته بو "پیشکشی کودن او خودا رِه کی بشنأخته نوبوسته." اَ خودا کی بودونٚ اَنکی اونَ بٚشنأسیدَ پرستٚش کونیدی، هونی ایسه کی خأیم اونی جَا شیمی اَمرأ گب بٚزٚنم.

رومیأن 1:24

هنٚ وأسی، خودایٚم اَشأنَ وِلَ کوده کی هرچی خأیٚد بوکونٚد و گونأ شهوتأن آتش دورون بوسوجٚد و خوشأنی جأن اَمرأ گونأیأنی بوکونٚد کی شرم‌ اَوٚره.

رومیأن 1:26

هنٚ وأسی، خودا اوشأنَ شرم‌دأرٚ گونأیأنٚ میأن سرأ دأ. حتّا اوشأنی زنأکأنم جینسی رأبطه‌یأنی کی طبیعی نیبیدَ، طبیعی رأبطه‌یأنٚ اَمرأ عوضَ کودٚد.

رومیأن 1:28

پس هوطو کی اوشأن خودا شنأختٚ رِه ارزش نٚنده خودایٚم اَشأنَ هو حألٚ دورون وِلَ کوده کی هر چی اوشأنی نأپأکٚ فیکر دورون اَیِه هوطو بوکونٚد.

اوّل قرنتیان 1:21

چونکی خودایی کی دأنأ ایسه صلاح ندأنسته کی آدمأن خوشأنٚ عقل و فأمٚ اَمرأ اونَ بٚشنأسٚد. بلکی اون اَمی میأن بأمؤ و تومأمٚ اوشأنی کی اونی پیغأمَ ایمأن بأوٚردٚد نیجأت بٚدأ، ینی هو پیغأم کی دونیأ مردوم، چی یوهودی بٚبٚد چی یوهودی نٚبٚد، اونَ پوچ و بی مأنی دأنٚده.

اوّل قرنتیان 15:34

عأقیل بیبید و دوروست فیکر بوکونید و جٚه شیمی رأیأن کی گونأ اَمرأ ایتأ بوبوسته دٚس فأکشید، چونکی ایتأ عیده جٚه شومأن اونچی‌یَ کی دروأره‌یٚ خودا بأمؤخته بود، جٚه خأطر بدأیید. اَنَ گم کی شٚمٚره خجألت بدم.

غلاطیأن 4:8

شومأن کی یوهودی نیئیدی، پیشتر جٚه اَنکی رأس‌رأسِی خودایَ بٚشنأسید، اوشأنی دٚس کی خوشأنی ذأتٚ وأسی خودا نییٚده اسیر بید.

افسسیان 2:12

او وختٚ میأن، شومأن مسیح جَا سیوأ زٚندیگی کودیدی و ایسرأییلٚ قومٚ شین نیبید و اوشأنی میأن غریبه بٚحیسأب اَمؤییدی و خودا عهدأنٚ میأن هیذره سأم نأشتیدی، او عهدأن کی خودا وعده‌یأن اونی قومٚ رِه بو و شیمی زٚندیگی‌یَ اَ دونیأ میأن بودونٚ خودا و اومید گوذرأنن دیبید.

کولسیان 3:5

پس اَ دونیأ گونأیأنٚ نیزدیکٚ نیبید، کثیفٚ هوسأنَ کی شیمی جأنٚ دورون جوخوسٚده، جٚه بین بٚبٚرید؛ هیوخت شٚمٚره، او گونأیأنی دورون کی هوطو بی‌عیفتی، نأنجیبی، شهوتَ قوبیل کودن و نأجورٚ هوسأنٚ وأنسینید. اَ دونیأ، خوش ظأهیرٚ چیزأنٚ وأسییٚم طمع نوکونید، چون طمع کودن ایجور بُت پرستیه.

دوم تسالونیکیان 1:8

امّا اوشأنی‌یَ کی خودا شنأخت و اونی قوبیل کودن و اونی نیجأتٚ نقشه کی عیسایٚ مسیح اَمرأ بو قوبیل نوکودٚده، موجأزأت کونه.

۱پطرس 4:3

چونکی قدیمأن، به اندأزه کأفی نأجورٚ کأرأن وأسی شیمی وختَ، خودا نشنأسأنٚ اَمرأ بنأیید و شیمی عُمر و زٚندیگی‌یَ، هرزگی، نفسٚ شهوتأن، مستی، عیش و نوش، بُت پرستی و گونأیأنٚ خجألت آورٚ اَمرأ بأطیلَ کودید.