اوّل تسالونیکیان 2:17 - Gilaki New Testament

¹⁷ جأنٚ دیلٚ برأرأن، بأزون ای چن وختی کی شیمی جَا دورَ بوستیم اگه چی اَمی دیلأن هیوخت شیمی جَا دورَ نوبوسته خٚیلی حقٚ سعی بٚزِئیم کی ایوأردِه شٚمٚره بیدینیم.

کتاب مقدس به زبان گیلکی - گویش شرقی

¹⁷ اما أی برأرؤن، چونکه أننی زمت شمرأجی سیوا بیم، ألبته جسما و نه قلبا، خیلی شؤق و ذؤق همأ تقلا بودیم تا شمره دیم به دیم بینيم.

کتاب مقدس به زبان گیلکی - گویش رشت و غرب گیلان

¹⁷ ولی اَی براران، جه اویا کی ایبچه زمات شیمی جا سیوا بُبوستیم، البت جسماً و نه قلباً، خَیلی شوق و ذوق امرا تقلا بکودیم تا شمرأ رو دَر رو بیدینیم.

اوّل تسالونیکیان 2:17 ပူးပေါင်းရင်းမြစ်များ

لوقا 12:58

وختی اینفر تی جَا شیکأیت دأره و تٚرَه دادگأ بردأندره، حقٚ سعی بٚزٚن جٚه قبلٚ اَنکی قأضی ورجأ فأرسید، اونی اَمرأ آشتی بوکونی، نوکونه کی تٚرَه قأضی ورجأ فأکشأنِه و قأضی تٚرَه پأسبأنٚ دٚس بیسپأره و پأسبأنٚم تٚرَه زندأن تأوٚده

لوقا 22:15

بأزون اوشأنَ بٚفرمأسته: «خٚیلی ذوق اَمرأ اَ وختٚ رأفأ ایسأ بوم، پیشتر جٚه اَنکی می عذأبأن و دردأن شورو بٚبٚد، اَ پِسَح شأمَ شیمی اَمرأ بوخورٚم.

اعمالٚ رسولأن 17:10

هو شب مسیحیأن پولس، سیلاسَ دفأتن اوسه کودٚد بیریه ور. او شهر دورونم همیشٚکٚ مأنستَن یوهودٚ کنیسه‌ دورون بوشؤده کی اینجیلٚ پیغأمَ وأگویا بوکوند.

رومیأن 1:13

ولی جأنٚ دیلٚ برأرأن، خأیم بدأنید کی چن‌وأر بخأستٚم بأیٚم شیمی ورجأ، ولی هروأر ایتأ موشکیل پیش بأمؤ. می نیّت اَمؤنٚ جَا اَن بو کی شیمی میأن خیدمت بوکونم و ایتأ عیدّه‌یَ هیدأیت بوکونم مسیح ور، هوطویی کی البأقی جیگأیأن میأنم بوکودم.

رومیأن 15:23

ولی اَسه دِه می خیدمت اَیِه تومأنَ بوسته و خٚیلی سالأن رأفأ ایسأنٚ پٚسی، موشتأقٚم کی بأیٚم شیمی ورجأ.

اوّل قرنتیان 5:3

هرچن کی جیسم اَمرأ شیمی ورجأ نئیسأم، ولی در روح شیمی اَمرأ ایسأم. و اینفرٚ مأنستَن کی اَطو شیمی میأن ایسأ، اونی کی اَ کأرٚ بوکوده رِه، جٚه پیشتر اَمی خوداوند عیسا نأمٚ اَمرأ، حوکم بوکودم.

کولسیان 2:5

چون هطوکی می جأن شیمی جَا دورٚ، ولی روحٚ دورون شیمی اَمرأ ایسأم و دیلخوشم جٚه اَنکی دینم کی چنقذر نظم دأریدی و مسیحٚ رِه چندر قأیم ایسید.

اوّل تسالونیکیان 3:6

امّا هسأ کی تیموتائوس جٚه شیمی ورجأ وأگردسته، اَمٚرَه اَ خوروم خٚوٚرٚ بٚدأ کی شیمی ایمأن و محبت جٚه بین نوشؤ و اَمٚرَه‌یٚم جٚه خأطر ندأیید، هو قد کی اَمأن شیمی دِئنٚ وأسی موشتأقیم، شومأنم اَمی دِئنٚ وأسی ایشتیأق دأریدی.