اوّل تسالونیکیان 1:7 - Gilaki New Testament

⁷ اَطویی، شومأن تومأمٚ مقدونیه و یونأنٚ مسیحیأنٚ رِه نومونه بوبوستید.

کتاب مقدس به زبان گیلکی - گویش شرقی

⁷ هوطؤ کی شمه تمؤم مقدونیه و اخائیه ایمؤندارؤن ئبه یکته نمونه بوبؤین،

کتاب مقدس به زبان گیلکی - گویش رشت و غرب گیلان

⁷ هُطوکی شُمان تمانِ مقدونیه و اَخائیه، ایمانداران ره ایتا نمونه بُبوستید.

اوّل تسالونیکیان 1:7 ပူးပေါင်းရင်းမြစ်များ

اعمالٚ رسولأن 1:13

او وخت کی فأرٚسِده، بوشؤده او خأنه تلأرٚ جؤر کی اویَه ایسأ بود. اَن اوشأنی نأم ایسه کی اویَه ایسأبود: پطرس، یوحنا، یعقوب، آندریاس، فیلیپُس، توما، برتولما، متا، یعقوب(حلفی پٚسر)، شمعون (کی فدأییأنٚ حیزبٚ شین بو)، یوهودأ(یعقوبٚ پٚسر).

اعمالٚ رسولأن 16:12

و آخرپٚسی فأرٚسِییم فیلیپی‌یَ کی رومٚ سلطه جیر و مقدونیه میأن نٚهأ بو. چن روج اویَه بئیسأییم.

اعمالٚ رسولأن 18:1

اونٚ پٚسی، پولس جٚه آتنٚ بوشؤ قرنتس.

اعمالٚ رسولأن 18:12

ولی وختی گالیون، اَخائیه اوستأنٚ فرمأنروأ بوبوسته، یوهودیأن کس‌کسٚ اَمرأ پولس ضد ویریشتٚده و اونَ موحأکمه وأسی ببردٚد فرمأنروأ ورجأ.

اعمالٚ رسولأن 19:21

تومأمٚ اَ ایتفأقأنٚ پٚسی، پولس جٚه خودا روحٚ ور هیدأیت بوبوسته کی پیشتر جٚه اَنکی بشه اورشلیم، جٚه مقدونیه و اَخائیه رأ دٚوأره. اون گفتی: «اونٚ پٚسی وأستی رومٚم بٚشٚم!»

رومیأن 15:26

چونکی هوطو کی دأنیدی، یونأن و مقدونیه مسیحیأن، او مسیحیأنٚ رِه کی اورشلیمٚ میأن سختٚ شرأیطٚ دورون زٚندیگی کودأندٚرٚده، ایپچه پیشکش جمَ کودٚده.

دوم قرنتیان 1:1

اَ دسخط جٚه پولسٚ ور ایسه کی خودا ایرأده اَمرأ اینتخأب بوبوسته کی عیسا مسیح روسول بٚبه و هطویم اَمی برأر جَا تیموتائوسٚ ور. اَ دسخطَ خودا کیلیسایَ قُرِنتُس میأن و هطویم همٚتأ مسیحیأن اَسر تأ اوسرٚ اَخائیه اوستأن نیویسٚم.

دوم قرنتیان 9:2

چونکی دأنٚم کی شومأن خودتأن چی شوق و ذوقی کومک رسأنئنٚ رِه دأریدی. من گولأزٚ اَمرأ، او ایمأندأرأن کی مقدونیه شین ایسٚدَ بوگفتم کی شومأن اَخائیه شهرأنٚ دورون جٚه پأرسأل کومکٚ رِه حأضیر بید. رأس‌رأسِی، شیمی هه شوق و ذوق بو کی خٚیلی جٚه اَشأنَ تِشویق بوکوده کی کومک بوکونٚد.

اوّل تسالونیکیان 1:8

اَسه خوداوند، خو کلامٚ شیمی اَمرأ همٚتأ جأجیگأیأن پٚخشَ کوده و البأقی‌ سرزمینأنٚ مردومٚ گوشم فأرٚسِه. هر جأ پأ نیهیم، گب جٚه شیمی عجأیب غرأیب ایمأن کی خودایَ دأریدی ایسه؛ جٚه اَ خأطر دِه ایحتیأج نییٚه کی اَمأن هیچی اَنی وأسی بیگیم،

اوّل تسالونیکیان 4:10

البت، شیمی محبتَ تومأمٚ مقدونیه ایمأندأرأنَ نیشأن بٚدأییدی؛ جٚه اَ خأطر، اَی جأنٚ دیلٚ برأرأن شیمی جَا خأهیش کونیم اَشأنَ ویشتر جٚه اَن محبت بوکونید.

اوّل تیموتائوس 4:12

ولأن هیکس تٚرَه تی جوأنی وأسی کوچیکَ کونٚه، هطویم سعی بوکون کی گب زِئن و کردکأرأن و محبت و ایمأن و پأکی دورون همٚتأ ایمأندأرأن رِه سٚرمشق بیبی.

تیتوس 2:7

خودٚتٚم وأستی هرتأ خورومٚ کأر انجأم دٚئنٚ اَمرأ، اَشأنٚ رِه نومونه بیبی؛ تی آمؤختٚنٚ دورون صأف و صأدیق و جدی بوبو.

۱پطرس 5:3

ریأستٚ دونبأل نٚگردید، بلکی ایتأ الگوی خُب اَشأنٚ رِه بیبید