۱پطرس 4:4 - Gilaki New Testament

⁴ اَسه شیمی قدیمی ریفِقأن قأقَ بٚده کی چٚره اوشأنٚ اَمرأ هرزگی دونبأل نیشید؛ جٚه اَ خأطر شٚمٚره رخشنٚ گیرٚد.

کیتاب مقدّس به گیلکی (رشتی)

⁴ اوشأن قاقَ بیدی کی هسأ تومامٚ اَ لاابالی‌گری سیلٚ دورون شومأن دِه اَشأنٚ اَمرأ شرکت نوکونیدی و شمرَ فحش و فلاکت دیهیدی.

کتاب مقدس به زبان گیلکی - گویش شرقی

⁴ ألؤن کی شمه ای بی‌حد و حیساب هرزگی مئن ایشؤن همأ شریک نین، حأیرؤنن و شمره فحش دئنن.

کتاب مقدس به زبان گیلکی - گویش رشت و غرب گیلان

⁴ هسّا کی شُمان اَ بی حد و حیساب هرزگی درون اَشانِ اَمرا شریک نیئید، اوشان، حَیران ایسید و شمرأ فاش دیئیدی.

۱پطرس 4:4 ပူးပေါင်းရင်းမြစ်များ

متّی 23:25

«وای به شیمی حأل اَی دین عألیمأن و ریأکأرٚ فریسیأن! چون شومأن کأسه بوشقابٚ بیرونَ، اَندر تیمیزَ کونید کی پرکاله به، ولی اوشأنٚ دورون طمع و نأپرهیزی جَا پوره.

لوقا 15:13

پور زمأت نوبوسته کی کوجه‌دأنه پٚسر، هرچی دأشتی جمَ کوده و بوشؤ ایتأ دورٚ شرأ جأجیگأیأنٚ میأن. اویَه تومأمٚ خو مأل و مینألَ خوشگوذرأنی و نأجورٚ کأرأنٚ وأسی جٚه دٚس بٚدأ.

اعمالٚ رسولأن 13:45

ولی وختی یوهود پیله‌ کسأن بیدِده کی مردوم روسولأنٚ پیغأمٚ جَا ایستقبأل کونٚده، جٚه حیسأدت اوشأنی جَا بد گفتیدی و هرچی پولس گفتی، اونَ ضد گفتیدی.

اعمالٚ رسولأن 18:6

ولی وختی یوهودیأن اونی اَمرأ موخألفت بوکودٚد و فأش بٚدأده، پولس او شهرٚ گرد و خأکَ خو لیوأس جَا بتکأنه و بوگفته: «شیمی خون شیمی گردن بٚبه! شیمی خون می گردن ننأ. جٚه اَنٚ پٚسی خودا پیغأمَ اوشأنی‌یَ کی یوهودی نییٚده فأرسأنم.»

رومیأن 13:13

چونکی اَمأن روجٚ روشنی شینیم و البأقی آدمأنٚ ورجأ وأستی خوروم کردکأرأن بٚدأریم. عیأشی و مستی و زٚنأ و هوس بأزی و دعوأ و حسودی محفیلأنٚ دورون نیشید.

افسسیان 5:18

مستی جَا دوری بوکونید چونکی مستی، آدمَ نأجور رأیأنٚ ور فأکشأنِه. اونی عوض جٚه خودا روح پورَ بید.

۱پطرس 2:12

شیمی دؤرٚور بی‌ایمأنأنٚ ورجأ مورأقبٚ شیمی کردکأر بیبید؛ حتّا اگه اَشأن شٚمٚره بدکأری وأسی موتهم بوکوند، امّا وختی کی مسیح وأگرده، خودایَ شیمی خوروم کأرأنٚ وأسی ستأیٚش کونٚده.

۱پطرس 3:16

ویجدأنٚ پأکٚ اَمرأ، اونچی‌یَ کی دوروست و رأست ایسه انجأم بدید؛ چونکی وختی مسیحَ ایمأنٚ دورون شیمی دوروستکأری‌یَ بفأمٚد، خوشأنٚ کأرٚ جَا شرمنده بٚده.

دوم پطرس 2:12

اَ دورُغگو معلمأن او جأنورأنَ مأنٚده کی هیذره عقل و شعور نأرٚده و خوشأنی جیسمٚ خأسته‌یأنٚ جَا ایطأعت کونٚده، کی خلق بوبوستٚد کی بٚدأم دکفد و هلأکَ بد. اَشأن هر چی‌یَ کی نفأمٚد رخشنَ گیرده، غأفیل جٚه اَنکی ایروج هو جأنورأنٚ مأنستَن هلأکَ بٚده.

دوم پطرس 2:22

اَ مثل دروأره‌یٚ اوشأن صدق کونِه کی: «سک خو قی بوکوده چی رو وأگرده» و هطویم اَ مثل کی: «بوشؤسته خوک، گیلٚ دورونی غلط زٚنِه»

یهودا 1:10

ولی اَشأن هرچی‌یَ کی نفأمده دٚس پٚرَه گیرده و فأش دٚهٚده؛ اَشأن هطو نفأمٚ حیوأنٚ مأنستَن، هرتأ کأر کی اَشأنی دیل خأیه کونٚده و اَطویی نأبودَ بوستن و جٚه بین شؤئؤنَ پیشوأز شٚده.